Luka 20:10 - Bible en Guidar

¹⁰ Adan pay nawɓuh uwa net agapə, aslən balam nan azet məɗɗaŋ wəza addivit megezlembirkeɗi, vi dəpsənəngən uwa net megezlembirkeɗ haran nani. Yaŋ məɗɗaŋ wəza addivit megezlembirkeɗ nak arganən maslən naka, arɓahanən van halayhalay.

Nouveau Testament en Guidar

¹⁰ Yaŋ pay naw ɓu uwa net wəleŋɗe agapə, aslənək gawla nan azet məzən seŋ, vi dəpsənən gən haran nani səket wəleŋɗe. Amma məzən seŋ avər nənək masləŋ, amil gənənək van mekeleŋ məzapsən zəga ɓa.

Bible en Guidar

¹⁰ Adan pay nawɓuh uwa net agapə, aslən balam nan azet məɗɗaŋ wəza addivit megezlembirkeɗi, vi dəpsənəngən uwa net megezlembirkeɗ haran nani. Yaŋ məɗɗaŋ wəza addivit megezlembirkeɗ nak arganən maslən naka, arɓahanən van halayhalay.

Luka 20:10 ပူးပေါင်းရင်းမြစ်များ

1Milyeŋge 22:24

Sedekiya, wətən Kena'ana zar azani, du' ərga Mika aka tapaslayni, amna: «Dəŋga əmpəs na Yawe agil səzaw kan nawpel suk di?»

2Milyeŋge 17:13

Yawe, akol sit slemet mə Israyelɗe dit mə Yudeɗ də met məskəleŋɗe gəm məzulaŋ pakgit, dawnəh na: «Məmil səka tive nokum mbəraynəŋka, mərme wəsəɓɗe nawa, wəzga'ɗe naw va mahenziŋ an nəɗi sit wən nan sit efiŋgiɗkum, gəm nəgapgən sukum də met məɗɗaŋ wəza naw məskəleŋɗe.»

1Alabaraɗe Də Mabərkiziti 19:4

Yaŋ Hanun arme gewleɗ na Davit nek afaɗ eŋgemeti, ataw lukutɗe net səza way gebbeti, appet addoŋgu.

2Alabaraɗe Də Mabərkiziti 16:10

Asa adək gədəv aka məskəleŋ nak sawɓa; yaŋ azgan a fərsəna, vi makran afyõhuk aka wən vani. Asa azimgitik sãhã net ɗiy ɓo' pay dəpaska.

Nehemi 9:26

Yaŋ asulyoŋ də isi, aɓoŋgoŋ akoko; azganən mahenziŋ nok dərɓegeti, abeynin məskəleŋɗe noko, məs dədawsəɓaŋ sitin kawmilgit azoko; ndəni aɗɗaŋ mbərayən diyɗa.

Nehemi 9:30

Kəɓəsək wən net wəzva diyɗa. Kəssak sitik də əmpəs noko dəzet məskəleŋɗe, ya dəprəmaŋ ɓa. Yaŋ kəɗi ammba vet ɗiy-ɗar nammba dəlva.

Gəlyaɗe 1:3

Tay va wəlaŋga məmpan a met iŋkile: tay uwa də pay nani, gaslamban awɓət ɓa; an adaɗɗa pak tay ədaw ammbani.

Yeremiya 2:30

Nəyanək zu ərge kirtukum, dətafnən əzga naw ɓa. Masalam nokum abeyik məskəleŋɗe va ɓoolu adampər zəga.

Yeremiya 20:2

Pasehur argak məskəleŋ Yeremiya yas appan miynan aka wəlaŋga nawlaw ɗiy a maddamba na Benyamin an məɓayən nawtoŋ addəv gəla na Yawe.

Yeremiya 35:15

Nəbew dawslən sukum məskəleŋɗe məɗɗaŋ wəza naw pak azokum ɓa, əslinit dawnəh na: Ɗəf pak dəmil səka tive nan mbərayən, dəzaɓan wəza nan moggoni. Adazbet meŋgilveɗ meɓɓet kawgəɗ sit wəza ɓa. An kətafənka wakəssoŋ də gəla aka dələv məs nəpsukum anokum gəm sit efiŋgiɗkum. Ya kəpakən sləmokum ɓa, kəprəmwən ɓa.

Yeremiya 5:24

Awnahaŋ a mekret na: Məgeslne' səm sən Yawe Maŋgəlva namə ɓa. Məzəpsəm buwən aka pay nani, an na mawala gəm an na mənziya, məzugesəm payɗe məɗiyit na mawala.

Luka 13:34

Yerusalem, Yerusalem, is məbay məskəleŋɗe, məskə en məslən azok dit gərmeŋge. Təl gbəgbar nəŋgəl əkkelet ɗiy nok va gəmnda adakkelet kirtin ammba persleken kawvoŋ aket di, ya kəŋgereŋ ɓa.

Luka 20:11

Ndən slən balam nan maɓɓani, yaŋ net avərən əmpa, arbəsənən wili arɓahanən van halayhalay.

Luka 20:9

Yesu atəŋgək əpel wənməkkpaŋgaŋ sit ɗiyi: Ɗəf ampək megezlembirkeɗ a gulyo, appan avet məɗɗaŋ wəza ka nawfaɗ sən akani, ndən mbat malaka nanziya diyɗa.

Yohanna 15:16

Munokum kəwelwən ɓa, in nəwelkum, nəɗikum kəddoŋgən vi kuwaŋgəni, uwa nokum dəsangəni, vi Afən dəpsukumgən an kədassohoŋ avan də iya naw pakə.

Roma 7:4

Vaski munokumu'e milmiŋgiɗwa, kəmtaŋgək sə kəlaza mahenziŋ də əsap də gəɓa zə Kristu vi kakkpaŋ sən ɗəf mbərni, məs dəsil səret ɗiy mimtiti, ka məgəɗgən an nawtər sən Maŋgəlva.