Luka 18:11 - Bible en Guidar

¹¹ Mə Farisa aziwke, akkamək də makran vaska: Aw Maŋgəlva nəgəɗ sukuk əsoko vi in tat va ɗiy meɓɓet ɓa, va mehelɗe, məɗɗaŋ mbərayən, məkuwaŋ a gizbe, awaniɓa va məkkal nzalakaŋ ɓa.

Nouveau Testament en Guidar

¹¹ Farisiyen aziwke, azuliyək amakran vaska: Aw Maŋgəlva nəgəɗ sukuk soko vi əntat va ɗii meɓɓet ɓa, va meheleŋɗe, də sənaŋ goŋga ɓa, məɗɗaŋ mana'a, walla bo va duwan nəŋ ɓa.

Bible en Guidar

¹¹ Mə Farisa aziwke, akkamək də makran vaska: Aw Maŋgəlva nəgəɗ sukuk əsoko vi in tat va ɗiy meɓɓet ɓa, va mehelɗe, məɗɗaŋ mbərayən, məkuwaŋ a gizbe, awaniɓa va məkkal nzalakaŋ ɓa.

Luka 18:11 ပူးပေါင်းရင်းမြစ်များ

Gəlyaɗe 134:1

Gəlya nawpəŋ ədda əkkam a Yerusalem. Yaŋ na! Məfet aka Yawe, mənokum gewleɗ na Yawe pakgukum, məzuziweŋ addəv gəla na Yawe də dəfəɗ pakə.

Gəlyaɗe 135:2

mənokum məs kəziweŋ addəv gəla na Yawe, a daŋgleɗe na gəla na Maŋgəlva namə.

Wənməkkpaŋga 20:6

Ɗiy tahəŋ diyɗa məzulanən zit va ɗiy məɗɗaŋ moggoni; ya ɗəf an moggon kpak na nawãy nawrəh di.

Wənməkkpaŋga 30:12

Sayit ɗiy tay məɗinən zit ka ɗiy salala ya dəskoɓnən haramba səzet dayday ɓa!

Isaya 1:15

An mənokum tat əppar vokum vi kakkama, wanəɗup haraw vi nədawla ɓa. Kəta muwan əkkam nokum zlaŋgə, nəprəm na ɓa, vokum aknahək dit mbeli.

Isaya 58:2

Aza əvoŋ pak tahəŋ ədder azawa, aŋglaŋ dəsənnəngən tive nawa va ɗiy məzəɗɗaŋ miyi pak də tiveni. Va ɗiy məs dəzganən an Maŋgəlva ataw naɗɗa ɓa. Tahəŋ əttokowən an Maŋgəlva aziwgini, aŋglaŋgək Maŋgəlva dəsangən go'o azeti.

Isaya 65:5

Tay enahaŋ na: Aziw ɓa'ə, kədawrəŋgu ɓa, ɓa na wanəkkpaŋgok ka napsukuk sən Maŋgəlva. Zəgeɗis pak tay əsilginin ədagədəv nawa, tahəŋ əssan makraw ɗayɗayə.

Yeremiya 2:28

Ŋgahəŋ meŋgilveɗ nok məs kəzaɓ sən kiyuk nek di? Dəsilyoŋgu an wakõhgukun pay na tatwãh noko? Yuda vi əŋɗa net walaŋgəleɗe gugriɗ nok gba net meŋgilveɗ noki.

Yeremiya 2:35

is tat ənah na, maw bartatay ədagədəv nan ade na akaw ɓa! Ya naw in yakəŋ ətawwən akoko vi is tat ənəh na: «Nəgəɗ mambray ɓa.»

Ezekiyel 33:31

Wazzoŋ azok hiɗimhiɗimi, wassoŋ aboko, ndəɗaŋ ɗiy nawa, tahəŋ waprəmən əpel noko ya azbanən na ɓa, vi met aka əzban ənnek neti gəm ərəh an mekret asan akani.

Mika 3:11

Ɗiy gugriɗ tay ətawənwən ammba əraha; məsdəlveŋge tahəŋ ərbanən wən ammba ərəha məskəleŋɗe tahəŋ əskaŋ helig vi kawrah koɓeɗi. Də as pak tahəŋ əziw aka Yawe də ənah na: Yawe tay a walaŋgəm ɓa sa? Tatwãh ade na akam ɓa!

Matiye 10:3

Filip gəm Bartelemi gəm Tomas gəm Matiye, mətaf nzalaka, Yakob wətən Alfe, gəm Tadde.

Matiye 5:20

Gesiŋ nədawnah sukum: An təstəs nokum dəday ki net mərbaŋ-mahenziŋ dit Farisaɗe ɓa, kətoŋgoŋ na addəv məlĩ na Maŋgəlva ɓa.

Matiye 6:5

An munokum tat əkkama, kədassoŋ va net muluvuluvuɗe ɓa, vi aŋglaŋgək iziw addəvit gəlaɗe nakkal net mə Yudeɗi gəm aka zlazlaŋgbra tiveɗ əkkam vi ɗiy duleningəni. Gesiŋ nədawnah sukum: Arəhənək əfaɗ net səzeti.

Markus 11:25

An kəsilyoŋguk əkkama, an munokum tat də wən də ɗəfa məvvuyon səni, vi Afukum na disiŋ dəvvuyon sukumgən heslepe nokum tamə. [

Luka 20:47

Tay əzəmən arya net gil net gəbayɗe, kawbay heret ɗiy na, tay ənziyaŋ diyɗa aka əkkama. Kawtawi wən an tatwãh diyɗa aketi.

Luka 22:41

Yaŋ abit səzet fafra' nan na gba' naskan gərma, akduku, akkam

Galatiyen 3:10

Vi en mədawaŋ aka wəza na mahenziŋ pak, mefɗeke tay azeti. Adan məverni na: Əray aka ɗəf məs awsan aka an məverin addəv ɗerewel na mahenziŋ pak kaɗɗa wəza dəndən ɓa, məraygəni.

Filipi 3:6

Dəwəl sən əsok zu na, məsər met məzutafaŋgə, dəwəl sən əssa təstəs addəv mahenziŋ na, məza heslepe ɓa.

Hənhən 3:17

Vi is tat ənah na: məsarya nənani, nəgəɗə arya, zəga tay məs wərayu azan ɓa, ya kəsən na, addəv əzəmsahã kənani, sãh kənani, məssãhã kənani, daŋgar kənani, gobbok mekeleŋ kənani ɓa.