Malakiya 3:2 - Bible en Guidar

² Naway nawɓap pay nazza nan di? Naway nawsan ziwwe pay adarban zən di? Vi tay va offo məzuhə̃s zəga, va sapuna na məzəskoɓo.

Malakiya 3:2 ပူးပေါင်းရင်းမြစ်များ

Va'Atəŋ 19:28

Aziy haran aka Sodom, Gomorra, də kiva na dələv vanəs pakə; ndən haran sek awla enene səfuŋ ɗəkɗək va enene na movoro.

Ɗerewel na Yob 28:1

Vov nawgilgin təbəz babar tay, gəm təki nazzoron meleŋge tay.

Gəlyaɗe 130:3

An kərmak wən na heslepe na Yawe, naway nawsan di Daya?

Gəlyaɗe 2:7

Wanərban əsərəkɗe na Yawe: Aɓsu na: «Istə wətuwa; naw, dəpaŋki nəwuko.

Gəlyaɗe 76:7

Aka wəhãy noko, Maŋgəlva na Yakob, mawteɗ dit pilseŋge net pak azaŋka.

Wənməkkpaŋga 25:4

Ahõk zəga an dəslãh ara təbəz babara, asna məhə̃s təbəz wazaɓ mesteɓe dəndəni;

Isaya 1:18

Mide, mətawangəni, Yawe anahə. An mambray nokum tay ɗiwɗiwi, wakkpaŋ babar ndasl va ɓeɓrezlerizze. An tay pəreŋ va gozoy, wassan babar va helege na ngərayã.

Isaya 33:14

A Siyon məs mambrayɗe ageslne'eŋke, məɗɗaŋ ɗarɗar akkereŋke. Naway səmmbam nawɓap əssan gu'o də offo mətarna təki di? Naway səmmbam nawɓap əssan addəv movoro offo məzlə pay pakəŋ di?

Isaya 4:4

An Daya askoɓuk ərgã' net kirin muguluŋgit na Siyon gəm an aɓəlkitik mbel səddəv Yerusalem na, waffon səmyã na ətawwəna gəm na əza,

Yeremiya 2:22

Aslslay də meleme zlaŋ, akkəɗ sapuna təl ɓaɓay zlaŋ, mambray verre abawa, Yawe Maŋgəlva aɗiymani.

Ezekiyel 22:14

Mokrok tay nawziw abaw sa? Vok wasan ɓəl pay nədawsil suk sa? In Yawe nədawpele, wanəɗɗa.

Daniyel 11:35

Kawbayə səret məsmaɗɗuleti, əmta net wasan ka zəga nappay heslepe səzeti, nabburti, nakkpaŋget salala hã gap pay na wəggraka, vi pay məɗiyən van abe yi.

Yo'el 2:11

yaŋ Yawe adawgəŋgəm wəlan abet məzəlpaŋ nani. Vi məzəlpaŋ nan aŋɗaŋ ɓa: məzəɗɗa an aɗi gboŋgboŋgi. Vi pay na Yawe metiŋgini, adahək nawgeslne' sən diyɗa: naway nawɓəsən di?

Nahum 1:6

Naway nawɓap iziw aba ədagədəv nan di? Naway nawsilyen an makran asilik di? Makran tay vakvak va offo; awehetik gərmeŋge səbani.

Zakarya 13:9

Wanətoŋgən taka naret hokuŋ dəka offo, wanəhəs va adawhəsaŋ təbəz babara, wanəsla va adawslaŋ meleŋge. Nan waya iya nawa, wanəprəm səni. Wanənah na: «Ɗiy nawəŋgə», net tam wanahaŋ na: «Yawe yi Maŋgəlva nawa.»

Matiye 25:10

Adan adaddoŋ əlbaha, ɗəf nawgimit gapə. En dəslanən zit toŋ dəndən addəv gəla nawɓele. Yaŋ məmpan maddamba.

Markus 9:3

Lukutɗe nan kpaŋgaŋ əwiɗ babarɗe ndaslə, ɗəf tay aka dələv nawɓap əskoɓ lukut va nan ɓa.

Luka 2:34

Simeyoŋ aɗɗak əzaɓ eketi, aɓsət Miryam man na: wiynəŋ tay ahəŋ vi əzbəra awaniɓa əsilye net ɗiy diyɗa a Israyel, gəm va zəga nawsilgin əŋzlama.

Luka 21:36

Məssoŋ ketketi məkkam pay pakə, vi kərahaŋgən gbogboŋ nawkõh səmet zəgeɗ en dədaɗɗaŋ pakə, kiziweŋgin aba wətən Ɗəfa.

Luka 3:17

Tay də tekpesle nawseŋger zəga nan avani, vi kawɗakan hay dit keselme. Wakkalan hay nan a maha, ya keselme na, wazle də offo məs amta ɓa.

Luka 3:9

Məɗiyni ma zlimbe aket suwerit wəleŋɗe səkay, wəlaŋga məs awa moggon ɓa pak kawbəlni, kawsapən aka offo.

Luka 7:23

Əzaɓ aka ɗəf an məs nəsaw sən ka zəga nazbərgən ɓa.

Yohanna 8:55

Ya nokum kəsənən ɓa, naw nəsənka. An nənahək na nəsən ɓa, wanəsaw məwə wən va munokum. Ya nəsənka, in tat ərma əpel nani.

Ibriɗe 12:25

Məzi zukum kədawɓoŋgoŋ aka məzupel sukuməŋ ɓa! Adan məs dəɓoŋgoŋ aka məzupel sit aka dələv dəkõhoŋ səma wəzga' ɓa na, mənamtə dərəŋ məkõh kan, an məktuhuk dəɓam sən məzupel səm hã sə disiŋ.

Hənhən 19:8

Məgul səni lukut na ngərayã məzuwiɗ kukuɗo. Vi lukut na ngərayã van wəzaɗe mogget net ɗiy na Maŋgəlva əŋgə.

Hənhən 2:23

Gewleɗ nat na, wanəbeye, gəleɗe na Maŋgəlva pak wasənnən na intə məkoson əɗɗumo gəm makret ɗiyi. Wanəfaɗsən naway di pak va azet wəzaɗe nani.

Hənhən 6:17

Vi pay metiŋgin na ədagədəv net agapka. Naway nawɓap əkõh di?

Hənhən 7:14

Nəzlan sənək na: Daya nawa kəsənka! Aɓsu na, ndəɗaŋgəŋ ɗiy məs dəgilyoŋ səddəv əzəmsãhã metiŋgini. Askoɓunik lukutɗe neti, azzoretinik lukutɗe net addivit mbel nat ndargayãk kpaŋgaŋ babarɗe.

1Samiyel 6:20

Zel na Betsemes aɓɗaŋ na: «Naway dədawɓap əziw aba Yawe, Maŋgəlva salalaŋ di? Ana nawada mədawkan səzam di?»