Luka 13:34 - Bible en Guidar

³⁴ Yerusalem, Yerusalem, is məbay məskəleŋɗe, məskə en məslən azok dit gərmeŋge. Təl gbəgbar nəŋgəl əkkelet ɗiy nok va gəmnda adakkelet kirtin ammba persleken kawvoŋ aket di, ya kəŋgereŋ ɓa.

Nouveau Testament en Guidar

³⁴ Midi, Zerusalem, Zerusalem, kəbeyək məs kleŋɗe, kəskek mesliŋɗe na Maŋgəlva dit kuneŋge. Nəgayək wəkkelet ɗii nok təl diiɗa, va gəmnda ada kelet kirtin amba perslekeni, amma kəŋgereŋ ɓa.

Bible en Guidar

³⁴ Yerusalem, Yerusalem, is məbay məskəleŋɗe, məskə en məslən azok dit gərmeŋge. Təl gbəgbar nəŋgəl əkkelet ɗiy nok va gəmnda adakkelet kirtin ammba persleken kawvoŋ aket di, ya kəŋgereŋ ɓa.

Luka 13:34 ပူးပေါင်းရင်းမြစ်များ

Nehemi 9:26

Yaŋ asulyoŋ də isi, aɓoŋgoŋ akoko; azganən mahenziŋ nok dərɓegeti, abeynin məskəleŋɗe noko, məs dədawsəɓaŋ sitin kawmilgit azoko; ndəni aɗɗaŋ mbərayən diyɗa.

Nehemi 9:30

Kəɓəsək wən net wəzva diyɗa. Kəssak sitik də əmpəs noko dəzet məskəleŋɗe, ya dəprəmaŋ ɓa. Yaŋ kəɗi ammba vet ɗiy-ɗar nammba dəlva.

Gəlyaɗe 149:2

Ɗiy na Israyel dənnek də məs dəzəməɗe, ɗiy na Siyon dənneken də məlĩ neti.

Gəlyaɗe 17:8

Agu va mawyãk horoko, aɗamaw a perslekoko,

Gəlyaɗe 36:7

Təstəs nok tay va mossorgoɗe gugriɗ na Maŋgəlva; ətawwən nok va vov mẽmẽtiŋ fətəkfətəkə. Yawe, is tat əkõhgit ɗiyi dit zəgeɗ memeyẽɗi.

Gəlyaɗe 57:1

Səza daya net məyaŋgəlya. Məyan də wəla məs adawyaŋ na: «Kəraygən ɓa.» Gəlyanalva səddəv gəlya na Davit. Gala adanzan səba Sawlu a bətəŋ.

Gəlyaɗe 81:13

nəppetik addoŋ də mekret ɓərəsɓərəsə: dəzbanən va mekret aɗɗumu!

Gəlyaɗe 91:4

Də deɗeken adawzaɓ təki nawɗam noko, wakəɗam ammba perslekeni. Gegesiŋ nan baray yi gəm lukut-na-təbzi.

Isaya 30:15

Vi aŋki an Yawe Maŋgəlva salala na Israyel anahə: əɗi marava gəm wəssa ɓatɓati yi wəkõh nokumu. Gbogboŋ nokum na, wəssa ɓatɓati yi gəm əɗi əɗɗum nokum akawa. Ya kəŋgəmaŋ ɓa.

Isaya 50:2

Vimi gala nəde na, ɗəf tay aŋ təttaka ɓa di? Səza nəyə ɗəf tay dəzlan ɓa di? Vaw duɗukkoy an faɗ akõhgukum na ɓa sa? Awaniɓa, gbogboŋ tay azaw ta' sa nawpəlkum ɓa sa? Ya yaŋ də wəbay gagay kaka' nədakkpa' pehe wanəkkpeŋget məlpeŋge ka kapta-muyã. Sən iŋkile tahəŋ ɓa kilfeŋge wamtaŋ sit meme waŋgənaŋgə.

Yeremiya 2:30

Nəyanək zu ərge kirtukum, dətafnən əzga naw ɓa. Masalam nokum abeyik məskəleŋɗe va ɓoolu adampər zəga.

Yeremiya 26:23

Yas agilginin Uriya sə Eziptə, akasənən məlĩ Yoyakim, abay də masalam, azgan kigəbayən addəv magamas net kirtin dəlva.

Yeremiya 35:14

Mətafni əpel na Yonadab wətən Rekab məs aɗi sit kirtin na: «kədawsaŋ mbazla ɓa, ya dəsaŋ ɓa hã dəpaŋka, aprəmənək an afit aɗi sit wən nani. Ya naw nəyək sam əpel sukum, kəprəmən maw ɓa.

