Luka 6:21 - Bible en Guidar

²¹ Əzaɓ akokum munokum məs mãy adawda kakaŋka, vi kawbokumi. Əzaɓ akokum, munokum məzuhəmaŋ kakaŋka, vi wakəmasaŋgə.

Nouveau Testament en Guidar

²¹ Wakpaŋ azokum zəzaya munokum məs maay adawda kakaŋka, vi nokum wakə baŋ ba'ə. Wakpaŋ azokum zəzaya, munokum məzu həmmaŋ kakaŋka, vi wakə masaŋ ba'ə.

Bible en Guidar

²¹ Əzaɓ akokum munokum məs mãy adawda kakaŋka, vi kawbokumi. Əzaɓ akokum, munokum məzuhəmaŋ kakaŋka, vi wakəmasaŋgə.

Luka 6:21 ပူးပေါင်းရင်းမြစ်များ

Va'Atəŋ 17:17

Abraham ampak kiyən afuŋ, ndən əmasa: ndən əpel də makran na: «Ɗəf wəzva səkat na dəwəgən muzliya? Wəzva nat sara agəɗək kaklaw vaytak, watəwə?»

Va'Atəŋ 21:6

Sara təmna: «Maŋgəlva agəɗ suwək zəga nawmasa! Ɗəf dəprəm pak wamas akawa.»

Gəlyaɗe 107:9

Vi alɓanək giyorgiyor məs meme adaŋgə gəm aknəhək beret məs may adə də zəga moggoni.

Gəlyaɗe 119:136

Sin agilyoŋguk araw buwwa, vi dərmanən mahenziŋ nok ɓa.

Gəlyaɗe 143:6

Nətələk vaw azoko; in yakəŋ abok va dəlvafuŋ dit meme. Əziwe

Gəlyaɗe 17:15

Nawa, də təstəs nədawla horoko; əfɗah nawa, wanəbə də ula va kəsoko.

Gəlyaɗe 28:7

Yawe yi gbogboŋ nawa, baray nawa; akani makraw aziwi, nərahək əbbaha. Makraw wannek diyɗa, wanəfet akan də gəlya nawa.

Gəlyaɗe 65:4

An nəraygən də əpel naw diyɗa yi. Is tat əvvuyẽt mambrayɗe namə hara.

Isaya 25:6

Aka mossorgo metiŋgin vanəska, Yawe Məzuɓappak wapsit waynabaya slu məs səlhã də mbazla ammbani slu nenek məs səlhã, mbazla məɗɗoto moggon fõtfõt ammbani.

Isaya 30:19

Vi is vanday na Siyon, is məs kəsok a Yerusalem, əhəm kədawhəm ɓa. Ama əŋzla vaŋvəl noko wagəɗ suk mbəlembəle. An aprəmkuko, wazlan suko.

Isaya 66:10

Mənnek də Yerusalem, mərban ənnek nokum dəndəni, mənokum məs kəŋgluwəni, mənnek dəndəni. Mənokum məs kəhəmaŋ ammban pakə mənneki.

Yeremiya 13:17

An kəprəmən əzga'əs ɓa, wanəhəm mahaɗama sən əkaɓ nokum, wanəmet sini, haraw wasan zletzlet dit sini, vi məkani gazlaŋ na Yawe aka balamə.

Yeremiya 31:25

Vi wanəpsən iŋkile sən ɗəf an dəyə, wanəban ɗəf an dəddak pakə.

Yeremiya 31:9

Də əhəm adazzoŋgu, addəv əɓuh met nədawketi. Wanəke emet iŋkile a məlpa dəka tive an sarara, askotoŋ na akan ɓa vi intə afən Israyel Efrayim yi Tizi nawa.

Yeremiya 9:1

Nawvay gəla a kapta-muyã va təki naffet net mədawaŋ malaka na! Kəta wanəppet ɗiy nawa wanəmbat faraɗa səzeti. Vi ɗiy məkuwaŋ a gizbeŋ baymeti ɗiy mbəreytiŋ.

