Malakiya 1:6 - Bible en Guidar

⁶ Wəyin wagagdakan afəni, məgəɗ wəza tamə daya nani. Ya, an afən wəyin nan na, ngay gagdak naw di? Ya an daya nan na, ngay əɓe' kədawɓe'eŋ suwən di? Yawe Məzuɓappak anah sukum mənokum məsdəlveŋge məzuzelenən iya nawa. Mənokum tat ənahaŋ na: «Mbarmbar məzelen iya nok di?»

Malakiya 1:6 ပူးပေါင်းရင်းမြစ်များ

Gəlyaɗe 123:2

Awla, va belemɗe aziynən heret ammba vet migilti, may va balamək təzi harat ammba vat dayak nata, vaski yi mizi haram kəlaza Yawe Maŋgəlva nam də əga ulasasãh nani.

Əgilye 20:12

Agagdakan afuk dət moko, vi əvoŋ nok dəzzekgən aka dələv məs Yawe, Maŋgəlva nok apsuko.

Wənməkkpaŋga 17:6

Mətərkiya net mezzeɗ na, ndəni kirtit kirtini; gagdak net kirin na, ndəni efiŋgiɗti.

Wənməkkpaŋga 30:11

Sayit ɗiy tay məzeletin efiŋgiɗti, awɗinən kiyit may met ɓa!

Wənməkkpaŋga 30:17

Məmas aka afəni may məgəsat man na, gaŋgrekeɗ na məlpa waksolonəni, kirtin kopo wazlornəni.

Isaya 1:2

Disiŋ, aprəma! Dəlvafuŋ, apak sləmoko, ha'aw Yawe dəpeli: Nəɓaygitik kirni akkpaŋgaŋgək ɗiy gugriɗe yas net aɓoŋgoŋ akawa.

Isaya 43:23

Kəkisu time nawzaɓ-Maŋgəlva nok na əvəl nawzla kurmbuɗuk ɓa, kəgagdakaw də əzaɓ-Maŋgəlva mədan nok ɓa. Nəska wəlok nawkisu əvəl ɓa, ya nəyok də əttok tursan ɓa.

Isaya 45:10

Əray aza ɗəf mənah sən afən na: mi kəwəŋ di? Gəm sət mat na: Mi kəwəŋ di?

Isaya 64:7

Mbaraka na, Yawe istə afəmə. Membezleŋ mənani istə kərkəmə. Wəza na vok mənan baymam pakə.

Isaya 64:8

Kədəgədəv diyɗa akam ɓa Yawe, kədaɗɗum aka heslepe nam pay pak ɓa. Kamə awləm mənam pak na ɗiy nok mənani.

Yeremiya 23:11

Məskəleŋɗe dit məsdəlveŋge zlaŋ arayaŋka. Ha addəv gəla naw dayday nərahək mambray neti, Yawe aɗiymani.

Yeremiya 3:4

Təŋ kakaŋ na kəhəm su na: «Əbba, istə baynaw na sawã nawa.

Yeremiya 31:9

Də əhəm adazzoŋgu, addəv əɓuh met nədawketi. Wanəke emet iŋkile a məlpa dəka tive an sarara, askotoŋ na akan ɓa vi intə afən Israyel Efrayim yi Tizi nawa.

Yeremiya 35:16

Kirtin Yonadab wətən Rekab azbanənək an məs efit aɗi sit wən nani, ya net ɗiyiŋ dəprəmwən ɓa.

Ezekiyel 22:26

Məsdəlveŋge nan tay əggaraŋ ki mahenziŋ nawa, tay əraygitin zəgeɗ salala nawa; awɗakanən an salala də zəga an ɗar ɓa. Arbanən zəga an nawmə'a də zəga an nawmə'i ɓa sit ɗiy ɓa; ndəɗaŋ heret haɗamgən vi pay naffet nawa, nərayək a weleŋti.

Hose'a 12:8

Zəga nawsla gagdak məhonzokko yi ava Kana'an, vurum adaŋgla.

Hose'a 4:6

Ɗiy naw azaŋka vi dəsənwən ɓa. Adan kəzganək əsəna, wanəzgoko, kəsok na məsdələv naw əmpa ɓa: kəzgətək ki mahenziŋ na Maŋgəlva noko, naw pak wanəzgət kiyit kirtuk mezeŋgleketi.

Hose'a 5:1

Məsdəlveŋge məprəm wənəŋka, məpak sləmokum gəla na Israyel; gəm gəla na məlyã: mənokumtə nawtawwən kəta, yaŋ kəkkpaŋgaŋ həmbaw a Mispa, ka mazzaɗ aka mossorgo metiŋ na Tabor;

Məsdəlveŋge 19:3

Naway suwalaŋkum pak dəgeslne sət man də afəni, gəm dəɓe'sən payɗe naffet nawa. Intə Yawe, Maŋgəlva nokum.

