Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Luka 16:8 - Bible en Guidar

8 Daya na məgəɗ wəza narma arya nan nak afetik aka məgəɗ wəza nan matakataka naka, vi agəɗək pepete. Vi ɗiy naka dəlvəŋ petpetiŋ a walaŋ zit dit ɗiy na sayit daykiyit ɗiy na təki babara.

အခန်းကိုကြည့်ပါ။ ကော်ပီ

Nouveau Testament en Guidar

8 Daya afetik aka məgəɗ wəza nan matakataka naka, vi agəɗək də kukete awalaŋ ziti. Vi ɗii na duniya adayaŋgək kiyit ɗii na təki babar də wəɗɗa wəza də kuket awalaŋ ziti.

အခန်းကိုကြည့်ပါ။ ကော်ပီ

Bible en Guidar

8 Daya na məgəɗ wəza narma arya nan nak afetik aka məgəɗ wəza nan matakataka naka, vi agəɗək pepete. Vi ɗiy naka dəlvəŋ petpetiŋ a walaŋ zit dit ɗiy na sayit daykiyit ɗiy na təki babara.

အခန်းကိုကြည့်ပါ။ ကော်ပီ




Luka 16:8
23 ပူးပေါင်းရင်းမြစ်များ  

Dohõy, məs pepet daykiyit zəgeɗ nawra, məs Yawe Maŋgəlva agəɗ pakə. Anah sət ɗak na: «Maŋgəlva dənah gesiŋ na: “kədawzəmaŋ uwa na wəlaŋga na guli net wəleŋɗeŋ ɓa sa?”»


Bayna Amnon tay adawyaŋ na Yonadab, wətən Simeya məlmən Davit. Yonadab məspepeti diyɗa.


Kakaŋ na, miye su məskəleŋɗe na Ba'al, məzəɗɗaŋ sənən wəza gəm məsdəlveŋge nan pakgiti, ɗəf adawbew ɓa, vi maw aka əzaɓ-Maŋgəlva gədak sən Ba'al. Ɗəf an dəbew na, asan na madaran ɓa.» Mbara pepet Yehu agəɗ vi kawzet məɗɗaŋ wəza sən Ba'al.


Yawe azet sə weleŋgit ɗiy də voko, səret ɗiy gəm səka dəlva, haran net yaŋ addəv ənziyaŋka! An dəpəl suk na, azlər sit əzəmsahã addəvti! Kirtit dəbaŋgəni, dəppaŋgən madambərgən tam sit kirtiti.


Mərah səm keket moggon aketi, adawwanən kiyit ɓa. An əgay agəɗəka, wasapaŋ dit məzuzelɗe namə, wagayaŋ də mənamə, wagilyoŋ səka dələv aŋka.»


Kawgagdakani ɗəf ammba maɗɗula nani; ɗəf məs əɗɗum mbərayən na, wasan məzelin.


Məs dəpel mbərayən aka Wətən Ɗəfa kavvuyon səni, ya məs dəpel mbərayən aka Zeŋgile Salala, kavvuyon səni ɓa. Kavvuyoni aka pay an kakaŋka ɓa, aka pay an dədazan ɓa.


Piyer azlan sən na: Melekeɗəŋ dədawfaɗaŋ. Yesu amna an vaski na ɗiy na dələv afaɗaŋ na ɓa.


Məs dəgəɗ moggon də zəga siɗikke, wagəɗ moggon də zəga diyɗa'e. Məs dəgəɗ mbərayən də zəga siɗikke wagəɗ mbərayən də zəga diyɗa'e.


Nəsənək an nədaɗɗa vi pay məzargu səka wəza narma arya na, nərahgən ɗiy en nawtafwən anet da.


Yaŋ aɓsən ɗəf maɓɓan na: Dəmən na daya naw mbarway akok di? Azlanək na: Haykəmari sak səkat. Yaŋ aɓsən na: Agəm ɗerewel noko, aver kaklaw dədopoɗo.


Yaŋ Daya amsak ənəh na: Məprəm an ɗəf mətawwən mbəraynəs anahə.


Yesu azlan sitik na: Ɗiy naka dəlvəŋki, zel tay əɗiyaŋ gili, gil tay əgəmaŋ zeli,


ya ɗiy en dədahaŋ nasso aka dələv vanəska gəm nawsilyoŋ səka əmta, aɗiyaŋ na gil ɓa, aɗiyaŋ na zel ɓa.


Aka mənokum tat də əkeɗeɗe'e, mətaf əkeɗeɗe'e, vi kəkkpaŋgaŋgən kirtin əkeɗeɗe'e. Səza Yesu anah wənəska, ndən mbat haɗam faraɗa səzeti.


Ɗəf adawmbəɗan zən ɓa, an ɗəf səwalaŋkum tay əɗɗum nawsan məsmaɗɗula aka pay an kakaŋkəŋka, dəkkpaŋ dərwa, vi dəsangən məsmaɗɗula.


Vi lahəŋka ara guzli kənanaŋgə, ya kakaŋ na ara əkeɗeɗe kənanaŋ addəv Daya, mədaw va ɗiy nara əkeɗeɗe'e.


Əgrak net na əzay yi, gədəvti maŋgəlva neti, zəga net willi gagdak neti. Əɗɗum net na aka zəga negge yi.


Munokum pak kirtin əkeɗeɗe kənanaŋ, kirtin kapay kənanaŋ, ɗiy na dəfəɗ mənan ɓa, na guzli ɓa.


Ya nokum, mahəlfa an muwelin kənanaŋgə, məsdəlveŋge na məlyã, kirtindələv en salala, ɗiy məs Maŋgəlva abit kənanaŋgə, vi kərbanəngən wəza gagdak na məs dəyukum səra guzli ara əkeɗeɗe nani.


Aza aski kirtin Maŋgəlva dit kirtin Diyabəl adarbaŋgə: Ɗəf məs aɗɗa təstəs ɓa pak, dəde səza Maŋgəlva ɓa, də məs aŋglu məlmən ɓa pakə.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