Luka 12:15 - Bible en Guidar

¹⁵ Yaŋ anah sit ɗiy pakə: Məgəɗ maɗula, məsla zukum səza mãy na əŋgla na arya diyɗa, vi addəv diyɗa na arya dayday zeŋgile ɗəf asan viyit aryeɗ nan ɓa.

Nouveau Testament en Guidar

¹⁵ Yaŋ anah sit ɗii pakə: Məsla zukum səza əŋgla na arya, vi arya anneken na ənziya egge na ɗəf ɓa ko dəsan məs arya vami zlaŋ.

Bible en Guidar

¹⁵ Yaŋ anah sit ɗiy pakə: Məgəɗ maɗula, məsla zukum səza mãy na əŋgla na arya diyɗa, vi addəv diyɗa na arya dayday zeŋgile ɗəf asan viyit aryeɗ nan ɓa.

Luka 12:15 ပူးပေါင်းရင်းမြစ်များ

1Milyeŋge 2:40

Simey le', mazaŋga na koro nan deŋgi, ndən tek a Gat ana Akis da, kamndet belemɗe nani. Simey, mbat aki belemɗe nan sə Gat.

Ɗerewel na Yob 2:4

Yaŋ Satan azlan sən Yawe dawnəh na: «Gəɓa zə ɗəf ka gəɓa zə ɗəfa! An ɗəf arəm avan pak wappan vi kawkõhgən ənziya egge nani.

Gəlyaɗe 10:3

Vi məsdaraw tay əɗi ki zəni adan aɗɗa an na makrani; adan arah də vurum nani, ndən əran Yawe gəm əmas akani.

Gəlyaɗe 37:16

Siɗikke nava ɗəf təstəs adayək ki arya net məsdarawɗe diyɗa,

Gəlyaɗe 62:10

Ha'aw, ɗəf titir va enene yi ɗarə; ɗəf titir uwawəni kaka'ə. An məslani gagdak net sap na, kofot kofotəŋ dayki enene.

Wənməkkpaŋga 15:16

Ɗəɗah siɗikke addəv geslne na Yawe ki arya diyɗa də gəgrəŋ addəvən.

Wənməkkpaŋga 16:16

Ərəh maɗɗula adayək ki meleŋge an saksak pelepele; ərəh əsən tam ɗəɗah ki təbəz babara.

Wənməkkpaŋga 28:16

Məlĩ məzakiyən ɓa dədawsok zən aza əmõh zəga; ya ɗəf an dəzel əmõh zəga, nan wazzeken pay nani.

Yeremiya 6:13

Vi təŋ səka muzliya hã gap ɗəf metiŋgini, naway pak tay əkayan ərəh kaka. Təŋ səza məskəleŋ gap aza məsdəlva, naway pak tay uwawəna.

Ezekiyel 33:31

Wazzoŋ azok hiɗimhiɗimi, wassoŋ aboko, ndəɗaŋ ɗiy nawa, tahəŋ waprəmən əpel noko ya azbanən na ɓa, vi met aka əzban ənnek neti gəm ərəh an mekret asan akani.

Mika 2:2

An asimeŋgik gulyo, ndəɗaŋ əmõhuni; ya an gəlay yi, ndəɗaŋ əmõhuni; ndəɗaŋ əzəmgənən sãhã na ɗəf də gəla nani, əmõh arya na ɗəf vani.

Habakuk 2:9

Əray aka ɗəf məndəreh əndəreh mbərayən vi gəla nani, vi kawzaɓ gəla nan a disiŋ vi kawkõh səmmba va ɗəf mbərayən.

Markus 7:22

polkoyo, əsim deleɗ diyɗa, ndarsak, tepelkeɗi, ɗarɗarə, hire, əpel mbərayən aka ɗəfa, əkaɓa, dərwa.

Luka 12:16

Yaŋ apel sit wənməkkpaŋga dawnəh na: Ɗəf tay məsarya, məs guli nan agəɗ sən zəga diyɗa.

Luka 16:14

Adan Farisaɗe məŋglaŋ deleɗis aprəmən wənəs pakə, amasaŋgək akani.

Luka 21:34

Məsla zukum vi mokrokum adawgəgrəŋ aka əzlər mbazla ɓa, aka əbay na mbazla, gəm aka əɗɗum aka ənziya egge ka pay nan kazzan mədigirzike akokum,

Luka 8:14

Gedirgeɗ an zeŋve abət addivit tamə, ndəɗaŋgə en dəprəməni, ya əɗɗumɗe, arya gəm nenek negge azəmgənən sahã na əpel naka, asɓa ɓa.

1Korintus 6:10

məhãlɗe, məŋglaŋ deleɗ diyɗa, məs mbazla adawbaya, məraŋ ɗəfa, məvoŋgoŋ tive, atoŋgoŋ na məlĩ na Maŋgəlva ɓa.

Kolosi 3:5

Məbay zəgeɗ negge naddəv gəɓa zukum, polkoyo, mbərayən, mãy na zəga diyɗa diyɗa, əŋgla mbərayən gəm mamayã net deleɗi (mamayã net deleɗ van məstaka yi də əzban zəgakamaŋgəlva.)

2Timote 3:2

Vi ɗiy wassoŋ məŋgluwən ziti, məŋglaŋ deleɗi, mulanən ziti, məgagdakanən ziti. Warahnən Maŋgəlva, aɓe'eŋ siti na migilit ɓa, awfeteŋ ɓa. Agagdakanən na zəga an salala ɓa.

Ibriɗe 13:5

Əŋgla net deleɗ adawgəm maɗɗulokum addəv ədaw nokum ɓa, mənnek də an navokum, vi Daya zək nan amna: Awwo, nəppok na ɓa, nəzgok na ɓa!

Yosuwa 7:21

Səddəv zəga an mərah səma wəgay na, nəwələk lukut metiŋgin na sləma, naka dələv na Sine'ar, gəm deleɗ na təbez babar səkat sula, də meleŋge hirzliŋ naɗɗa wəɗak na kilo. Nəsimik sawɓa, yaŋ nəgime. Tahəŋ məndikit addak gizlirke nawa, deleɗ kəlammbet afuŋ.»

2Piyer 2:14

Heret sekke aka əkuh a gizbe, awyaŋ daɗɗa mambray ɓa. Tahəŋ əmbəɗet ɗiy en dəsɓaŋ ɓa. Aɗiyənək mekret aka əsim nawrəh deleɗi. Kirin məreygitiŋ.

2Piyer 2:3

Addəv əsim deleɗ neti, wawaŋ sukumən tepelke vi kappətkumənən. Far mətawwən aketi, əza net aliy na ɓa.