Malakiya 2:7 - Bible en Guidar

⁷ Gesiŋ nan na, əsən tay a ma məsdəlva, wəzga' an təstəs tay a barani vi ndəni maslən na Yawe Məzuɓappakə.

Malakiya 2:7 ပူးပေါင်းရင်းမြစ်များ

2Milyeŋge 16:11

Məsdələv Uriya, arkak gəlamatuya; va məlĩ Akaz aslən sən sə Damas dekdeki, məsdələv Uriya arkak tak əzza na məlĩ sə Damas.

2Milyeŋge 16:16

Məsdələv Uriya, aɗɗak va məlĩ Akaz aɗi sən wən nan pakə.

2Alabaraɗe Də Mabərkiziti 30:22

Hizkiya apelik nawsokon mekret mə leviɗe məs dəssoŋ də əɗɗum moggon aka Yawe baymeti. Azəmaŋka, aɗɗaŋgək pay buhul va məɗiyən aka əzaɓ-Maŋgəlva nawrəh zazaya gəm əgəɗ sən soko sən Yawe Maŋgəlva net efiŋgiɗti.

2Alabaraɗe Də Mabərkiziti 31:4

Yaŋ anah sit ɗiy na Yerusalem dəpsitingən zəga nawrəh net məsdəlveŋge dit mə leviɗe, vi dərəhaŋgən əppan kiyzit gərak sən mahenziŋ na Yawe.

Ezra 7:10

Vi gesiŋ nan na Ezra, appanək makran, aka wəkayan mahenziŋ na Yawe, wəzbani, gəm əyagan mahenziŋɗe sit ɗiy, gəm va asərəkaŋ əɗɗaŋ a Israyel.

Ezra 7:25

An dəwəl suk na Ezra, də maɗɗula Maŋgəlva apsuk əŋka, aɗi mətawaŋwəna, prefeɗe dətawanəngən wən sit ɗiy na dəgar ki Efrat, sit ɗiy en dəsənən mahenziŋ na Maŋgəlva nok pakə, kərbet singin ɗəf an dəsin ɓa.

Wənməkkpaŋga 5:2

Vi kawsən əkoson wəna, gəm mok dərmagən əsəna.

Məsmaɗula 5:5

Kədappan mok əreɗ zuk əɗɗa mambray ɓa, ya kədawnah aba maslən na Maŋgəlva na: «Əzlzlaɓi yi ɓa.» Kami Maŋgəlva adawda gədəv aka əpel nok kawraygən wəza na vok di?

Isaya 42:19

Naway daŋgar an gawla nawi ɓa di? Naway goryom va maslən məs nəslən di? Naway daŋgar va ɗəf məman di? Naway daŋgar va gawla na Yawe di?

Isaya 44:26

Nəziwik aka əpel na gawla nawa, nəɗɗak an maslənɗe naw aɗɗumongu. Nənahək na Yerusalem na: Waknah dit ɗiyi. Walaŋgəleɗe gugriɗ na Yuda na: karketi yi. Kawsilgini əɓzla nani.

Yeremiya 15:19

Vini Yawe anah na: An kəmilke, asna wanətafko, wakəziw abawa. An kəsənək əgohon əpel an moggon səza an ɗarə asna wakəsok mawa. Ɗiy wamilyoŋ azoko, istə namndok azet ɓa.

Yeremiya 18:18

Aɓɗaŋ na: Mide mətuvur səm wən aka Yeremiya, mahenziŋ azəna vi məsdəlveŋge tahəŋ ɓa ɓa, əzga' vi məsmaɗɗula tay ɓa ɓa, əpel na Maŋgəlva vi məskəleŋɗe tahəŋ ɓa ɓa. Məndam sa akani, məraygən səm iya nani, əpel nan tay mədazga sləma akan ɓa.

Yeremiya 2:8

Məsdəlveŋge awnahaŋ na: ŋgay Yawe di ɓa? Ɗiy na mahenziŋ dəsənwən ɓa, məzuteɗeŋge net ɗiy atemeŋgik akawa, məskəleŋɗe aɗɗaŋgək kələŋ də iya na ba'al, ammbet zəgeɗ en atəraŋ na wəray ɓa addoŋgu.

Ezekiyel 22:26

Məsdəlveŋge nan tay əggaraŋ ki mahenziŋ nawa, tay əraygitin zəgeɗ salala nawa; awɗakanən an salala də zəga an ɗar ɓa. Arbanən zəga an nawmə'a də zəga an nawmə'i ɓa sit ɗiy ɓa; ndəɗaŋ heret haɗamgən vi pay naffet nawa, nərayək a weleŋti.

