Malakiya 3:16 - Bible en Guidar

¹⁶ Vaski məzəgeslne' sənən Yawe adazgan meŋ a walaŋ ziti. Yas Yawe apak sləman aprəməka. An məɗɗumon tay məverin addəv ɗerewel aban aka wən net ɗiy məgeslne'eŋ sənən Yawe gəm məzəɗɗumon aka iya nani.

Malakiya 3:16 ပူးပေါင်းရင်းမြစ်များ

Va'Atəŋ 22:12

Yaŋ amna: «Kəppar vok aka wiyin ɓa. Kəgəɗ sən zəga ɓa, vi nəsənək kakaŋ na is tat əgeslne' sən Maŋgəlva adan kətak wətuk karmalay dapsu ɓa.»

2Samiyel 7:1

Adan məlĩ asan eŋgil ananda gəm səza Yawe aɓsən əffet səzet məzuzelɗe nan dəssoŋ kiyən karkarə,

1Milyeŋge 18:12

Ya in əzar səzok aŋ na, Əmpəs na Yawe wagəmuk kawkuk a təki məs nəsən ɓa; in kan kadawnah sən Akab, ya aruhuk na ɓa, asna wabaywa. Gawla nok na, tay əgeslne' sən Yawe far səka gawlani.

1Milyeŋge 18:3

Akab dah iya Obadiya, daya naka gəla na məlyã. Mbara Obadiya, məgeslne' sən Yawe diyɗa yi.

2Alabaraɗe Də Mabərkiziti 6:7

Ya afu Davit aynanək a makran narka gəla sən Yawe Maŋgəlva na Israyel.

Nehemi 1:11

Kamə Daya, apak sləmok ammba əkkam na gawla nok ɗah gəm ammba əkkam net gewleɗ nok en məs dəŋglaŋ nawgeslne' sən iya noko.» Kamə aɗɗa kəta wən dədaw ammba gawla nok pay dəpaŋka, aɗɗa kəta dərahgən ulasahã səza dəfəŋka. Intə məpsən zəga nawsa sən məlĩ daska.

Ester 2:23

Məkosoni wən nani, mərəhni na gesiŋgi yi. Yaŋ məlewit sulegit aka wəleŋga, məverin kara məlĩ addəv ɗerewel net alabaraɗe də mabər ki ziti.

Ester 6:1

Dəfəɗ dəpas na, sin atrayaŋgək səra məlyã. Anah dəkisənəngən ɗerewel naɗɗumet wəzeɗe en dətoŋgoŋ də pay net də mabbər ki ziti, məŋɗet aba məlyã.

Ɗerewel na Yob 28:28

Yas anah sən ɗəfa, amna: Əgeslne sən Yawe na maɗɗula yi! Wəzar faraɗa səza mambray na əsəni.

Gəlyaɗe 10:4

Məsdaraw ula zən na agapka, awkay əmpa ɓa: «Maŋgəlva tay ɓa», aski əɗɗum nan gərakə.

Gəlyaɗe 104:33

Waniyə gəlya sən Yawe pay naw pakə, wanəlvan Maŋgəlva də gəlya, pay ənziya naw egge.

Gəlyaɗe 111:10

Ətəŋ na maɗɗula na, əgeslne' sən Yawe yi: məzəɗɗaŋ vas na pak aslanənək ziti. Kawgagdakani Daya hã faɗə.

Gəlyaɗe 115:13

wazeɓet məgeslne'eŋ sənən Yawe, ɗiy memeɗeŋɗe dit gugriɗe.

Gəlyaɗe 119:63

In tat əsap azet məgeslne'eŋ sukun pakə, məzərmenin wəsəɓɗe noko.

Gəlyaɗe 139:4

Tak əpel təttaka əzzan amawa, kəsənək kpekpe'i Yawe.

Gəlyaɗe 147:11

Ya Yawe tay ulasahã aket məgeslne'eŋ sənəni, aket məzuganən moggon nani.

Gəlyaɗe 16:3

Ɗiy salala naka dəlvəŋki, net na sləmaŋgə ənnek naw pak azeti.