Yeremiya 35:17

Vini kan Daya Maŋgəlva Məzuɓappak, Maŋgəlva na Israyel anah vaŋka. In yakəŋ əki tatwãh aka Yuda, aket ɗiy na Yerusalem pakə, məs nəpel nawgəɗ siti. Vi nəpel sitike ya dəŋgereŋ əprəm ɓa. Nəyeke, ya dəzlanən ɓa.»

Yeremiya 6:16

An Yawe anah yaŋka: məziw sosokko aka tive mula gəm məttok aka tive an lahəŋka. As tive an moggoni sa? Məzbani asna wakəssoŋ zayə. Yas anahaŋ na: Məzban na ɓa.

Əɓuhma 1:16

Aka wən net zəgeɗiski nədawhəma. Sin araw gekgeki. Vi ɗəf nawɓətguwa gəm nawmbəlgu faraɗay səzawa. Kirtu azaŋka, vi məzuzel naw adayək kiwa.

Əɓuhma 4:13

As pak agəɗ na aka mambray net məskəleŋɗe nani, gəm an məsdəlveŋge nan araygənəni yi, abeyinik ɗiy təstəs addəvni.

Hose'a 11:2

Addereŋgək səba məzuyeti: sit Ba'alɗe azaɓaŋ sitin maŋgəlva, sit zeŋgilet zəgeɗ azlaŋ sitin tursan.

Hose'a 11:7

Ɗiy naw aktuhənək gəɓet dazbawa: iyeti, ɗəf tay dədawsilyen ɓa.

Yo'el 2:23

Mənokum ɗiy na Siyon, məɗɗələ, mənneken zukum də Yawe, Maŋgəlva nokum. Vi tay əzi sukum buwən na mənzi kawkõhgukum, tay əzi sukum buwən maŋgalaw, buwən na mənziya, buwən na mawala va lahəŋka.

Zakarya 1:4

Kədassoŋ va efiŋgiɗkum en məskəleŋɗe maddaabəŋ adawyetin lahəŋ də wənahaŋ na: “An Yawe Məzuɓappak adawnəh yaŋka: Məmili, məppan tive nokum mbərayən də wəza nokum mbəraynəŋka,” ya dəprəmaŋ ɓa, dəzgaŋ sləma akaw ɓa, Yawe aɗiymani.

Matiye 22:3

Aslənik belemɗe nan əye ɗiy en məyet a wəzləra, ya də ngəmaŋ əzzoŋ ɓa.

Matiye 22:6

ɗiy dembirgit armeninik belemɗe neki azəmgitin sahã, abaynini.

Luka 15:28

Yaŋ wətən an daya nak adə gədəva, aɓoŋ dawtoŋ eŋgili. Afən vit əkkamani.

Luka 19:44

Wakkãhkuni, is dit kirtuk addəvko. Appaŋ sukun na kuwən aka kuwən ɓa, vi kəsən pay məs Maŋgəlva ade wəbbah suk ɓa.

Luka 23:28

Yesu kpaŋgən haran aketi, amna: Gil na Yerusalem, kədawhəmaŋ viyu ɓa. Məhəmgən kikum dit kirtukum dərəŋ.

Wəza net Masləŋɗe 7:52

Məskəleŋ awani məs efiŋgiɗkum dəzəmgənən sahã ɓa di? Abeyinik en dəpeleŋ dafsən aka əzza na ɗəf təstəsə. Kakaŋ kan na məzəmaŋ kiyən gəm məbayaŋ gəbay kənanaŋgə.

Wəza net Masləŋɗe 7:59

Net tay əskanəni, Etiyen nan tay əkkaman dawnah na: Daya Yesu ataf əmpəs nawa.

Wəza net Masləŋɗe 8:1

Sawlu tay zən nek də əbay na Etiyen. Dəpas na əzəmsahã metiŋgin adek aket məzutafaŋ na Yerusalem. Ɗiy pak atrayaŋgək aka kivadələv temtem na Yude də na Samari, maslənɗe dəppaŋ kaka'ə.

Əmsak aka Mahenziŋ 32:29

Va də maɗɗuletiŋ na, waprəmənən gabbani, wawelenən an nabet kəta:

Əmsak aka Mahenziŋ 5:29

An sə mekreti yi agil nawgeslne' suwa gəm narma əpel na ənziya ɗayɗay pak vi moggon dəsangən viyti gəm kirtit ka faɗə!”

Hənhən 11:8

Gəbay net wasan aka tive na walaŋgəla-metiŋ, məyan də kəleŋ na Sodom gəm Eziptə, a təki məs məkkpa Daya net aka məzliwrihe.

Ɗerewel nat Rut 2:12

Kəta Yawe dəfaɗsuk an kəgəɗə, Yawe, Maŋgəlva na Israyel məs kəde əɗam ammba təlnən dəfaɗsuk hanza nok tutu'u.»