Luka 15:4 - Bible en Guidar

⁴ Naway səmmbokum an tay dit timiŋgiɗ səkatə, taka mbo' na, appet na en kaklaw vaytak kiyit vaytak a kapta-muyã, vi kada əkayan an məzan hã ndən gas ərəhən ɓa di?

Nouveau Testament en Guidar

⁴ Naway səmbokum an tay dit timeŋgiɗ səkat na, an azək taka na, apet na kaklaw vaytak kiyit vaytak awra, vi kadaw kayan məs dəzə dərah gən ɓa di?

Bible en Guidar

⁴ Naway səmmbokum an tay dit timiŋgiɗ səkatə, taka mbo' na, appet na en kaklaw vaytak kiyit vaytak a kapta-muyã, vi kada əkayan an məzan hã ndən gas ərəhən ɓa di?

Luka 15:4 ပူးပေါင်းရင်းမြစ်များ

Gəlyaɗe 119:176

Slorslor nan va time məzani akayan gawla noko, vi nəzgət kiyit mahenziŋɗe nok ɓa.

Isaya 53:6

Mənam pak məzək va gilewi, naway pak agəmək tive nani. Yas Yawe aggbo' heslepe nam pak akani.

Yeremiya 33:13

A walaŋgəleɗe gugriɗ naggərma, walaŋgəleɗe na Bagərma, walaŋgəleɗe na dohoŋ, aka dələv na Benyamin gəm dəlveŋge dəssoŋ ki Yerusalem tərwəslə dit walaŋgəleɗe gugriɗ na Yuda, gəlew wadawaŋ kaɗkaɗ əmpa dəba məzəŋɗeti, Yawe anahə.

Yeremiya 50:6

Ɗiy naw tahəŋ lahəŋ va gilew məzeti məzuteɗeŋɗe net azetinik aket mossorgoɗe gugriɗe. Tahəŋ əpirkeŋ səka mossorgo gəm əpeŋ aka mbərən azgətaŋgək ki gazlaŋ neti.

Ezekiyel 34:16

An dəzə, wanəkayani; an dəgohu, wanəmndagani; məs tələn dəŋgəzlə, waniynani; məs gbəgba'a, wanəsɓani. Zəga mamayãn məkərən də an gbusgbus hara na, wanəzani; wanəteɗ va an dəslə.»

Ezekiyel 34:31

Gazlaŋ naw kənanəni, gazlaŋ nawtaɗ nawa, mənokum ɗiyi. Naw Maŋgəlva nokum nani. Daya Yawe aɗiymani.»

Ezekiyel 34:4

En dəddakaŋgə kasɓetin ɓa, məsgbəgba'ɗe kanzeɗnin ɓa, məŋzlu tilti kiynan sitin ɓa, kəmndegetin en dəgohoŋ ɓa, kəkeyetin en dəzaŋ ɓa, də gagay kəssoŋ aket də wəzimgit sahã.

Ezekiyel 34:8

Va nəsaw madarawa, Daya Yawe aɗiymani, sessel vi gilew naw akkpaŋgaŋgək ka zəga na popoho, gilew naw akkpaŋgaŋgək əzəm net zəgeɗ nawra, vi məzutaɗa tay ɓa, vi məzuteɗeŋge naw dəkeyetin gilew naw ɓa, ki zit tusso ataɗaŋgə, dəteɗin gilew naw ɓa.

Matiye 12:11

Yaŋ azlan sit na: Ɗəf awani səwalaŋkum, an tay də time taka kaka', an abətək a vov pay naffet na, al na ərman kakdəhən ɓa di?

Luka 13:15

Daya azlan sənəka, amna: Məs muluvuluvuɗe, mənokum pak kawpəlnən medgeɗge awaniɓa koro nokum sə təki nawzəm pay naffet kawkan amet iŋkile ɓa sa?

Luka 15:3

Yaŋ anah sit wənməkkpaŋgaŋ dawnəh na:

Luka 19:10

Vi Wətən Ɗəf ade na kawkayan gəm kawkõhgən an dəzə.

Roma 2:1

Vini, is ɗəf mətaw wən aka ɗəf pak təki narma vok tay ɓa, vi an is tat ətaw wən aka ɗəf maɓɓani, aka zuk kədawtawən, vi zəga məstaka kədaɗɗa də ɗəf məs kədawtaw wən akani.

1Piyer 2:25

Lahəŋka munokum tat va timiŋgiɗ məzeti, ya kakaŋ na kəmilyoŋguk aza məzutaɗa məzuga zeŋgilokum.