Luka 16:15 - Bible en Guidar

¹⁵ Yesu aɓsit na: Nokum, mokum aka kəsoŋgən ɗiy təstəs a maheret ɗiyi, ya Maŋgəlva asənək mokrokum, vi an məs ɗiy adawlaŋ va zəga metiŋgini, daryawi aza Maŋgəlva.

Nouveau Testament en Guidar

¹⁵ Zezu apsit na: Mokum aka kəsoŋ gən ɗii təstəs amaheret ɗiiyi, amma Maŋgəlva asənək mokrokum, vi an məs ɗii adawlaŋ va zəga metiŋgin, zəga nan tay də sləman aba Maŋgəlva ɓa.

Bible en Guidar

¹⁵ Yesu aɓsit na: Nokum, mokum aka kəsoŋgən ɗiy təstəs a maheret ɗiyi, ya Maŋgəlva asənək mokrokum, vi an məs ɗiy adawlaŋ va zəga metiŋgini, daryawi aza Maŋgəlva.

Luka 16:15 ပူးပေါင်းရင်းမြစ်များ

1Alabaraɗe Də Mabərkiziti 29:17

Maŋgəlva nawa, nəsənəka, kakkesen makra ɗəfa, əssa təstəs kədaŋgla, naw makraw papar nəzi zəgeɗiŋ pakə, kakaŋ na ɗiy nok en neŋkiŋ in tat ulet əkisukun əvəl də zit nek mekret taka.

2Alabaraɗe Də Mabərkiziti 6:30

nok kəprəmgən hã sə disiŋ, sə təki kəsoko, kəvvuyongəni, kəfaɗ səngən ɗəf pak aza ədaw nani, vi kəsənək makrani, vi istə kaka kəsən makra ɗəf titire.

Gəlyaɗe 10:3

Vi məsdaraw tay əɗi ki zəni adan aɗɗa an na makrani; adan arah də vurum nani, ndən əran Yawe gəm əmas akani.

Gəlyaɗe 49:13

Ɗəf də gagdak nan na, alya ɓa: məstakayi də zəga mamayã məzəmta.

Gəlyaɗe 49:18

Vi zəga tay adawka a van pay əmta nan ɓa, gagdak nan aprik na ammban ɓa.

Gəlyaɗe 7:9

Yawe wasan mətawwən aket ɗiyi: apəlwa Yawe vi təstəs gəm bartata nani.

Wənməkkpaŋga 16:5

Məɗi kizən pak daryawi ara Yawe, dəɗi akan ta' na, kappani bartata ɓa.

Wənməkkpaŋga 20:6

Ɗiy tahəŋ diyɗa məzulanən zit va ɗiy məɗɗaŋ moggoni; ya ɗəf an moggon kpak na nawãy nawrəh di.

Wənməkkpaŋga 21:2

Tive na ɗəf pak sarray arani, ya Yawe dədawsla mekret ɗiyi.

Yeremiya 17:10

In Yawe in tat ula an dəsan a makra ɗəfa, in tat əkoson əɗɗumo. Wanəfaɗ sən naway pak va aza ədaw nani, gəm aza wəza nani.

Malakiya 3:15

Kakaŋ na, wamənah na zazay aket ɗiy məɓaygənən kiziti. Məsdarawɗe pak tay əɓayaŋgə; an aslannək naza Maŋgəlva na, tay əkõhoŋgu.»

Matiye 23:5

Əɗɗanən wəza net pak vi ɗiy duleningəni. Ndəɗaŋ əslosloproketin filakterɗe neti, ndəɗaŋ əɗɗaŋ moksoy zezek aza gabba lukut net.

Matiye 6:16

An munokum tat əɗɗa meme na, kədassoŋ so'or so'or va net muluvuluvuɗe ɓa, gesiŋ tay ərosnən ki hereti, vi karban sit ɗiy na tay əɗɗaŋ meme. Gesiŋ nədawnah sukum: Net arəhənək iya neti.

Matiye 6:2

An mok aka ulasahã kan na, kədaɗɗan vi kawgəm maɗɗulet ɗiy akok va net muluvuluvuɗe adaɗɗaŋ addəvit gəlaɗe nakkal net mə Yudeɗi gəm aket tiveɗ vi ɗiy dəgagdaketingin ɓa. Gesiŋ nədawnah sukum: Arəhənək əfaɗ net səkay.

Matiye 6:5

An munokum tat əkkama, kədassoŋ va net muluvuluvuɗe ɓa, vi aŋglaŋgək iziw addəvit gəlaɗe nakkal net mə Yudeɗi gəm aka zlazlaŋgbra tiveɗ əkkam vi ɗiy duleningəni. Gesiŋ nədawnah sukum: Arəhənək əfaɗ net səzeti.

Luka 10:29

Ya nani, aɗiyək zən va təstəsə, aɓsən Yesu na: Naway meggew di?

