Malakiya 1:11 - Bible en Guidar

¹¹ Vi təŋ səkki əgilye na paya hã gap akki məs adawbəta, iya naw gədaki aweleŋgit ɗiy-ɗarə. Aŋga pak tawkiyaŋ tursan aka iya nawa, vaska'e matuya məza heslepe azan ɓa, vi iya naw gədaki aweleŋgit ɗiy-ɗarə, Yawe Məzuɓappak anahə.

Malakiya 1:11 ပူးပေါင်းရင်းမြစ်များ

1Alabaraɗe Də Mabərkiziti 16:25

Vi Yawe metiŋgi, nawgagdakani diyɗa. Adahək nawgeslne' səni, adayək kiyit meŋgilveɗ pakə:

Gəlyaɗe 111:9

Aslənək əbit sit ɗiy nani, aɗiyək wənmiyna nan ka faɗə. Iya nan salala yi adahək nawgeslne' səni.

Gəlyaɗe 113:3

Təŋ səmmba pay nampum hã gap na moskoyo, ɗiy pak dəgagdakanən iya na Yawe!

Gəlyaɗe 138:5

Dərbetin tiveɗ na Yawe də gəlya: «Vi gagdak na Yawe metiŋgini!

Gəlyaɗe 141:2

Wəkkam naw dəsan abok va tursan, vaw an nəsilgəni, agilik va əvəl na moskoyo.

Gəlyaɗe 45:17

Kirtuk wagəmnən gəlet efiŋgiɗko! Wakəɗi ka milyeŋge aka dələv gboŋgu.

Gəlyaɗe 48:10

Maŋgəlva, mənam tat əɗɗumon moggon nok addəv gəla noko.

Gəlyaɗe 48:11

Va iya noko Maŋgəlva, vaski əɗi kiyuk atəh dələv baymani; Vok dəzəŋ aknahək də təstəsə.

Gəlyaɗe 50:1

Gəlyanalva na Asaf. Yawe, Maŋgəlva net meŋgilveɗ apelke, ayak dəlvafuŋ, təŋ səmmba pay nampum hã gap ammba pay na moskoyo.

Gəlyaɗe 65:9

Ɗiy naka dələv gboŋ tahəŋ əgeslne'eŋ abet zəgeɗ narba noko; is tat ənneken zit ɗiy nammba pay nampum dit en nammba pay na moskoyo.

Gəlyaɗe 67:2

Kəta Maŋgəlva dəzi haran akamə, dəzaɓamə! Kəta haran dəkekeɓe' akamə. Əziwe

Gəlyaɗe 86:9

Ɗiy en kəgəɗ pak wazzoŋ əppu' aboko Yawe, wagagdakanən iya noko.

Gəlyaɗe 96:8

Məgagdakan iya na Yawe. Məki əvəl nokum, mətoŋ a daŋgla nani;

Isaya 12:4

Pay dəpaska, wakənahaŋ na: Məgagdakan Yawe, məlvani, mərban wəza gagdak nan aweleŋgit ɗiyi, məɗɗumon sit na iya nan metiŋgini.

Isaya 12:5

Məlvan Yawe də gəlya, vi aɗɗek zəgeɗ gugriɗe. Mərbet aka dələv pakə!

Isaya 19:21

Asna Daya warban zən a Eziptə, pay dəpaska mə Eziptiɗ wasənnən Daya. Waɗɗaŋ sənən wəza də wəzaɓ-Maŋgəlva gəm əvəla. Waynanən met taŋtaŋ sən Daya, wazbanəni.

Isaya 30:27

Yawe sən kiyən yaŋka, tay əzzan sə faraɗa, tay məknahən sən ədagədəva. Metteɓ man tay ərban ədagədəva, əpel na mam tay va offo məzlə təkiya,

Isaya 45:6

Mammba dələv baymani kawsənni na zəga tay mə balsu ɓa. Naw intə Yawe, tay mabərən əmpa ɓa.

Isaya 54:5

Vi məs dəɗɗuk ndəni zilko, Yawe Məzuɓappaki iya nani. Məzukõhguko, ndəni Salala na Israyel, dawyanən na Maŋgəlva na dələv pakə.

Isaya 59:19

Asna kawgeslne səni iya na Yawe hã səmmba pay na moskoyo, hã səmmba pay nampum tamə gagdak nani, vi an məzuzel adek va məlpa məknahən əmpəs na Yawe wafu' gabbani.

Isaya 66:18

Nəsənək wəza gəm əɗɗum neti, pay naw agapək nakkelet mahəlfa net ɗiy pakə. An azzoŋko, wawlanən gagdak nawa.

Yeremiya 10:6

Ɗəf tay va is ɓa Yawe, matuŋguk kənani iya nok metiŋgini sən gədak nani.

Yeremiya 10:7

Naway məs awgəslne suk ɓa is Daya məlĩ net ɗiy-ɗarəŋ di? As adahsukko. Adan səret məsmaɗɗulet net ɗiy-ɗar naka dəlva gəm nammba dələv pak na ɗəf tay va is ɓa.

Yeremiya 4:2

an kəswayək na, Yawe madarani addəv gegesiŋ, addəv ətawwəna gəm addəv təstəsə, asna ɗiy-ɗar pak warahaŋ əzaɓ də iya nani gəm wakaɓaŋ addəvən.

