Luka 14:13 - Bible en Guidar

¹³ An kədək waynabaya na, aye məssehẽŋɗe, maŋgalɓayeɗi, vədalɗe gəm deŋgerɗe dərəŋgə.

Nouveau Testament en Guidar

¹³ Amma an kəgəɗək zəga nawzəm nawzləra, aye məs sahaŋɗe məs zit məmtəni dit vədelɗe, gəm deŋgerɗe.

Bible en Guidar

¹³ An kədək waynabaya na, aye məssehẽŋɗe, maŋgalɓayeɗi, vədalɗe gəm deŋgerɗe dərəŋgə.

Luka 14:13 ပူးပေါင်းရင်းမြစ်များ

2Samiyel 6:19

Awɗakək zəga nawzəm sən vanday net ɗiy na Israyel pakgiti; ɗəf mizilin dət guluk pak arahaŋgək haran net moŋgosok moŋgosoku, gəpa məbaya net kirtin gogozlo gəm net kirtin megezlembirke məktimti. Dərɓagan na, naway pak alək eŋgil ananda.

2Alabaraɗe Də Mabərkiziti 30:24

Vi ammba əkkal van na, məlĩ Hizkiya apsitik medgeɗgeɗe gabal, gilew gabal buhul, ɗiy naban tam apsitinik medgeɗgeɗe gabal, gilew gabal kəlaw. Məsdəlveŋge diyɗa dəbburnən heslepe səzeti.

Nehemi 8:10

Aɓsit na: «Məddoŋgu, məzəm teɓ moggeti, məsə zəga nawsa neneke, məslən sən haran na ɗəf məs dəzaɓan zən nawda ɓa; vi wəsɓətaŋ ammba Yawe nam arbə. Vasna kədassoŋ zukum so'or so'or ɓa; vi ənnek na Yawe, ndəni gbəgboŋ nokum.»

Nehemi 8:12

Yas kan ɗiy pak ambataŋ kawzəma may kawsa, may kawslən haran an nawsləna gəm kannek diyɗa vi aprəmənək əpel temtem məs arbaŋ sitini.

Ɗerewel na Yob 29:13

Nərahək əffet səmet ɗiy məzuzəmaŋ sahã, nənnekenik makrat gagəbaya.

Wənməkkpaŋga 14:31

Dəzəmgən sãhã na məssãhã na, məs dəzəməɗ adawra; dəwəl sahã aka məssahã na, kiyən adawɗiya.

Wənməkkpaŋga 22:9

Məzula sahã na, əzaɓ wasan akani, vi arɗəsənək way nan sən ɗəf məddakən.

Isaya 58:10

an kuɗakanək way nok də ɗəf məs may adawda pakə, kəbetik məssehẽŋɗe, asna əkeɗeɗe nok warbə ara guzliyo; dəfəɗ nok wasan va tataŋpaya.

Isaya 58:7

Uɗakan way nok də ɗəf məs may adawda, əkol metive nok sit məssehẽŋɗe, an kəwələk ɗəf məza lukut azan ɓa, apsən əgulo, kədawgo' zuk səza məlmuk ɓa.

Matiye 15:30

Ɗiy diyɗa azzoŋguk azani, akiyaŋ sənənək vədalɗe, deŋgerɗe, maŋgalɓayeɗi, goryomɗe-mərma hurzlumiti dit məs gbəgbaɗe meɓɓet diyɗa. Avoŋgitin ammba təlni, yaŋ ambəlgiti.

Matiye 22:10

Belemɗe addoŋguk aket tiveɗi, akkeletinik ɗiy en arahaŋ pakə, en mbəreyit dit moggeti. Gəla nawɓel aknahək dit ɗiy məyeti.

Luka 11:41

Məvəl də an dəsan addivti, asna zəgeɗ pak wassoŋ sukumən salala.

Luka 14:12

Yaŋ aɓsən ɗəf məs dəya nak tam na: An kəgəɗək zəga nawzəm kapaya awaniɓa moskoyo, kədawye bayneŋgiɗuk ɓa, milmiŋgiɗuk ɓa, həlfiŋgiɗuk ɓa, meggeŋgiɗuk məsaryeɗ ɓa, vi adawyukun tam laha kawfaɗ suk agəlan ɓa.

Luka 14:14

Wasan suk ka əzaɓa vi aɓapən na əfaɗ suk agəlan ɓa. Vi kawfaɗ suki agəlan pay əsilye net ɗiy en təstəs səka əmta.

Luka 14:21

Balam amndanək aza daya nani, anah sənək wən nan pakə. Yaŋ gədəv afən gəla adə, aɓsən balam nan nak na: Go' dok aket tiveɗ gugriɗ dit memeɗeŋɗe na walaŋgəla-metiŋ kəkigin məssehẽŋɗe, maŋgalɓayeɗi, deŋgerɗe gəm vədalɗe aŋka.

Wəza net Masləŋɗe 9:39

Piyer hõs ləŋ pay dənɗaŋgə, adan agapə, akanənək addəv gəla an na disiŋ naka. Gil net gəbayɗe pak aziweŋgik a maŋgavani, tay əhəmaŋgə gəm tay ərbetin lukutɗe gəm zəgeɗ nawgul məs Dorkas təgəɗ aka təsat dənɗaŋ.

Əmsak aka Mahenziŋ 14:29

Mə levi dədegini, vi nan tay də hara dələv nan də is ɓa, may molhõyõ, mitiwe, gagəbaya, na walaŋgəla-metiŋ noko, dəzəmaŋgən kpe'i, vi Yawe Maŋgəlva nok dəɗɗagən əzaɓ akok addəv an kədaɗɗa pakə.

Əmsak aka Mahenziŋ 16:11

Kənnekgən aba Yawe Maŋgəlva nok də wutuko, dət wutuko, də balam noko, dət balamək noko, də mə levi na walaŋgəleɗe gugriɗ noko, də molhõyõ, də mitiwe dət gagəbay məs dəssoŋ awalaŋkum a təki an Yawe awel ka iya nan dəsangən adaka.

Əmsak aka Mahenziŋ 16:14

Kənnekgən addəv wəzləra nok is də wutuko, dət wutuko, də balam noko, dət balamək noko, də mə levi na walaŋgəleɗe gugriɗ noko, də molhõyõ, də mitiwe dət gagəbay məs dəssoŋ awalaŋkum.

1Timote 3:2

Aslək kan na, daya dəsangən məza də wən akan ɓa, dəsan guluk taka, məzərma zəni, məs maɗɗulani, məgəɗ məs dəslə, mətaf melekeɗi, məɓap ərba zəga.

1Timote 5:10

ɗiy dəsəntən sən wəza moggon nata: Vi təzgələk kirni, tətafək melekeɗi, təskoɓək tilit ɗiy en salala, təbbah siti ɗiy en dəssoŋ addəv əzəmsahã, təppanək kiyət ammba wəza moggon awandi pakə.

Titus 1:8

Ya dəsan mətaf melekeɗ annanda, məŋgəl əɗɗa moggoni, məs maɗɗulani, ɗəf təstəsə, salala, mərəm ki zəni,

Filemon 1:7

Vi əŋgla nok annekik zu sawɓa avayək gbogboŋgo, kəsɓanək makret ɗiy na Maŋgəlva məlmuwa.

Ibriɗe 13:2

Kədazgətaŋ də wətaf melekeɗ anokumda ɓa. Mbəlembəle ndəni ɗiy meɓɓet atefin maslayɗe anet da, məza əsənən aket ɓa.