Malakiya 3:3 - Bible en Guidar

³ Wasan ɗew əhə̃s təbəz babara gəm əɗawani. Wabbur kirtin Levi. Wakkpeŋget salala va adakkpaŋganən meleŋge gem təbəz babara. Wassoŋ sən Yawe ka məkiyaŋ sənən əvəl də tiveni.

Malakiya 3:3 ပူးပေါင်းရင်းမြစ်များ

Gəlyaɗe 116:17

Wanəzaɓ suk Maŋgəlva nawfete, gəm wanəya Yawe də sləmani;

Gəlyaɗe 4:5

Məkkeri, kədaɗɗaŋ mambray ɓa hara; məpel a mokrokum aka zəga nawvoŋ nokum, məssoŋ sləɓəkə. Əziwe

Gəlyaɗe 4:6

Məzaɓ-Maŋgəlva an təstəsə, məppan əɗɗum nokum aka Yawe.

Gəlyaɗe 50:14

Afet aka Maŋgəlva a gəla əzaɓ-Maŋgəlva, gəm aɗɗa an mok aynə sən Məsəɗəɗə.

Gəlyaɗe 50:23

Məzaɓ-Maŋgəlva nawfet akaw tay əgagdakawa. Məzək sləma aka tive nani, wanərban sən əkõh na Maŋgəlva.

Gəlyaɗe 51:19

Əzaɓ-Maŋgəlva məs Maŋgəlva aŋgəl na, maɗɗula an lumbu'lumbu'u. Maŋgəlva, kəzelen na makra ɗəf an lumbu'lumbu' gəm məvoŋgən kiyən ɓa.

Gəlyaɗe 66:10

Aw Maŋgəlva, kəsləməka, kəsləmək va adawslaŋ təbəz babara.

Wənməkkpaŋga 17:3

Vov tay vi nawhə̃s təbəz babara, movoro vi nawhə̃s meleŋge; Yawe tam dədawsəŋgləkan mekret ɗiyi.

Wənməkkpaŋga 25:4

Ahõk zəga an dəslãh ara təbəz babara, asna məhə̃s təbəz wazaɓ mesteɓe dəndəni;

Isaya 1:25

Yerusalem, wanəkkpaŋ dəzoko: anəskoɓuk də bətuwa, wanətor haramba sə zoko.

Isaya 48:10

Awla, nəbburkumuk də offo, va adabburoŋ təbəz babari nəbburkum ɓa, addəv mesteɓe na tatwãhi.

Isaya 61:6

Kawyukumi na məsdəlveŋge na Yawe, Kawɗikumi məɗɗaŋ wəza na Maŋgəlva namə; wakəzəmən arya net ɗiy-ɗarə, wakəkaɓaŋ də gagdak neti.

Yeremiya 9:7

Herzlimit tay va har mətakaɗən də muhun azani an adawpeleŋ pak uwawəni yi: Əpel nenek tay əgilyen səmet sən bayneti, addəv kpukpum na mekret hara na tahəŋ ənslənaŋ sənən peweŋ.

Ezekiyel 20:38

Wanəɗoh ɗiy məɓoŋgit dit en dəɓoŋgoŋ akaw sərokum, wanəgilgit səka dələv məs asmeŋ adaka, azzoŋ na aka dələv na Israyel ɓa: asna wakəsənnən na, intə Yawe.

Daniyel 11:35

Kawbayə səret məsmaɗɗuleti, əmta net wasan ka zəga nappay heslepe səzeti, nabburti, nakkpaŋget salala hã gap pay na wəggraka, vi pay məɗiyən van abe yi.

Daniyel 12:10

Ɗiy diyɗa na kabburti, kakkpeŋgeti salala, gəm kappayni heslepe sezeti. Ɗiy mbəreyit wazbanən əɗɗa mbərayən, ɗəf mbərayən pak zəga tay adaprəm ɓa, ya məs əsən aket na, net waprəmən an dədawtoŋgo.

Hose'a 14:2

Israyel amndok aza Yawe Maŋgəlva noko, vi heslepe nok ataŋgbaygukko.

