13 Əpel nokum akaw ɓəli, Yawe anahə, yaŋ kəɓɗaŋ na: «Əpel mi məpel awalaŋ zəm akok di?»
Adan kəkkpaŋganək ədagədəv nok aka Maŋgəlva gəm is əgilgin əpel mbərayən sə mok di?
Wakətak wətawwən naw sa? Wakənah na mbərayu nani vi kəsokgən təstəs sa?
Tay Ənah a makran na: «Maŋgəlva azgətka, aɗamanək harani, tay an adawla ɓa.»
Farawən amna: «Naway Yawe hara nəprəmgən man kappet mə Israyelɗe dəmbataŋgən di? Nəsən Yawe ɓa, ya lah na, nəppet na mə Israyelɗe dəmbataŋgən ɓa.»
Vi Yerusalem askotko, Yuda aɓəslka. Əpel neti gəm wəza neti əɓoŋgi aba gagdak na Yawe.
Nawa kərə gəm nawa kərəm mama azan di? Aka nawa kəslan wəlok gəm kəslan horok a disiŋ di? Aka Salala na Israyel yi.
Məprəmwa, makra ɓəɓəlɗe məssoŋ ɓa səza təstəsə.
Tahəŋ ənahaŋ na: dəgəm zən gu'gu'u əɗɗa wəza nani, vi mulagəni! An Maŋgəlva na Israyel azaɓan naɗɗa dəgap aza əbaymani, mam aka əsənəni!
Ya səza məppan gabba əzla tursan sət Ma'ãyək na disiŋ gəm əpeslta, zəga pak tay əkkpap səvamə, mənam tat əgrak ama masalam gəm sən mayã.
Wil adetinke vi zəga narba wil aɗɗaŋgə, Wil dədetin ɓa, dəsənaŋ zəga wil ɓa, Vini waskotoŋ aret ɗiy en dədaskotoŋgu; Pay nədassõh an aɗɗaŋgə waskotoŋgu Yawe anahə.
Yaŋ kəɓɗaŋ na: Əɗɗa na Daya də tiveni ɓa! Kamə məprəma ɗiy na Israyel: Əɗɗa nawi də tiveni ɓa sa? Məza ədaw nokumi də tiveni dərəŋ ɓa ɓa sa?
Kəɓaygənək zuk akaw də wəpel na moko, kəpelik nawku akaw diyɗa: naw nəprəməka!
Tay əkkpaŋgaŋgə, ya azawi ɓa, tahəŋ va bəle mbərayən. Deyeɗe net waskotoŋ a ma masalam sən əpel nawku na meti, mə Eziptiɗ wamasaŋ aketi.
Mənokum ənahaŋ na: vi miyi vas di? Vi Yawe asanək miziwe awalaŋguk dət guluk na gawloko, yaŋ kərbə sət wili. Məzəbbah noktə kəta, guluk na wənmiyna noktə!
Mənokum tat əyan Yawe də əpel nokum. Mənokum wənahaŋ na: «Də mi mədawyan di?» An mənokum tat ənah na: «Ɗəf dəgəɗ mbərayən pak na moggoni a mahara Yawe vi tay əzga sləma aket ɗiyiski» awaniɓa «Ŋgay Maŋgəlva mətaw wən di?»
Ɗiy na guw pak wanah sukumən na, məs zazay aketi, vi dələv nokum nanneki yi, Yawe Məzuɓappak anahə.
Mənokum tat əɗɗumoŋ na: «Əɗɗa wəza sən Maŋgəlva na ɗari; ərəh mi aza ərma mahenziŋ nani adan mənam tat ədaw na sahã aba Yawe Məzuɓappak di?
Ɗəf waɓap əmakan Maŋgəlva sa? Ya mənokum tat əmbəɗawəni! Mənokum ənahaŋ na: «Dəɗɗa miy məbəɗɗok di?» Də taka səddəv kəlaw gəm an mətawən nawfaɗ pakə.
Ya is ɗəfa, nawa kənan kawbay ma də Maŋgəlva di? Ya zəga məzaɓən wanah sən ɗəf məs dəzaɓ na: Vimi kəɗɗu vaŋ di sa?
ana məzuzele gəm məzuɓaygən ki zən aka zəga məs adawyaŋ maŋgəlva pakə, məs adawgagdakanəni, hã ndən tek ɗew addəv Gəla na Maŋgəlva, əɗi zən na Maŋgəlva yi.