Luka 9:44 - Bible en Guidar

⁴⁴ Məprəm an məs nədawnah sukuməŋ lewlewi. Kapsəni Wətən Ɗəf avet ɗiyi.

Nouveau Testament en Guidar

⁴⁴ Məpprəm lewlewi, an məs nədawnah sukum kakaŋka. Wapsənən Wətən Ɗəf avet ɗiiyi.

Bible en Guidar

⁴⁴ Məprəm an məs nədawnah sukuməŋ lewlewi. Kapsəni Wətən Ɗəf avet ɗiyi.

Luka 9:44 ပူးပေါင်းရင်းမြစ်များ

2Samiyel 24:14

Davit aɓsən Gad na: «Geslne armuwək diyɗa! Dəɗah məbət addəv va Yawe ki avet ɗiyi, vi nan awla sasãh diyɗa.»

Matiye 16:21

Təŋ siske ləŋ, Yesu atəŋ ərban sit gewleɗ nan na: Aslək dəlgən a Yerusalem, kawzəm sahã diyɗa səvet ɗiy məsɓet dit deyeɗe net məsdəlveŋge mərbaŋ zəga na mahenziŋ, wabaynəni, də əvoŋ mahokoni, wasil səka əmta.

Matiye 26:2

Kəsənənək na dərɓaga pay sula na wəzləra na Pak wagəɗə. Kappani Wətən Ɗəfa vi kakkpa'ən aka məzliwrihe.

Markus 8:31

Yaŋ Yesu atəŋ əyagan zəga sit gewleɗ nani: Aslək Wətən Ɗəf dəzəmgən sahã diyɗa, ɗiy məsɓeti, deyeɗe net məsdəlveŋge gəm mərbaŋ-mahenziŋ wazganəni, kawbayni, ya dərɓaga əvoŋ hoku na, wasil səka əmta.

Markus 9:31

Vi tay əɗɗa əyak sit gewleɗ nani, adawnah sit na: Kapsəni Wətən Ɗəf avet ɗiyi; wabaynəni, ya an məbayni, dərɓaga əvoŋ hoku wasil səka əmta.

Luka 1:66

Məs dəprəmən wənəs pak tay əɗɗumonən pay pakə. Tay ənahaŋ na: Wiynəŋ kan ka mi adawsan di? Vi va Daya tay akani.

Luka 18:31

Yaŋ Yesu agim gewleɗ kəlaw kiyit sula, aɓsit na: Mənam tat əmbat a Yerusalem yaŋka, an məskəleŋɗe avereŋ aka Wətən Ɗəf pak waknahə.

Luka 2:19

Ya nat Miryam na tərmek wənɗes pak akata, də əɗɗum aket a makrata.

Luka 2:51

Ndən prik dənɗaŋ, pay a Nazaret, ndən əprəm meti. Man tərmak wənəs pak akata.

Luka 24:44

Yaŋ aɓsit na: Aŋki əpel naw nədawnah sukum aka nədawsaw də munokum naka. Adahək an məverin akaw addəv mahenziŋ na Moyis də addivit məskəleŋɗe gəm gəlya na Davit pak dəknahgəni.

Luka 9:22

Yaŋ amsak ənah na, aslək Wətən Ɗəf dəzəmgən sahã diyɗa, ɗiy məsɓeti, deyeɗe net məsdəlveŋge gəm mərbaŋ-mahenziŋ wazganəni, kawbayni, ya wasil səka əmta də əvoŋ mahokoni.

Yohanna 16:31

Yesu aɓsit na: Kakaŋ na kətafaŋgək kan sa?

Yohanna 16:4

Nənah sukum vasna, an pay nan adeke, kəɗɗumonəngən na naw nənah sukumko. Nənah sukum wənəs də ətəŋ nan ɓa, vi in tat də munokum.

Yohanna 19:11

Yaŋ Yesu azlan sən na: Gagdak tay kədawrəh akaw an məpsuki sə disiŋ ɓa ɓa. Sən aski ɗəf məs dəpsuwu suk asandə mambray an metiŋgin day.

Wəza net Masləŋɗe 2:23

Ndəni məs Maŋgəlva aynan də əsən nan far nappan avet ɗiy məza mahenziŋ ɓa, kəzanən də əppan sit ɗiy məza maheŋziŋ ɓa akkpa'nən aka məzliwrihe.

Ibriɗe 2:1

Vi vaski, adahək məzgəgən sləma lewlew aka wən məs məprəmə ka mədamzlah ɓa.