Daniyel 2:45

va kula gərəm dəkõh səka mossorgo metiŋgin məza va ɗəf ɓa, atekeɗ may təbza, təbəz pepreŋge, membezleŋ, təbəz babara gəm meleŋgeŋka. Maŋgəlva metiŋgin arban sənək an dədazzan abe sən məlyã. Va kəssiniska vaski, an aŋgəl kawnah nawtafiyə.

Amos 9:12

Ka dəmõhənəngən dələv na Edom an dəpələ gəm ɗiy-ɗar məs iya naw adawya aketi. Daya aɗiyman, naɗɗa as pakə.»

Mika 5:4

Ndən nawsan zazaya. An mə Asiriɗe tay əzzoŋ əgul dələv namə gəm ətoŋ addəv gəla na məlĩ namə, waməsilgit məzuteɗeŋge buhul akani dit deyeɗe dudopoɗo.

Sefanya 2:11

Yawe arbanək zən nawgeslne' sən azeti, azetik meŋgilveɗ naka dəlvafuŋ pakə, wappu'oŋ aban naway pak sə gəlan səka dələv nani.

Sefanya 3:9

Vi wanəkkpaŋgan metteɓ met ɗiy kotakə, vi ndəɗaŋ pak diyanəngən iya na Yawe, vi dəɗɗaŋ sənəngən wəza də mekret taka.

Zakarya 8:7

Vaŋ Yawe Məzuɓappak anahə: In yakəŋ əkõhgit ɗiy naw səka dələv nammba pay nampum gəm na moskoyo.

Malakiya 1:14

Əray dəsan aka ɗəf məgəɗ vurum, dəsan də zəga mizilin a gazlan nani, ndən iynama gəm əzaɓ-Maŋgəlva sən Yawe də zəga mamayã məs heslepe! Ya məlĩ matəŋgu nani, iya naw tay əki əgeslne' a weleŋgit ɗiy-ɗarə, Yawe Məzuɓappak anahə.

Malakiya 3:3

Wasan ɗew əhə̃s təbəz babara gəm əɗawani. Wabbur kirtin Levi. Wakkpeŋget salala va adakkpaŋganən meleŋge gem təbəz babara. Wassoŋ sən Yawe ka məkiyaŋ sənən əvəl də tiveni.

Əŋɗa 7:74

hĩlĩw net iŋkile na meleŋge taka, gagdak nan kilo taka məwɗakan kəlawə, məknəhən də tursan.

Matiye 28:19

Vi vaski məddoŋ azet ɗiy pak məkkpaŋget gewleɗ nawa, məɗɗe sit baptem də iya na Afəni, na Wətəni gəm na iya na Zeŋgile Salala.

Matiye 8:11

In tat ənah sukum: Ɗiy diyɗa wazzoŋ səmmba pay nampum gəm səmmba pay na moskoyo, wazəmaŋ də Abraham, Isak gəm Yakob addəv məlĩ na disiŋ.

Luka 1:10

Ngaɓa net ɗiy beymet tay əkkam appaka pay əzla tursan.

Roma 12:1

In tat əɓɓəlokum kana milmiŋgiɗwa, də ulasahã na Maŋgəlva kərahaŋgəŋ na, məpsən zukum ka əzaɓ-Maŋgəlva madarani, salala, məs dəslə sən Maŋgəlva. Aski əpəl nokum dəslə na əpalən.

Roma 15:16

ka nəsawgən aka wəza na Yesu Kristu viyit ɗiy-ɗarə. Nəppanək ki zu sən Alabara Nenek na Maŋgəlva. Vi ɗiy-ɗar dəssoŋgən əvəl məpsən Maŋgəlva məs ataf lewlewi, məs Zeŋgile Salala akkpaŋget salala.

Filipi 4:18

In tat də an wərayu asan azan pakə, addəv əba nani, tay məs dəkkpap su səza Epafroditus aki su an səvokum ɓa, tay va əvəl məs də məŋgənən neki. Əzaɓ-Maŋgəlva məs Maŋgəlva atafi, neki azani.

2Tesaloniki 1:12

Vi iya na Daya nam Yesu dəgagdak addəvkum, nokum tam addəvni, va aza mbəlembəle na Maŋgəlva namə də Daya Yesu Kristu.

1Timote 2:8

Nəŋgəl kan na, a təki pak ɗiy mezeŋleket dəkkamaŋ də əslan vet salala a disiŋ, məza də ədagədəv ɓa, məza də əgay ɓa.

Hənhən 11:15

Maslay mabuhulet affon gozloro nani: Yaŋ wəlet ɗiy diyɗa ade sə disiŋ dawnəh na: Əzəm məlĩ naka dəlvafuŋ na Daya nami gəm na Kristu nani kakaŋka; wazəm məlĩ hã faɗə.

Hənhən 15:4

Naway məs ageslne' suk na ɓa, agagdakan na iya nok ɓa di Daya? Vi istə salala kaka'ə, ɗiy-ɗar pak wazzoŋ əppu' aboko. Vi wətaw wən nok temtem arbəka.

Hənhən 5:8

Adan tətaf ɗerewel naka, zəgeɗ memeyẽɗ poɗo dit ɗiy məsɓet kaklaw sula kiyit poɗo nek appu'oŋ abat ndargayãk nakə, naway di pak tay də gəzləŋtəndəŋ avani, gəm makasli na meleŋge məknahən pa' də tursan, ndəni əkkam net ɗiy salala na Maŋgəlva.