Luka 6:38 - Bible en Guidar

³⁸ Məpsit zəga, asna kapsukumi, əsla moggon pa' setete hã əggbo' adawziyaŋ sukumun ama lukut nokum metiŋginiŋka. Vi zəga məs kədawslenin ɗiy dəndənəŋka, dəndəni adawslukuməni.

Nouveau Testament en Guidar

³⁸ Məpsit ɗii meɓɓeti, Maŋgəlva wapsukum, zəga naw sla zəgaŋka mogoni, aslak paah setete, azi sukumək adəv ziba na lukut nokuməŋ metiŋginiŋka. Yaŋ zəga məs kədawslenin ɗii dəndənnəŋka, dəndəni Maŋgəlva adawslukum.

Bible en Guidar

³⁸ Məpsit zəga, asna kapsukumi, əsla moggon pa' setete hã əggbo' adawziyaŋ sukumun ama lukut nokum metiŋginiŋka. Vi zəga məs kədawslenin ɗiy dəndənəŋka, dəndəni adawslukuməni.

Luka 6:38 ပူးပေါင်းရင်းမြစ်များ

2Samiyel 19:36

Wezva naw dəpaŋ kaklaw dodopoɗo yi, kakaŋ wanəsən əgohon moggon də mbərayən sa? Wanəsən nenek na zəga an nədawzəm də an nədawsa sa? Wanəɓap uɗakan wəlet zel dit gil miyaŋ gəlya əmpa sa? Vimi balam nok adaddan zlineh aka daya naw məlĩ ɗar di?

Ester 7:10

Alawənək Haman aka wəlaŋga an azaɓ ammba Mardokay naka. Yaŋ kan herɗe na məlĩ affeteŋgi.

Ester 9:25

Səza wən nan agap aza məlyã, averik wən nan dəver na: Əɗɗum nan mbərayən aɗum aket mə Yudeɗiŋki dəkkpaŋ akani; ndəni kan məlawən dit kirtin aka wəlaŋga.

Ɗerewel na Yob 42:11

Yas milmiŋgiɗin mezeŋgleket dit muguluŋgiti gəm ɗiy en dəsənnən farfar pak azzoŋ ulanəni, azəmaŋ way dəndən eŋgil ananda. Ahəmgənənka, affeten sənən makran vi tatwãh an Yawe aki akan pakə, naway pak apsənək təbəz babar taka, gəm ɗəf pak ndama na meleŋge taka.

Gəlyaɗe 79:12

Amndagan sit meggeŋgiɗim wəra arokunəŋ gap təl buhul a mekreti Yawe.

Əgilye 21:24

hara ɗəf a gəla hara ɗəfa, slay ɗəf a gəla slay ɗəfa, va ɗəf a gəla va ɗəfa, təl ɗəf a gəla təl ɗəfa,

Wənməkkpaŋga 10:22

Əzaɓ na Yawe dədakkpaŋgan ɗəf məsarya, wəza na ɗəf titir tay adawsləroɓ akan ɓa.

Wənməkkpaŋga 19:17

Dəwəl sãhã aka məssãhã na, dəmən apsən Yawe, wapsən zəga navan.

Wənməkkpaŋga 22:9

Məzula sahã na, əzaɓ wasan akani, vi arɗəsənək way nan sən ɗəf məddakən.

Yeremiya 32:18

Is məzəɗɗa moggon nok hã gap sayit ɗiy gabalə gəm məmndagan heslepe net efiŋgiɗit kirin aket kirtit dərɓegeti, Maŋgəlva metiŋ məs gbogboŋgo, iya nok na Yawe Məzuɓappakə.

Matiye 10:42

Ɗəf an dəpsən iŋkile zazay dayday addəv huloŋguk sən taka səmmbet muzliyeɗ nawiŋki, vi asan gawla nawa, gesiŋ nədawnah sukum: Sessel azəna dawrəh zəga na van ɓa.

Matiye 7:2

Vi wataw wən akokum va kətawən wən aket ɗiyi, zəga məs kədawslenin ɗiy dəndənəŋka, dəndəni adawslukuməni.

Markus 4:24

Yesu aɓsit na: Məzi zukum aza an kədaprəmaŋgə. Zəga məs kədawslenin ɗiy dəndənəŋka, dəndəni adawslukuməni, kapsukumi meŋgeslin azan əmpa.

Luka 6:30

Ɗəf an dəssoh zəga avoko, apsəni. Kədassohõn arya nok səva ɗəf an dəgəm ɓa.

Əmsak aka Mahenziŋ 15:10

Kəpsəngən dəmən də mokrok taka. Aka wəvəl nokəs na, Yawe Maŋgəlva nok waɗɗa əzaɓ nan akok addəv an kədaɗɗa də an kədaɗɗum naɗɗa pakə.

Yakob 2:13

Vi ɗəf məs awla sahã aka ɗəf ɓa, Maŋgəlva pak watawwən akan məza ulasahã akan ɓa, ya an kawla sahã aket ɗiyi, asna nok pak wən armuk na ɓa.

Mətawaŋwəna 1:7

Yas Adoni-Bezek amna: «Milyeŋge kaklaw buhul, məs mərsla pirŋgiɗ vet dit pirŋgiɗ tilit mezeŋgleket, akmaŋgək zəga nawzəm an diyo' səmmba tabəl nawa. Va nəgəɗə, vas Maŋgəlva amndagan suwa!» Akanən a Yerusalem, amtə adaka.