Luka 6:49 - Bible en Guidar

⁴⁹ Ya məs dəprəm əpel nawa, dəgəɗ wəza dəndən ɓa, agilik va ɗəf mərkə gəla aka dəlva, məza əso' vov nawɗi gabban ɓa. Adan iŋkile azzoŋ ammba gəla naka, aɓəslək ləŋ go'u, əbzla na gəla van daryawi sawɓa.

Nouveau Testament en Guidar

⁴⁹ Amma məs apprəm wəpel naw ɓa məza arman ɓa, agilik va ɗəf mərkə gəla aka membike, məza wəso vov nan ɓa. Adan iŋkile azoŋ amba gəla naka go ləŋgə aɓəslək pakə.

Bible en Guidar

⁴⁹ Ya məs dəprəm əpel nawa, dəgəɗ wəza dəndən ɓa, agilik va ɗəf mərkə gəla aka dəlva, məza əso' vov nawɗi gabban ɓa. Adan iŋkile azzoŋ ammba gəla naka, aɓəslək ləŋ go'u, əbzla na gəla van daryawi sawɓa.

Luka 6:49 ပူးပေါင်းရင်းမြစ်များ

Wənməkkpaŋga 28:18

Mədaw də təstəs-gərakə, wakõhu; ya ɗəf an tiveɗ nan slokorslokor na, wazbər aka taka.

Ezekiyel 33:31

Wazzoŋ azok hiɗimhiɗimi, wassoŋ aboko, ndəɗaŋ ɗiy nawa, tahəŋ waprəmən əpel noko ya azbanən na ɓa, vi met aka əzban ənnek neti gəm ərəh an mekret asan akani.

Hose'a 4:14

Nəzga'sit na kirtukum muguluŋgit aka wən na polkoyo net ɓa may sit gil net kirtukum aka wən na əku net a gizbe ɓa. Vi məsdəlveŋge sən kiyit tay əbiteŋ dit gil məpolkoyeɗ na matuya kawzaɓ-Maŋgəlva matakə. Ɗiy məs dəsənən əgohon wən ɓa na wazaŋgə.

Matiye 23:3

Məɗɗa gəm məzban an adawpeleŋ sukumən pakə, ya kədazbanən wəza net ɓa, vi wapeleŋgi ya aɗɗanən na ɓa.

Matiye 24:10

Pay nani, ɗiy diyɗa wargisleŋ də zəga naddaka ətaf neti, wazanən ziti, wazelenən ziti.

Markus 4:17

ya tahəŋ də suwerit ɓa, wassoŋ ammba pay siɗikke, an tatwãh awaniɓa əsərma adek aka wən na Maŋgəlva, ndəɗaŋ ərəh tive naskoto.

Luka 12:47

Məgəɗ wəza məs dəsən an daya nan aŋgələ, ya dəɗi kiyən akan ɓa, dəɗɗa va daya nan aŋgəl ɓa, kawvərni əvər diyɗa.

Luka 19:14

Ya ɗiy nan azelnənka, aslənaŋgək maslənɗe dərɓagan dawnəh na: Məŋgəm na ɗəfəs dəzəmgən məlĩ akam ɓa.

Luka 19:27

Ya məzuzelɗe nawiŋ, ndəɗaŋ məs dəŋglaŋ nəzəmgən məlĩ aket ɓaŋki, məki aŋka, mətaw wəlet abawa.

Luka 6:46

Vimi kədayuwən na Daya! Daya! Ya kaɗɗanən an məs nədawnah ɓaŋ di?

Luka 6:48

Agilik va ɗəf mərkə gəla, aso'ək vov nan kpumu aɗiyək gabban aka milɓe. Iŋkile azzoŋko aziweŋgik ammba gəla naka, ya dəɓəsl ɓa, vi mərkani moggoni.

Luka 7:1

Adan Yesu agrak əpel wən sit ɗiyi, ndən toŋ a Kafarnahum.

Yohanna 15:2

Kivan məs dəsap azaw pak, an awa ɓa, wabəla. Ya kivan məzuwa, wazaɓani vi dəwəgən diyɗa dayki lahəŋka.

Wəza net Masləŋɗe 20:29

Naw nəsənka, an nəmbatka, kirɗemuyã mbəreyit watoŋgoŋ a walaŋkum, appanən na ngaɓa ɓa.

Wəza net Masləŋɗe 26:11

Ɗayɗay nədawzəmgit sahã addivit gəlaɗe nakkal net mə Yudeɗi, nəgəɗ sitik vavyak dəppanəngən ətaf neti. Sit herɗe naw aketi, nəsərək met hã in əzbet a walaŋgəleɗe gugriɗ na guwa.

1Tesaloniki 3:5

Sən aski nəɓap əmpa ɓa, nəslən vi nəsəngən wən na ətaf nokum, nam mənahək na, kuzuŋ Satan arokokumək soko, vi wəza nam adawsan ɗar mekeleŋ ɓa.

2Piyer 2:20

Vi an ɗiy akõhoŋguk səza mambray naka dələv də əsən Daya nam Məzukõhgəm Yesu Kristu, yaŋ amsakaŋ ətoŋgoŋ addivit zəgeɗ nek əmpa askanən wəleti, əgrak net wasan mbərayən day ki an lahəŋka.

1Yohanna 2:19

Səram agulyoŋgu, ya naraməŋgə ɓa. Va naraməŋgə na, wassoŋ də mənam kəta. Ya vi dərbaŋgən na naraməŋgə pak ɓa yi.