Sefanya 3:4

Məskəleŋɗe nan məɗiyaŋ kizitiŋ, məs vurumɗeŋgə; məsdəlveŋge nan araygənənək zəga na matuya, aggaraŋgək ki mahenziŋ.

Malakiya 2:1

Məsdəlveŋge, kakaŋ wən məɗiynəŋ sukumi:

Malakiya 2:10

Afəm takay ɓa sa? Maŋgəlva taka dəzəməɗəm ɓa sa? Vimi mədazəm ki zəm əraygən wənmiyna net efiŋgiɗəm di?

Malakiya 2:8

Nokumu, kəmzlahaŋgək dərəŋ səka tive. Kəzlzleɓetinik ɗiy diyɗa də əyak nokum. Kəraygənək wənmiyna na Levi, Yawe Məzuɓappak anahə.

Malakiya 3:5

Wanədder azzokum vi kawtaw wəna. Wanəsaw məziwe nawgəm zən əpel aket məɗɗaŋ tetele, aket məkuwa a gizbe, aket əswayɗe na tepelke, aket ɗiy məzutakən hanza na məgəɗ wəza, nat gagəbaya gəm na mitiwe, məzəzəmgənən sahã na molhõyõ gəm en awgeslne'eŋ suwən ɓa, Yawe Məzuɓappak anahə.

Matiye 15:4

Maŋgəlva anahək na: Agagdakan afuk dət moko, an dəpel mbərayən aka afəni awaniɓa mani, kawbayni.

Matiye 15:6

as na tay də wəray nawgagdakan kpẽh ɓa. Vasna kəraygənənək əpel na Maŋgəlva sən wən na matuyokum.

Matiye 19:19

agagdakan afuk dət moko, aŋglu meggok va kəŋglu ki zuko.

Matiye 6:9

Vaŋki kan kədakkamaŋgə: Afəm an na disiŋ, iya nok dəsan salala.

Matiye 7:21

Məzunah su na: Daya, Daya paki nawtoŋ məlĩ na disiŋ abbər məgəɗ əŋgla na Afu na disiŋ ɓa.

Markus 10:19

Kəsinik mahenziŋɗe ɓa sa: Kədawbay gəbay ɓa, kədakuh a gizbe ɓa, kədawhal ɓa, kədawa wən aka ɗəf ɓa, kədaɗɗa vurum ɓa, agagdakan afuk dət moko.

Markus 7:10

Vi Moyis anahək na: Agagdakan afuk dət moko, ɗəf an dəran afəni awaniɓa mani, kawbayni.

Luka 10:29

Ya nani, aɗiyək zən va təstəsə, aɓsən Yesu na: Naway meggew di?

Luka 18:20

Kəsinik mahenziŋɗe ɓa sa: Kədakuh a gizbe ɓa, kədawbay gəbay ɓa, kədawhal ɓa, kədawa wən aka ɗəf ɓa, agagdakan afuk dət moko.

Luka 6:36

Məsoŋ də ula sahã va Afukum asan məwəl sahã.

Luka 6:46

Vimi kədayuwən na Daya! Daya! Ya kaɗɗanən an məs nədawnah ɓaŋ di?

Efesus 6:2

Agagdakan afuk dət moko, ndəni mahenziŋ an daabəŋ də iynama ammbani.

Əmsak aka Mahenziŋ 1:31

Gəm va kulanən Yawe Maŋgəlva nokum aslokum a kapta-muyã va ɗəf adawslan wətəni, tive kədawaŋ pak hã mənokum gap a təkiyəŋka.»

Əmsak aka Mahenziŋ 32:6

Sən Yawe kədaɗɗaŋ vas sa, ɗiy mətemit məza maɗɗulet ɓa? Ndəni afukum məs dəzəməɗkum ɓa sa? Ndəni dəɗikum ka ɗiy nan ɓa sa?

Əmsak aka Mahenziŋ 5:16

Agagdakan afuk dət moko, va Yawe Maŋgəlva nok aɗi suk wən nani, vi əvoŋ nok dəzzekgəni, kənangən nek aka dələv məs Yawe Maŋgəlva nok apsuko.

1Piyer 1:17

Ya an munokum tat iya mətaw wən aka ɗəf va aza wəza nan na əbba, asna mədaw də geslne addəv pay məs kəssoŋ kakaŋkəŋka.