Malakiya 3:11 - Bible en Guidar

¹¹ Wanətak zəga məzəm guli nokum, araygən na zəga na guli nokum ɓa gəm guli na megezlembirke nokum asan na ndarzlay ɓa, Yawe Məzuɓappak anahə.

Malakiya 3:11 ပူးပေါင်းရင်းမြစ်များ

Yeremiya 8:13

Əza nədawzeti Yawe aɗiymani vi uwa tay aka megezlembirke van ɓa, uwa tay aka sokoyo van ɓa, gaslamban aɓətka. Nəppetik sit ɗiy nawndepetini.

Hose'a 2:21

Wanədahuk ka guluk naw faɗə, wanədahuk ka naw də təstəsə gəm də tiveni, də əŋgla gəm ulasahã.

Yo'el 1:12

Megezlembirke aklaŋka, sokoyo tay əŋkəla; tonzoku, gogozlo, goɗoŋgoy, wəleŋɗe na guli pak aklaŋka. Wənnek arslək sə weleŋgit ɗiy.

Yo'el 1:4

An məs «deberzeɗek» apələ, «zaray» azəməka, məs «zaray» apələ, «sesɓeke» atarna'ka, an məs «sesɓeke» apələ, «tatwãh» apalkatəka.

Yo'el 1:7

Tay əɗi guli na megezlembirke naw ka kapta-muyã, abəletik sokoyeɗ nawa. Aproɗike, ndən ndol əndolit afuŋ, kiyvet kpaŋ ofrohu.

Yo'el 2:20

An dədazzan sə kəla tapaslay na disiŋ, wanərɓahan səzokum; wanərɓahan aka dələv mukuro gəm kpõkpõhõ, ngaɓa an nabe, kəla pehe, dəmmba pay nampum, ŋgaɓa an na dərɓe, kəla pehe, dəmmba pay na moskoyo; vavrãh nan wagili, əŋgəna nan wagili: Vi aɗɗek zəgeɗ gugriɗe.»

Yo'el 2:22

Zəgeɗ nawra kəgeslne'eŋ ɓa: gaslembeɗ nawra tay əndufoŋgu, wəleŋɗe tay uwaŋgə, sokoyeɗ dit megezlembirkeɗ tahəŋ uwaŋgə.

Yo'el 2:25

Wanəfaɗ sukum wəzvaɗe məs «deberzeɗek», «zaray», «sesɓeke», «tatawwã», azəmaŋgə ŋgaɓa nalpa metiŋgin naw məs nəslən akokum.

Amos 4:9

Nətawsukumək doŋgoyoŋ gəm muŋgus, gulyeŋge nokum gbeŋ net wəleŋɗe gəm net megezlembirkeɗi may sokoyeɗ nokum, heremeɗ nokum pak zaray azimke, ya kəmulyoŋ azaw ɓa. Yawe aɗiymani.

Habakuk 3:17

Vi sokoyo affuy na ɓa, tay nawrəh aket megezlembirkeɗ ɓa, wəza na hereme atərna wəray ɓa, zəgeɗ nawzəm aɗɗaŋ na a guli ɓa, gilew assoŋ na a gazlaŋ ɓa, wasli asan na taka dayday a gibek ɓa.

Haggay 1:11

Nəɗɗak koloy aka dəlva, aket mossorgoɗe gugriɗe, aka haykəmari, aka mbazla na meketepe, aka mẽlẽ gəm aka zəga na mabardaw pakə; aket ɗiyi, zəgeɗ memeyẽɗi də aka ərah na wəza nokum pakə.

Haggay 2:17

Nəraygənək wəza na vokum, də wəslən muŋgus, doŋgoyoŋ gəm ɓeɓrezleɗi, ya kəmulyoŋ azaw ɓa, Yawe aɗiyman na.

Zakarya 8:12

Vi wanəzlga zazaya, megezlembirke wawə, dəlvafuŋ wazaɓ zəga, disiŋ wazi minɗe nani, zəgeɗis pak wanipsit madembirgit ɗiy naw ka neti.

Əmsak aka Mahenziŋ 11:14

wanəzi buwən də pay nan aka dələv nokum, buwən na mənzi də an na mawala: wakəkkalan haykəmari noko, mbazla na megezlembirke gəm də mẽl noko.