Luka 24:47 - Bible en Guidar

⁴⁷ vi karbani wən nawɗi marava navvuyon mambray azet ɗiy pak də iya nani, dətəŋ sə Yerusalem.

Nouveau Testament en Guidar

⁴⁷ vi dərbanən gən wənna tubi na viyan mambray dərbə gən azet ɗii pak də iya nani, dətəŋ daga sə Zerusalem.

Bible en Guidar

⁴⁷ vi karbani wən nawɗi marava navvuyon mambray azet ɗiy pak də iya nani, dətəŋ sə Yerusalem.

Luka 24:47 ပူးပေါင်းရင်းမြစ်များ

Va'Atəŋ 12:3

Wanəɗɗa əzaɓ aket ɗiy en dədawzaɓokuni, wanəreygit en dədawraygukuni; ɗiy nammba dələv pak, warahaŋ əzaɓ ammboko.»

Gəlyaɗe 22:27

Məvoŋgənən kiyit wazəmaŋ kpe'i; məzukayanən Yawe, waɗiynən kini. «Mokrokum, dənnek hã faɗə!»

Gəlyaɗe 67:7

Dəlvafuŋ aɗɗak zəga na mabardaw: Maŋgəlva namə, Maŋgəlva nam azaɓaməka.

Gəlyaɗe 86:9

Ɗiy en kəgəɗ pak wazzoŋ əppu' aboko Yawe, wagagdakanən iya noko.

Isaya 11:10

Dəpaska, slalwãy Yesse yi nawsan va gabaga nawsən ɗiy azani, ɗiy naka dələv temtem wakayanəni. Təki nassa nan wasan də gagdaka.

Isaya 49:22

Aŋki an Daya Yawe anahə: in tat yaŋ əslan vaw aket ɗiy-ɗarə wanəmpa gabaga naw narban gagdak na dələv sit ɗiyi, wamndegetinin kirtuk mezeŋgleket a persleket sləkə wasletinin kirtuk muguluŋgit a ma wəleti.

Isaya 49:6

Anahək na: Əssa gawla naw ka kawslan zev Yakob gəm kawtər məs dəndəwəɗaŋ na Israyeləŋ agəska. Nəɗikuk əkeɗeɗe net ɗiy-ɗarə, vi əkõh naw dəgapgən a təki məs dələv abaymani.

Isaya 5:4

Miy əmpa nawgəɗ sən guli net megezlembirkeɗ məs nəɗɗa ɓa di? Nəɗiyək əɗɗum naw akan na wawə moggoni, yaŋ awə uwa daryawə, vimi di?

Isaya 52:10

Yawe arbanək gbogboŋ nan addəv salala nan a maheret ɗiy pak appaka ta'ə. Təki dələv abay man pak wawla əkõh na Maŋgəlva namə.

Isaya 52:15

Vaska'a ɗiy diyɗa waggətaŋ aka wən nani, milyeŋge wamsanən meti. Vi wawlanən an dulanən ɗah ɓa, waprəmən gabba an dəprəmən ɗah ɓa.

Yeremiya 31:34

Ɗəf tay nawyagan ɗəf maɓɓani awaniɓa məlmən əmpa də wənah na: Asən Yawe ɓa, vi wasənwən baymet təŋ səzet memeɗeŋɗe net hã gap azet gugriɗ neti Yawe aɗiymani. Vi wanəvvuyon sit heslepe net də mambray neti, nəɗɗum na akan əmpa ɓa.

Daniyel 9:24

Mətaw siti lumu taka təl kaklaw buhul sit ɗiy noko də walaŋgəla-metiŋ nok salala, vi kawtak əggbak ma gəm kawziwgin mambraya, kavvuyon heslepe, təstəs dəsangən hã faɗə, vi ula də kəleŋ dəsoŋgən gesiŋ gəm kawpesl məwele an salala day.

Hose'a 11:8

Mbar nədapsuk di Efrayim, mbar nədawɓap əppok di, Israyel? Mbar nədakkpoŋgok va walaŋgəla-metiŋ na Adma di? Nəgəɗ suk va na Seboyim sa? Makraw tay əgəbəɗa, də as pak əŋgla naw akok ɓəlɓəli yi.

Hose'a 2:23

Yawe aɗiyman na: aka pay nan na, wanəzlan sən disiŋ aka wəray nani, disiŋ wazlan sən dəlvafuŋ aka wəray nani.

Mika 4:2

Ɗiy diyɗa wambataŋ adaka; wanahaŋ na mide məpeŋgin aka mossorgo metiŋ na Yawe addəv gəla na Maŋgəlva na Yakob. Warbet sim tiveɗ nani, mədawgən aket tiveɗ nani vi sə Siyon əyak adawgilyeni, əpel na Yawe tamə sə Yerusalem adazzani.

Malakiya 1:11

Vi təŋ səkki əgilye na paya hã gap akki məs adawbəta, iya naw gədaki aweleŋgit ɗiy-ɗarə. Aŋga pak tawkiyaŋ tursan aka iya nawa, vaska'e matuya məza heslepe azan ɓa, vi iya naw gədaki aweleŋgit ɗiy-ɗarə, Yawe Məzuɓappak anahə.

