Luka 7:37 - Bible en Guidar

³⁷ Guluk məs mambray tat a walaŋgəla-metiŋ nani. Adan təprəm na Yesu tay əzəm eŋgil ana mə Farisa da, təkiyək bəbər na tursan na nard məknəhən addəvən.

Nouveau Testament en Guidar

³⁷ Guluk maɓɓat məs mambray tatə awalaŋ gəla nani. Adan təpprəm na Zezu tay zəm eŋgil ana Simoŋ Farisiyenda, təkiyək bəbər na tursan.

Bible en Guidar

³⁷ Guluk məs mambray tat a walaŋgəla-metiŋ nani. Adan təprəm na Yesu tay əzəm eŋgil ana mə Farisa da, təkiyək bəbər na tursan na nard məknəhən addəvən.

Luka 7:37 ပူးပေါင်းရင်းမြစ်များ

Matiye 21:31

Awani səmmbet kirin sules dəgəɗ əŋgla na afən di? Aɓɗaŋ na: An daabəŋ dəɗɗa. Yaŋ Yesu aɓsit na: Gesiŋ nədawnah sukum: Mətafaŋ nzalaka dit gil məpolkoyeɗ watoŋgoŋ məlĩ na Maŋgəlva daabəŋ kikum.

Luka 18:13

Məkkal nzalaka aziwik faraɗa, dəɗɗum naw slan haran a disiŋ ɓa, ya tay ərga makrani, amna: Aw Maŋgəlva awəl sahã akawa, in məs mambraya.

Luka 19:7

Adan ɗiy awlanən vaska, aɗɗaŋgək wərwərə, aɓɗaŋ na: Ana ɗəf məs mambray da al əsani.

Luka 5:30

Farisaɗe dit mərbaŋ-mahenziŋ net aɗɗaŋgək wərwər, aɓsitin gewleɗ nan na: Vimi kədawzəmaŋ mãy kədawsaŋ dit məkkalaŋ nzalaka gəm dit məs mambrayɗe di?

Luka 5:32

Nəde vi kawye ɗiy en salala ɓa, abbər ɗiy mbəreyit dəɗiyaŋgən marava ɓa.

Luka 7:34

Wətən Ɗəf adeke, tay əzəma, tay əsa, kəɓɗaŋ na: Ɗəf məs golvoŋ yaŋka, məsə mbazla, baynet məkkalaŋ nzalaka gəm məɗɗaŋ mambraya.

Luka 7:36

Yaŋ mə Farisa maɓɓan aya vi kawzəm dəndəni. Yesu ambatək kan eŋgil ana mə Farisa da naka, asanək əzəma.

Yohanna 11:2

Miryam na, ndətə akən təman tursan aka təl Daya, təɓəlkət tələn də muhur kiyət nakə. Məlmət Lazar yi gbəgba'a.

Yohanna 9:24

Farisaɗe ayanənək daŋgar təl ma sula'ən, aɓsənən na, agagdakan Maŋgəlva. Nam məsənka, ɗəfəŋka məs mambrayi.

Yohanna 9:31

Məsənka Maŋgəlva aprim məs mambrayɗe ɓa, ya an ɗəf tay əgagdakan Maŋgəlva gəm əɗɗa əŋgla nani, waprəm sən ɗəfəska.

Roma 5:8

Ya vaŋki Maŋgəlva arban əŋgla nan azamə, aka məsam məs mambrayɗe, Kristu amtək vimə.

1Timote 1:15

Əpeliŋ gesiŋgi, aslək nawtaf təstəsə, Yesu Kristu adek aka dəlva, vi kakõhgit ɗiy məɗɗaŋ mambraya. Intə daabəŋ nereti,

1Timote 1:9

Məsənəka, mahenziŋ tay vi ɗəf an təstəs ɓa, tay viyit məs tahəŋ də mahenziŋ ɓa, ɗiy məɓoŋti, məzelen Maŋgəlva, məs mambrayɗe, məraygənən zəga na matuya, məraygənən zəga salala, ɗiy məbayaŋ efiti məbayaŋ meti, dit məbayaŋ gəbaya,

1Piyer 4:18

Va Əver anah na: An ɗəf an təstəs akõhuk sãhãsãhã na, mbar adawsan sən ɗəf məs dəsən Maŋgəlva ɓa gəm sən məgəɗ mambray di?