Gəlyaɗe 20:7

Kakaŋ nəsənək na: Yawe akõhgənək mesiya nani; wazlan sən səddəv gəla salala nan sə disiŋ, də gurom na van dəzəŋ məskə wəla.

Gəlyaɗe 33:18

Hara Yawe yaŋ aket məgeslne'eŋ sənəni, aket məzuganən moggon nani,

Gəlyaɗe 34:15

Aɓaŋga' sən mbərayni, agəɗ moggoni, akayan zazaya, azbani!

Gəlyaɗe 56:8

Vi mambray na, azet na wakohõŋ sa? Maŋgəlva, azlbe də ədagədəv noko!

Gəlyaɗe 56:9

Nok kəŋɗanək təlu aka slorslor nawa; azi sin naw addəv kwenekwene noko, tay addəv ɗerewel nok ɓa sa?

Gəlyaɗe 66:16

Məde məprəma, wanəboton an Maŋgəlva agəɗ viyu sit məgeslne'eŋ sənən pakə.

Gəlyaɗe 94:19

Pay əɗɗumɗe aslakataŋ akawa, əsɓaw kədasɓawəŋ, neki yi aka gəɓa zuwa.

Əgilye 32:32

Ya kakaŋ na, agəm mambray neti, an vaski ɓa na kamə avvuyow səddəv ɗerewel nok an kəveri.

Wənməkkpaŋga 13:20

Mədaw dit məsmaɗɗulet wasan də maɗɗula, məmbat anet ɗiy dərweŋge da na, tatwãh warəha.

Isaya 26:3

Daya də zuk soksok kədazga sləma aka zay na ɗəf məs makran barə, vi appanək kizən suko.

Isaya 26:8

Gegesiŋ aka tive an ətawwən nok antarə, akoki məɗi əɗɗum namə Yawe. Əya iya noko, əɗɗum akoko, ndəni an ɗəf aŋgələ.

Isaya 4:3

Asna, kawyani ɗəf an dəpəl a Yerusalem də ɗəf an dəpəl a Siyon na ɗiy salala, vaska'e ɗiy en məverit sə Yerusaləm vi dəssoŋgən medereti.

Isaya 50:10

Naway suwalaŋkum məzugeslne sən Yawe di? Dəprəm ma gawla nani. Naway məs dədaw ara guzliyo, məza ndən gas təki we'we' ɓa di? Dəppan kiyən addəv iya Yawe dəges aza Maŋgəlva nani!

Isaya 65:6

Zəga məverin abawi yi, nəsaw na ɓat ɓa wanəmpəlkiya dəreŋgə, wanəfə̃h an na makraw pakə.

Yeremiya 31:18

Əprəm nəprəm Efrayim əɓuh man na: Kəzgasuwəka, nətafək əzga' van va wasli məyagani ənse ɓa. Amndagawa, wanəmndawa vi istə Yawe Maŋgəlva nawa.

Yeremiya 8:6

Nəzlgək sləma əprəmti təstəs tay addəv an apeleŋ ɓa. Ɗəf tay dədawɗi marava aka mambray nan dawnəh na: «Mi nəgəɗəŋ di ɓa?» Naway pak əzban ənza nan va pələs məgəm zən əmbat a ma əgaya.

Ezekiyel 9:4

Yawe aɓsən na: «Atoŋ addak walaŋgəla-metiŋ, addak Yerusalem; kəvergən zəga a mirbizit ɗiy dədawɓuhnən met gəm dədawɗəkaŋ aket zəgeɗ daryawɗe dədaɗɗaŋ addəvnəŋka.»

Daniyel 12:1

Pay nani, Mikayel daya net maslayɗe, məga net ɗiy nok warban zəni. Pay nan wasan na tatwãh metiŋgini, zeŋvin dəgəɗ ɗah ɓa təŋ səza ɗiy assoŋgu aka dəlvafuŋ hã gap pay dəpaŋka. Dəpas na, ɗiy nok məs iya net məverin addəv ɗerewel wakõhoŋgu.

Daniyel 7:10

Məlpa na offo tay ədaw əgilye səbani. Ɗiy gabal kəlaw təl gabalɗe tahəŋ əɗɗaŋ wəza abani; ɗiy məza əŋɗa net tay ɓa tahəŋ ziwziw abani. Səza mətəŋ wətawwəna, məkolti ɗerewelɗe.

