Luka 16:25 - Bible en Guidar

²⁵ Yaŋ Abraham azlan na: Wətuwa, aɗɗumon na kərahək zəga moggon nok addəv ənziya egge noko, Lazar tam əzəmsahã; ya kakaŋ na, tay də maɗɗulani, nok tam is tat əzəmsahã.

Nouveau Testament en Guidar

²⁵ Amma Yaŋ Abraham azlan səna: Wətuwa, aɗumon pay kədawsok laŋka, istat də arya diiɗa sawɓa, amma Lazar a zəmək saha pay pak va asan laŋka. Awla kakaŋka, tay də maɗulani, nok tam istatə zəm saha.

Bible en Guidar

²⁵ Yaŋ Abraham azlan na: Wətuwa, aɗɗumon na kərahək zəga moggon nok addəv ənziya egge noko, Lazar tam əzəmsahã; ya kakaŋ na, tay də maɗɗulani, nok tam is tat əzəmsahã.

Luka 16:25 ပူးပေါင်းရင်းမြစ်များ

Ɗerewel na Yob 22:18

Tak ndəni dəknah gəla net də əraha, ya əɗɗum net ɗiy mbəreyit faraɗay səzawa!

Gəlyaɗe 17:14

Yawe azet sə weleŋgit ɗiy də voko, səret ɗiy gəm səka dəlva, haran net yaŋ addəv ənziyaŋka! An dəpəl suk na, azlər sit əzəmsahã addəvti! Kirtit dəbaŋgəni, dəppaŋgən madambərgən tam sit kirtiti.

Gəlyaɗe 49:11

Adan ɗəf tay ula məsmaɗɗulet əmtaŋ məstaka dit dirweŋge gəm məs taggbalemɗe adawzaŋ əppanən arya net sit ɗiy meɓɓeti.

Gəlyaɗe 73:7

Mikirit, heret pəhpəhə, an adaɗɗumoŋ a makret adayək kiyit meŋge.

Əɓuhma 1:7

Yerusalem aka asan slorslor addəv əzəmsãha nani, tay əɗɗumet zəgeɗ nan na sləma en dəssoŋ aka pay an lahəŋ pakə. Aka ɗiy nan abətaŋ ammba va məzuzel nan, məza ɗəf əbbah sən ɓaŋka. Məzuzelɗe nan awlanənka amasaŋgək aka əhhi nani.

Daniyel 5:30

Addəv dəfɗəska'e, məbay Belsazar məlĩ na Babilon.

Matiye 27:63

Aɓɗaŋ na, daya, məɗɗumonko, məwə wənəŋ anahək aka adawsan madaran na: Dərɓaga pay hoku wanəsil səka əmta.

Markus 9:45

An tuluk tay əkuk addəv mambraya, arsla. Dəɗah ərəh zeŋgilok də tuluk taka mərslan ki əmbat addəv offo məs amta ɓa də tuluk sulagəni. [

Luka 16:20

Məssahã an məs adawyaŋ na Lazar, tay ɗuffo a maddamban zən pak yoreɗi,

Luka 16:23

Aka adawzəm sahã a təki net ɗiy mimtiti, aslan haran awla Abraham faraɗa də Lazar a maŋgavani.

Luka 16:26

An day əmpa na, delŋgeɗek məza meŋge nan ɓa tay aka walaŋgəmə, vi ɗiy en dəŋglaŋ əggar səzam azokum gəm en səzokum sədak əggar azamə, aɓapən na ɓa.

Luka 6:24

Ya əray akokum, munokum, məsaryeɗi, vi mokrokum avoŋguk səkayə.

Yohanna 16:33

Nənah sukum pak vasna vi kərahaŋgən zazay də əsler də iyna. Wakəssoŋ mokum ɓəɓiɓəɓi aka dəlva, ya məsok zukum, naw nəskak wəla dəlva.

Wəza net Masləŋɗe 14:22

Aɓɓəletinik məzutafaŋgə gəm asɓetinik dəssoŋgən pay pak addəv ətafa. Aɓɗaŋ na: Də əzəm sahã diyɗa mədawtoŋ məlĩ na Maŋgəlva.

Roma 8:7

Vi əɗɗum na gəɓa zə ɗəf na, əɓoŋ aka Maŋgəlva yi. Awɓe' sən mahenziŋ na Maŋgəlva ɓa, aɓap na əzban lah ɓa.

Əmsak aka Mahenziŋ 28:17

Wəray wasan aka kekel nok də mozgoy na way noko.

Filipi 3:19

Əgrak net na əzay yi, gədəvti maŋgəlva neti, zəga net willi gagdak neti. Əɗɗum net na aka zəga negge yi.

1Tesaloniki 3:3

vi ɗəf taka səmbokum adamzlə sən wən na tatwãh dərəhəməŋ ɓa, vi nokum van kəsənənka, ndəni ərəh namə də əŋgla na Maŋgəlva.

Ibriɗe 11:25

Ɗəɗah sən wəzəmsahã dit ɗiy na Maŋgəlva ki wənan nek də mambray gap pay siɗikke.

1Yohanna 2:15

Kədaŋglunən ənziya negge mãy zəga negge ɓa. An ɗəf aŋgluwək ənziya negge, əŋgla na Afən tay azan ɓa.

Hənhən 7:14

Nəzlan sənək na: Daya nawa kəsənka! Aɓsu na, ndəɗaŋgəŋ ɗiy məs dəgilyoŋ səddəv əzəmsãhã metiŋgini. Askoɓunik lukutɗe neti, azzoretinik lukutɗe net addivit mbel nat ndargayãk kpaŋgaŋ babarɗe.