Ezekiyel 7:16

En dəppaŋ net wakohõŋ kaddoŋ aket mossorgoɗe gugriɗe, naway pak waɓuh man vi heslepe nan va mukuɗuŋguleɗ na walaŋ.

Ezekiyel 9:4

Yawe aɓsən na: «Atoŋ addak walaŋgəla-metiŋ, addak Yerusalem; kəvergən zəga a mirbizit ɗiy dədawɓuhnən met gəm dədawɗəkaŋ aket zəgeɗ daryawɗe dədaɗɗaŋ addəvnəŋka.»

Matiye 5:4

Əzaɓ aket məzəmaŋ sahã, vi Maŋgəlva waffeten makreti.

Matiye 5:6

Əzaɓ aket en dəssoŋ də mãy gəm də meme nanziya təstəsə, vi net Maŋgəlva wabeti.

Luka 1:53

Abetik ɗiy en də mãy də arya. Arɓihik məsaryeɗ mbataŋ vet mekeleŋ.

Luka 6:20

Yesu aslan haran aket gewleɗ nani, amna: Əzaɓ akokum mənokum məssehẽŋɗe, vi məlĩ na Maŋgəlva nokumi.

Luka 6:22

Əzaɓ akokum an ɗiy azelkumənko, agohkumənko, arokumənko azganənək iya nokum va mbərayən aka wəna Wətən Ɗəfa.

Luka 6:25

Əray akokum, munokum məs kəbaŋ kakaŋka, vi mãy wadukum. Əray akokum, munokum məzumasaŋ kakaŋka, wakəzəmaŋ sahã gəm wakəhəmaŋgə.

Yohanna 11:35

Yesu ahəmka.

Yohanna 4:10

Yesu azlani, aɓsət na: Va kəsənək əvəl na Maŋgəlva, gəm ɗəf məzunah suk na avay iŋkile nawsaŋ na, istə dərəŋ kədaŋgla, kəta wapsuk iŋkile na zeŋgile.

Yohanna 6:35

Yesu aɓsit na: Intə mepteke na zeŋgile. Ɗəf dəde azaw pak mãy adana ɗah ɓa. Ɗəf dətafu pak meme adanən na ɗah ɓa.

1Korintus 4:11

Hã gap pay an kakaŋka, mənam tat əzəmsahã sən maya dit meme, zəm mekeleŋ mənani, mərgəmi a tapaslaymə, mənam tat slorsloru.

2Korintus 11:27

addəv wəza gəm addəv iya, haraw ɗozloŋgo pay pakə; addəv mãy dit meme, əɗɗa meme pay pakə; addəv əda na səmyã gəm əssa zə ɗəf mekeleŋ,

2Korintus 12:10

Vini, nədannek də əddak temtemi, də əra, də vavyakə, də əsərma temtemi gəm əzəmsahã temtem vi wən na Kristu. Vi pay məs nəsaw məddakwa, daski nədawsaw də əɓapa.

2Korintus 6:10

Mədan səmi gədəvmə ya mənam tat zəm nek pay pakə, va məssehẽŋɗe, ya mənam tat əɗɗa ɗiy diyɗa ka məsaryeɗi, va zəga tay avam ɓa, ya mənam tat də zəga pakə.

Yakob 1:12

Əzaɓ aza ɗəf məzuɓəs əsla, vi an aɓəsək əsla, warah mətərkiya na zeŋgille məs Maŋgəlva anah napsit ɗiy məs dəŋgluwəni.

Hənhən 21:3

Nəprəmək wəla ɗəf əzzan səka mazaŋga na məlĩ nak dayadaya adawnəh na: Təki nassa na Maŋgəlva aweleŋgit ɗiy yi! Wasan dənɗaŋgə, wassoŋ ka ɗiy nani, Maŋgəlva wasan Maŋgəlva dəsan dənɗaŋgə.

Hənhən 7:16

Mãy ade na ɗah ɓa, meme adenin na ɗah ɓa, paya gəm slãhslãh nan azle na ɗah ɓa,