Malakiya 3:5

Wanədder azzokum vi kawtaw wəna. Wanəsaw məziwe nawgəm zən əpel aket məɗɗaŋ tetele, aket məkuwa a gizbe, aket əswayɗe na tepelke, aket ɗiy məzutakən hanza na məgəɗ wəza, nat gagəbaya gəm na mitiwe, məzəzəmgənən sahã na molhõyõ gəm en awgeslne'eŋ suwən ɓa, Yawe Məzuɓappak anahə.

Luka 2:38

Yaŋ təde daka' də pay nan ləŋ tədaɗɗa soko sən Maŋgəlva, tədawpel wən na wiyən van sit məzuganən əkõh na Yerusalem pakə.

Wəza net Masləŋɗe 1:13

Adan amilyoŋgu, ateŋgeŋgək addəv giziŋ an na disiŋ a təki adakkalaŋ ɗayɗayə. Ndəɗaŋgə mãy Piyer, Yohanna, Yakob, Andre, Filip, Tomas, Bartelemi gəm Matiye də Yakob wətən Alfe, gəm Simoŋ məs dəŋglu dələv nani, gəm Yuda wətən Yakob.

Wəza net Masləŋɗe 10:2

Ɗəf məs dətafi, məgeslne sən Maŋgəlva yi də gəla nan pakə, məwəl sahã aket ɗiy diyɗa yi, məkkaman Maŋgəlva ɗayɗayi.

Wəza net Masləŋɗe 2:1

Adan pay na Paŋtekot agapə, akkalaŋgək baymet a təki taka.

Wəza net Masləŋɗe 9:31

Ndəni kan məzutafaŋ naka dələv na Yude na Galile dit na Samari pak assoŋ addəv zazaya. Asɓanən ziti, adawdawaŋ addəv geslne na Daya, adawanən zit də əbbah na Zeŋgile Salala.

Efesus 5:19

Məpel sən zukum də gəlyanalva də gəlya na gagdaka, də gəlya na Əmpəsa, məyə gəlya gəm məɗi ki Daya də mokrokum taka.

1Tesaloniki 5:11

Vi vaski məsɓan zukum gəm məɓɓəlan zukum addəv ətafa, va kədaɗɗanən səkayə.

1Tesaloniki 5:14

Mənam tat əkkamokum milmiŋgiɗwa, məhayet mətampəlɗe, məsəɓ sit ɗiy məs makret məmtəni, məbbah sit ɗiy məddekti, məɓəs wən net ɗiy pakə.

Ibriɗe 10:24

Məzgə səm sləma a walaŋ zəmə vi kahhaɗam addəv əŋgla gəm addivit wəzeɗe moggeti.

Ibriɗe 12:15

Məzi zukum ɗəf səmmbokum adawmilyen dərɓe kappan mbəlembəle na Maŋgəlva ɓa; ɗəf səmmbokum adawsan va gaslamba tatrah məzugilyeni, kattepet ɗiyi, kaslsləret diyɗa ɓa.

Ibriɗe 3:13

Pay pak məsəɓ sən zukum va adawɓap ənahaŋ na pay dəpaŋka. Vi makra ɗəf səmbokum adaɓɓəl sən ərah na mambray ɓa.

Hənhən 15:4

Naway məs ageslne' suk na ɓa, agagdakan na iya nok ɓa di Daya? Vi istə salala kaka'ə, ɗiy-ɗar pak wazzoŋ əppu' aboko. Vi wətaw wən nok temtem arbəka.

Hənhən 20:12

Yaŋ Nule ɗiy mimtit pakə, ɗiy gugriɗ dit muzliyeɗ pakə, tahəŋ ziwziw aba mazaŋga na məlyã. Məkolti ɗerewelɗe, yaŋ məkol ɗerewel maɓɓani, ndəni ɗerewel na zeŋgile. Ɗiy mimtit pak mətawi wən aket va aza wəza net aɗɗaŋ məverin addəvit ɗerewelɗe.