Luka 6:20 - Bible en Guidar

²⁰ Yesu aslan haran aket gewleɗ nani, amna: Əzaɓ akokum mənokum məssehẽŋɗe, vi məlĩ na Maŋgəlva nokumi.

Nouveau Testament en Guidar

²⁰ Adan Zezu awle gewleɗ nani, amna: Wakpaŋ azokum zəzaya, munokum məzurayɗe, vi məlĩ na Maŋgəlva nokumi.

Bible en Guidar

²⁰ Yesu aslan haran aket gewleɗ nani, amna: Əzaɓ akokum mənokum məssehẽŋɗe, vi məlĩ na Maŋgəlva nokumi.

Luka 6:20 ပူးပေါင်းရင်းမြစ်များ

Gəlyaɗe 37:16

Siɗikke nava ɗəf təstəs adayək ki arya net məsdarawɗe diyɗa,

Wənməkkpaŋga 16:19

Ɗəɗah əɓe'gən kizə ɗəf azet məssehẽŋɗe ki uɗakan ərəh dit məɗiyən-kiziti.

Wənməkkpaŋga 19:1

Məssãhã mədaw addəv təstəs nan adayək ki ɗəf məpel slokorslokor dərwa ɗarəŋka.

Isaya 29:19

Məssehẽŋɗe wannekeŋ diyɗa də Yawe; məzurayɗe wassoŋ babyak babyakə, aka hara Maŋgəlva Salala na Israyel.

Isaya 66:2

Yawe aɗiymani: Zəgeɗ kədawlaŋgəs pak vaw diɗɗe Intə nəɗɗe An haraw asan aket yeŋki: məssahãy, ɗəf naddəv tatwãha, gəm məzəprəm əpel nawa də əkkersənə.

Sefanya 3:12

Wanəɗi ɗiy məssehẽŋɗe məddekit addəvko; wakayaŋ təki nawɗam addəv iya na Yawe.

Zakarya 11:11

Apələk dəpas ləŋgə, məvəlaŋ zəgeɗ memeyẽɗ məs heret yarra akaw nek asənənək na, aŋ əpel na Yawe yi.

Matiye 11:5

Deŋgerɗe tay ulaŋgə, vədalɗe tay ədawaŋgə, məskokoleɗ abburoŋko, goryomɗe mərma hərzlumit tay əprəmaŋgə, ɗiy mimtit asilyoŋko, məs sahẽŋɗe tamə tay əprəmnən Wən Neneke.

Matiye 25:34

Pay nani, məlĩ wanah sit ɗiy en naka van dəzəŋ na: Mide munokum məs Afu agəɗ sukum zəzaya, mətoŋ addəv məlĩ an məzaɓan vikum aka ətəŋ na gabba dəlvafuŋ.

Matiye 5:1

Adan Yesu awla vanday net ɗiyi, ndən peŋ aka mossorgo metiŋ, asani, gewleɗ nan azzoŋ azani,

Luka 12:32

Kədawgeslne'eŋ ɓa, gebet muzliya, vi Afukum awlak lew napsukum məlĩ nani.

Luka 13:28

Adaki əhəm gəm əmpəran slay ɗəf asani, an kulanənək Abraham, Isak gəm Yakob dit məskəleŋɗe pak addəv məlĩ na Maŋgəlva, nokum tamə kazgokumi appaka.

Luka 14:15

Yaŋ ɗəf taka səmmbet ɗiy məyet aprəm wənəska, aɓsən Yesu na: Əzaɓ aka ɗəf an nawzəm way addəv məlĩ na Maŋgəlva.

Luka 16:25

Yaŋ Abraham azlan na: Wətuwa, aɗɗumon na kərahək zəga moggon nok addəv ənziya egge noko, Lazar tam əzəmsahã; ya kakaŋ na, tay də maɗɗulani, nok tam is tat əzəmsahã.

Luka 4:18

Əmpəs na Daya tay akawa, vi awelwək nəpelgən alabara nenek sit məssãhẽŋɗe, aslənwək kawtəl ma nappet ɗiy mərmeti, vi kawkol sit heret deŋgerɗe, vi kawkõhgit məzuzəmaŋ sahã.

Wəza net Masləŋɗe 14:22

Aɓɓəletinik məzutafaŋgə gəm asɓetinik dəssoŋgən pay pak addəv ətafa. Aɓɗaŋ na: Də əzəm sahã diyɗa mədawtoŋ məlĩ na Maŋgəlva.

2Korintus 6:10

Mədan səmi gədəvmə ya mənam tat zəm nek pay pakə, va məssehẽŋɗe, ya mənam tat əɗɗa ɗiy diyɗa ka məsaryeɗi, va zəga tay avam ɓa, ya mənam tat də zəga pakə.

2Korintus 8:2

Də məslet dit tatwãhɗe temtem zlaŋ, ənnek net diyɗa də sahã net diyɗaŋ awanək arya na əvəl də makret taka.

2Korintus 8:9

Vi kəsənənək mbəlembəle na Daya nam Yesu Kristu: Də asan məsarya zlaŋ, aɗiyək zən va məs sahã vi wən nokum, vi kakkpaŋgokum məsaryeɗ də sahã nani.

1Tesaloniki 1:6

Nokum, kəgəmənək təlmə də an na Daya, adan kətafən əpel na Maŋgəlva addəv tatwãh metiŋgin də ənnek dəde səza Zeŋgile Salala.

2Tesaloniki 1:5

Ndəni dərban təstəs na ətawwən na Maŋgəlva, vi kəssoŋgən ɗiy dəslaŋ nawtoŋ məlĩ na Maŋgəlva məs kədawzəmaŋ sahã vini.

Yakob 1:12

Əzaɓ aza ɗəf məzuɓəs əsla, vi an aɓəsək əsla, warah mətərkiya na zeŋgille məs Maŋgəlva anah napsit ɗiy məs dəŋgluwəni.

Yakob 2:5

Milmiŋgiɗu na makrawa, məpak sləmokum ammba wəpel nawa. Maŋgəlva awelik məssehẽŋɗe na maheret ɗiy negge dəssoŋgən məsaryeɗ də wətafa gəm nawzəmaŋ gəla na məlĩ məs aynan napsit en dəŋgluwəni.

Hənhən 2:9

Nəsənək tatwãh noko gəm sãhã noko, ya məsarya kənani, nəsənək wən mbərayən məs ɗiy məzuɗinən zit va mə Yudeɗ adawpeleŋ akoko, ya mə Yudeɗiŋ ɓa, net ɗiy məzbanən Satan əŋgə.

1Samiyel 2:8

Tay əsilgit məddekit səka burɗuku gəm məssãhã səka moŋglo ɗigiti, kawɗiyit sap dit ɗiy na məlyã, waɗi aka mazaŋga na gagdaka. Vi dədəka na dəlvafuŋ ava Yawe yi, ndən dəziwgən dələv aketi.