Matiye 28:19

Vi vaski məddoŋ azet ɗiy pak məkkpaŋget gewleɗ nawa, məɗɗe sit baptem də iya na Afəni, na Wətəni gəm na iya na Zeŋgile Salala.

Matiye 3:2

Amna: Məkkpaŋgan ədaw nokum vi məlĩ na Maŋgəlva go'oy.

Matiye 9:13

Məddoŋ məyagan an dəɗam addəv wənəŋka, ulasahã nəŋgələ, əzaɓ-Maŋgəlva yi ɓa. Vi naw nəde vi kawye ɗiy en salala ɓa, abbər ɗiy mbəreyit ɓa.

Luka 13:34

Yerusalem, Yerusalem, is məbay məskəleŋɗe, məskə en məslən azok dit gərmeŋge. Təl gbəgbar nəŋgəl əkkelet ɗiy nok va gəmnda adakkelet kirtin ammba persleken kawvoŋ aket di, ya kəŋgereŋ ɓa.

Wəza net Masləŋɗe 10:43

Akani, məskəleŋɗe pak apeleŋ na: Ɗəf dətaf pak warah əvvuy na mambray də iya nani.

Wəza net Masləŋɗe 11:18

Adan aprəmən wənəska, ndəɗaŋ ɓatə, agagdakanən Maŋgəlva, aɓɗaŋ na: Vaski yi'e Maŋgəlva apsit tive sit ɗiy-ɗar dəɗiyaŋgən marava dərəhaŋgən zeŋgile!

Wəza net Masləŋɗe 13:46

Ya Pol də Barnabas apeleŋgək məza geslne ɓa, aɓɗaŋ na: Aslək mərban sukumgən əpel na Maŋgəlva daabəŋ. Ya adan kəzganəni, kulanən na kədahaŋ nawrəh zeŋgile nassa faɗ ɓa na, nam waməkkpaŋ azet ɗiy-ɗarə.

Wəza net Masləŋɗe 2:38

Piyer azlan sitike: Məɗiy marava, mətaf baptem də iya na Yesu Kristu navvuyon mambray nokum, asna wakərahaŋ Zeŋgile Salala.

Wəza net Masləŋɗe 20:21

Nəpel sitik mə Yudeɗi dit Gərekɗe pak dəɗiyaŋgən marava aba Maŋgəlva, dətafəngən Daya nam Yesu.

Wəza net Masləŋɗe 26:18

Vi kawkol sit hereti, kakkpeŋget səra guzli ara əkeɗeɗe'e, gəm səddəv gagdak na Satan aza Maŋgəlva, vi dərahaŋgən əvvu net mambrayɗe, gəm dərahaŋgən haran net a walaŋgit ɗiy salala də ətafwa.

Wəza net Masləŋɗe 26:20

Ya daabəŋ na sit ɗiy en na Damas siske a Yerusalem, gəm aka kivadələv na Yude pakə, də azet ɗiy-ɗar pak nənah sit dəɗiyaŋgən marava, gəm dəkkpaŋgən aza Maŋgəlva, dəɗɗaŋgən wəza narban na aɗiyaŋgək marava.

Wəza net Masləŋɗe 28:28

Məsən kan na, əkõh na Maŋgəlva əŋ na, məslənni sit ɗiy-ɗarə, net na waprəməni! [

Wəza net Masləŋɗe 3:19

Məɗi marava kana məkkpaŋgə, vi mambrayɗe nokum dəvvuyoŋgəni.

Wəza net Masləŋɗe 4:12

Əkõh tay aza ɗəf maɓɓan ɓa, vi iya maɓɓan tay məpsa ammba disiŋ a walaŋgit ɗiy məs mədawkõh dəndən ɓa.

Wəza net Masləŋɗe 5:31

Anani Maŋgəlva agagdakan də van dəzəŋ ka Daya gəm məkõhgit ɗiyi. Vi kapsən əɗi marava gəm əskoɓ mambray sən Israyel.

Roma 5:20

Mahenziŋ ade na, vi mambray dəzlərgəni. Ya a təki mambray anzlərə mbəlembəle na Maŋgəlva awanək zəni.

Efesus 1:6

Ka məɗigən ki gagdak na mbəlembəle nan məs aknəhəm dəndən də Wətən an na makrani.

Efesus 3:8

Su in məs nadəmmbet ɗiy en salala pak məvay mbəlembəle əŋ narban arya na Kristu məs akkpe' ɓa.

Kolosi 1:27

Maŋgəlva aŋgələk ərban gagdak na wən məɗama nan metiŋgin məs azaɓan viyit ɗiy-ɗar pakə, ndəni Kristu məs na mokrokum, əga na gagdaka.

1Yohanna 2:12

In tat əver sukum kirtuwa, mambray nokum avvuyuk aka iya nani.