Luka 11:39

Daya aɓsən na: Munokum mə Farisaɗe, Munokum tat əɗetin gəɓet hĩlĩŋgiɗ nawsa zəga nokum də gəɓet kasliɗe nokum, ya kəknahaŋgək də ərma mama gəm daraw.

Luka 18:11

Mə Farisa aziwke, akkamək də makran vaska: Aw Maŋgəlva nəgəɗ sukuk əsoko vi in tat va ɗiy meɓɓet ɓa, va mehelɗe, məɗɗaŋ mbərayən, məkuwaŋ a gizbe, awaniɓa va məkkal nzalakaŋ ɓa.

Luka 18:14

In tat ənah sukum, ɗəf nan aslerik də Maŋgəlva aka amndan eŋgil ananda ki ɗəf an maɓɓanəŋka. Vi ɗəf an dəɓaygən kizən pak kawgəsani, ɗəf an dəgəsan kizən pak kawɓaygəni.

Luka 18:21

Zəgeɗis pak nərmek far səka sawãwã.

Luka 18:9

Yaŋ Yesu apel wənməkkpaŋga maɓɓan əmpa, vi məzulanən zit va ɗiy təstəsə gəm əzeletin ɗiy meɓɓeti:

Luka 20:20

Atəŋgaŋgək əga Yesu, aslənaŋgək məkkeseŋ gabba wən məzulaŋ va ɗiy təstəsə, vi karman də əpel na mani, kappan addəv gagdaka gəm addəv əɓap na daya na kivadəlva.

Luka 20:47

Tay əzəmən arya net gil net gəbayɗe, kawbay heret ɗiy na, tay ənziyaŋ diyɗa aka əkkama. Kawtawi wən an tatwãh diyɗa aketi.

Yohanna 2:25

Wəray tay ɗəf dənah səngən wən na ɗəf ɓa, vi asənək an na makra ɗəf pakə.

Yohanna 21:17

Anah sən təl mohoko'ən əmpa, aɓsən na: Simoŋ wətən Yohanna, kəŋgluwək sa? Piyer asanək man ɓəɓiɓəɓi, vi anah sən təl mohoko'ən na: Kəŋgluwək sa? Azlan sənək na: Daya zəga pak nok kəsənəka, nok kəsənək na nəŋglukuko. Yesu aɓsən na: Ateɗ timeŋgiɗ nawa.

Wəza net Masləŋɗe 1:18

Yudas vanəs albahək guli dit deleɗ en arah də wəza mambray nani, askotuk də ma gədəvən, aɓahə, herɗen afuŋ zoɗoɗu.

Wəza net Masləŋɗe 1:24

Yaŋ akkamaŋ anahaŋ na: Daya istə kəsən mekret ɗiy pakə, arban an kəwel taka səret ɗiy suleŋki.

Wəza net Masləŋɗe 15:8

Maŋgəlva məs dəsən makret ɗiy pak arban sitik dəpsit Zeŋgile Salala va apsəmə.

Roma 3:20

Vi ɗəf tay nawsan təstəs aban də əzban wəza na mahenziŋ ɓa. Vi mahenziŋ əsən mambray arban kaka'ə.

Roma 8:27

Maŋgəlva məzula kpukupum na makra ɗəf asənək əɗɗum na Əmpəsa, vi tay əkkam va Maŋgəlva aŋgəl ammbet ɗiy en salala.

1Korintus 4:5

Vi vaski kədatawaŋ wən dafsən tak əzza na Daya ɓa, ndəni nawkekeɓe an dəɗam ara guzliyo gəm narban an dəsan a makret ɗiyi. Asna naway pak warah hara gagdak nan səza Maŋgəlva.

1Piyer 3:4

ya dəsan də makrokum, lelew məs awray ɓa maɗɗula na zazaya, məs də sləma diyɗa aba Maŋgəlva.

1Piyer 5:5

Gewleɗi, nokum pak məprəm met ɗiy məsɓeti. Məɓe' sən zukum addəv ənziya a walaŋ zukum pakə. Va Əver anahə: Maŋgəlva tay əbay gagay sit məgagdakanən ki ziti, ya wapsit mbəlembəle sit ɗiy məɓe'gənən ki ziti.

Hənhən 2:23

Gewleɗ nat na, wanəbeye, gəleɗe na Maŋgəlva pak wasənnən na intə məkoson əɗɗumo gəm makret ɗiyi. Wanəfaɗsən naway di pak va azet wəzaɗe nani.

1Samiyel 16:7

Yawe aɓsən Samiyel na: «Nok kədawla gəɓa zən də əɓay nan ɓa, nəzganəka. Vi naw nawla aza an ɗiy adawlaŋ ɓa: Ɗiyi, an na ma heret adawlaŋgə ya Yawe nan makra ɗəf adawla.»