Ezekiyel 7:26

Əray aka əray wade, alabara mbərayən aka alabara mbərayən wade; wakayaŋ məskəleŋ dəwəl sitgəni. Iyak wazə səza məsdəlva, may wəzga' səzet ɗiy məsɓeti.

Daniyel 11:33

Məs maɗɗula aket neret ɗiy waprəman sitin ɗiy diyɗa. Ya kawbayi səmmbet də masalam gəm də offo, mbirti kawketi aka balamə, mbirit tamə kawmõhẽti pay pakə.

Hose'a 4:6

Ɗiy naw azaŋka vi dəsənwən ɓa. Adan kəzganək əsəna, wanəzgoko, kəsok na məsdələv naw əmpa ɓa: kəzgətək ki mahenziŋ na Maŋgəlva noko, naw pak wanəzgət kiyit kirtuk mezeŋgleketi.

Məsdəlveŋge 10:11

gəm kəyegetingin mə Israyelɗe aka an Yawe anah viyit də ma Moyis.»

Sefanya 3:4

Məskəleŋɗe nan məɗiyaŋ kizitiŋ, məs vurumɗeŋgə; məsdəlveŋge nan araygənənək zəga na matuya, aggaraŋgək ki mahenziŋ.

Haggay 1:13

Yas Hagay maslən na Yawe apel sit ɗiy va Yawe anah səni: Vi Yawe aɗiyman na: «In tat dəndukum.»

Zakarya 7:3

kassohẽt məsdəlveŋge məɗɗaŋ wəza addəv Gəla na Yawe Məzuɓappak gəm məskəleŋɗe na: «Nəhəmgən aka təla masle'en də əppet zəget nawzəm va nəɗɗa əzva gbaŋkəŋ sa?»

Malakiya 3:1

Yaŋ in tat əslən maslən nawa. Wazaɓan tive abawa. Gurzik na watoŋ addəv gəla na Maŋgəlva, mərbəzəga an kədawkayanəni, maslay na wənmiyna an kəŋglaŋgi, yaŋ əzzani, Yawe Məzuɓappak anahə.

Əŋɗa 27:21

Dəziwgən aba məsdələv Ele'azar, nan van dəssõhongən wən nan aba Yawe də zəga adawyaŋ Urim. Səza an dədarbaski kan adawgulyoŋ, adawmbataŋ eŋgili, ndən dit mə Israyelɗe: Əsap net beymeti.

Yohanna 13:20

Gesiŋ gesiŋ nədawnah sukum: Ɗəf dətaf maslən nawa, atafwəka. Ɗəf dətafwa, atafək məs dəslənwa.

Yohanna 20:21

Yesu aɓsit əmpa kan na: Zazay dəsan akokum. Va Afən aslənwa, naw pak in tat əslənkum.

Wəza net Masləŋɗe 16:17

Tat əzban Pol də mənamə, tat əɗi geŋgere dawnah na: Ɗiyiŋki, məɗɗaŋ wəza na Maŋgəlva Məsəɗəɗəŋ. Warbanən sukumən tive nawkõho.

2Korintus 5:20

Maslənɗe mənan kan aka iya na Kristu, Maŋgəlva dədawyukum də mamə. Mənam tat əkkomokum də iya na Kristu, məssoŋ məslerkum də Maŋgəlva.

Galatiyen 4:14

Gbəgba' naw wasan azokum va əslukum, də as pak na kəzelewən ɓa, kərɓahwən ɓa. Ya kətafwənək va maslay na Maŋgəlva, va Yesu Kristu.

Əmsak aka Mahenziŋ 21:5

Vasna, məsdəlveŋge kirtin Levi dətoŋgoŋgən abe, vi aneti yi Yawe Maŋgəlva nok awel naɗɗa wəza nani gəm naɗɗa əzaɓ də iya na Yawe, ndəɗaŋgə nawtawən wən naŋzlama may wən na vaŋviya.

Əmsak aka Mahenziŋ 24:8

Asla zuk səza gbəgba' na kokolo, kərmagən wən nan lewlewi, kəzbanəngən va məsdəlveŋge mə leviɗe ayagokən naɗɗa pakə; va nəɗi sit wən nani, kərmanəngəni, kəɗɗaŋgən wəza dəndəni.

1Tesaloniki 4:8

Vas kan na, ɗəf an dəzgan wənəska, ɗəf azgə ɓa, ana Maŋgəlva məs dədapsukum Zeŋgile nan Salala azgə.

1Samiyel 2:17

Vaski mambray net gewleɗ van asan metiŋgin diyɗa aba Yawe, vi ɗiyis awlanənək əvəl sən Yawe va zəga ɗarə.