Zakarya 13:9

Wanətoŋgən taka naret hokuŋ dəka offo, wanəhəs va adawhəsaŋ təbəz babara, wanəsla va adawslaŋ meleŋge. Nan waya iya nawa, wanəprəm səni. Wanənah na: «Ɗiy nawəŋgə», net tam wanahaŋ na: «Yawe yi Maŋgəlva nawa.»

Əŋɗa 8:6

«Awel mə leviɗe səret mə Israyelɗe aslsleye.

Luka 3:16

Yohanna azlani, aɓsit pak na: Naw in tat əgəɗ sukum baptem dit iŋkile, ya ɗəf məs dəday kiyu də gagdak wade, nəgap nawpəl slapat net hensek nan ɓa. Wagəɗ sukum baptem də Zeŋgile Salala gəm də offo.

Roma 12:1

In tat əɓɓəlokum kana milmiŋgiɗwa, də ulasahã na Maŋgəlva kərahaŋgəŋ na, məpsən zukum ka əzaɓ-Maŋgəlva madarani, salala, məs dəslə sən Maŋgəlva. Aski əpəl nokum dəslə na əpalən.

Roma 15:16

ka nəsawgən aka wəza na Yesu Kristu viyit ɗiy-ɗarə. Nəppanək ki zu sən Alabara Nenek na Maŋgəlva. Vi ɗiy-ɗar dəssoŋgən əvəl məpsən Maŋgəlva məs ataf lewlewi, məs Zeŋgile Salala akkpaŋget salala.

Filipi 2:17

Ya an anəsaw va mbazla nawpesl aka əzaɓ-Maŋgəlva gəm aka wəza na ətaf nokum dayday na, zu neki, zu neki də mənokum pakgukum.

Filipi 4:18

In tat də an wərayu asan azan pakə, addəv əba nani, tay məs dəkkpap su səza Epafroditus aki su an səvokum ɓa, tay va əvəl məs də məŋgənən neki. Əzaɓ-Maŋgəlva məs Maŋgəlva atafi, neki azani.

2Timote 4:6

Naw na, vi mbel naw aggbo'oŋguk səkayə, pay nadda naw agapka.

Titus 2:14

məs dəppan kiyən viyəm vi kamam səka mambray pakə, abbur ɗiy kanan dəssoŋgən məs kotorokɗe naɗɗa wəza moggoni.

Ibriɗe 12:10

Neti, azga'səmənək va aza əɗɗum net ammba pay siɗikke; ya nani vi ərəh nam adazga'səmə məsamgən salala va ndəni.

1Piyer 1:7

Vi ətaf nokum məs məslan dəsan na sləma dayki meleŋge məs dəsan zəga nawray məslan də offoŋ dərahgən əɗikiya, gagdaka gəm sləma pay Yesus Kristu adarban zəni.

1Piyer 2:5

Nokum van kpakə, va gərmeŋge medereti, məssoŋ mərkukum ka gəla nassa na Zeŋgile Salala, ka əsap net məsdəlveŋge salala napsən əzaɓ-Maŋgəlva na əmpəs sən Maŋgəlva məs adawtaf də Yesu Kristu.

1Piyer 2:9

Ya nokum, mahəlfa an muwelin kənanaŋgə, məsdəlveŋge na məlyã, kirtindələv en salala, ɗiy məs Maŋgəlva abit kənanaŋgə, vi kərbanəngən wəza gagdak na məs dəyukum səra guzli ara əkeɗeɗe nani.

Hənhən 1:6

Akkpaŋgamək ka ɗiy naka dələv na məlĩ nani, ka məsdəlveŋge na Maŋgəlva Afəni, gagdaka gəm əɓap nani hã faɗə. Amin.

Hənhən 3:18

Naw wanəppeteko, albah təbəz na meleŋge mədan də offo sə vawa, kəsokgən məsarya, gəm lukutɗe babarɗe nawgul azoko, vi wil nasso gobbok mekeleŋ adarbaŋ ɓa, gəm miya na hara ɗəfa kəɗɗagən aroko kuwəlgəni.

Hənhən 5:10

Yaŋ kəɗɗe dəssoŋgən məlyeŋge gəm məsdəlveŋge na Maŋgəlva, wazəmaŋ məlĩ aka dəlvafuŋgu.