Luka 11:42 - Bible en Guidar

⁴² Ya əray akokum munokum mə Farisaɗe, vi munokum tat əɗi makəlaw net teɓ na minti dit teɓ na ru də an net teɓ na guli nokum pakə, munokum mbagən təstəsə gəm əŋgla na Maŋgəlva ndəni an dəslə narma, ya kəlzeletin meɓɓet ɓa.

Nouveau Testament en Guidar

⁴² Amma wakpaŋ sukum bonoy munokum Farisiyenɗe, vi munokum tatə gəmnən məklaw net teɓ na minti dit teɓ naguli nawzəm nokum pakə, munokum tatə panən təstəssə gəm wəŋgla na Maŋgəlva ndəni an dəslə narma, amma kəl zeletin meɓɓet ɓa.

Bible en Guidar

⁴² Ya əray akokum munokum mə Farisaɗe, vi munokum tat əɗi makəlaw net teɓ na minti dit teɓ na ru də an net teɓ na guli nokum pakə, munokum mbagən təstəsə gəm əŋgla na Maŋgəlva ndəni an dəslə narma, ya kəlzeletin meɓɓet ɓa.

Luka 11:42 ပူးပေါင်းရင်းမြစ်များ

Nehemi 10:37

Gəm tiziɗe na uwa namə gəm na arya namə, va məverin addəv mahenziŋ: uwa na bəlata gəm na zagara kawkiyən addəv gəla na Maŋgəlva nam sit məsdəlveŋge məɗɗaŋ wəza addəv gəla na Maŋgəlva namə.

Wənməkkpaŋga 21:3

Əɗɗa an də tiven gəm təstəs Yawe aŋgəl day ki əzaɓ-Maŋgəlva.

Məsmaɗula 7:18

Lawi kərmagən əpeləska, ya kədappan əpel aŋ ɓa'a vi məzəgeslne sən Maŋgəlva warah gabban sulagən pakə.

Mika 6:8

Mənah suki an dəslə is ɗəfa, an Yawe adawkayan azok na: zəga mbərni balsən wəɗɗa təstəsə əŋgla moggoni əsla zuk ədaw də Maŋgəlva noko.

Malakiya 1:6

Wəyin wagagdakan afəni, məgəɗ wəza tamə daya nani. Ya, an afən wəyin nan na, ngay gagdak naw di? Ya an daya nan na, ngay əɓe' kədawɓe'eŋ suwən di? Yawe Məzuɓappak anah sukum mənokum məsdəlveŋge məzuzelenən iya nawa. Mənokum tat ənahaŋ na: «Mbarmbar məzelen iya nok di?»

Malakiya 2:17

Mənokum tat əyan Yawe də əpel nokum. Mənokum wənahaŋ na: «Də mi mədawyan di?» An mənokum tat ənah na: «Ɗəf dəgəɗ mbərayən pak na moggoni a mahara Yawe vi tay əzga sləma aket ɗiyiski» awaniɓa «Ŋgay Maŋgəlva mətaw wən di?»

Malakiya 3:8

Ɗəf waɓap əmakan Maŋgəlva sa? Ya mənokum tat əmbəɗawəni! Mənokum ənahaŋ na: «Dəɗɗa miy məbəɗɗok di?» Də taka səddəv kəlaw gəm an mətawən nawfaɗ pakə.

Matiye 23:13

Əray akokum, munokum mərbaŋ-mahenziŋ dit Farisaɗe, məs muluvuluvuɗe, munokum tat əmpan maddamba na məlĩ na disiŋ səbet ɗiyi. Munokum zək nokum vani, kawtoŋgoŋ ɓa, ya kəppetin ɗiy en dəŋglaŋ ətoŋ dətoŋgoŋgən ɓa. [

Matiye 23:23

Əray akokum, munokum mərbaŋ-mahenziŋ dit Farisaɗe, məs muluvuluvuɗe. Munokum tat əpsənən kəlaw na zəga nokum sən Maŋgəlva səzet teɓ net zeŋgeli, teɓ na anisa, teɓ na algaru, ya munokum tat əzgətaŋ kiy wən an metiŋgin naddəv mahenziŋ əɗɗa an dəslə, də ulasahã, də ətafa. Eskiŋ zəgeɗ nazba pay pakə. Ya kədawgəsetin meɓɓet ɓa.

Matiye 23:27

Əray akokum, munokum mərbaŋ-mahenziŋ dit Farisaɗe, məs muluvuluvuɗe. Munokum tat va magamasɗe məɗɗa sit ɗama ulaŋ dəppaka moggeti, ya gədivit aknahək dit slesleŋɗe net ɗiy mimtiti gəm əŋgəna zev awandi pakə.

Luka 18:12

In tat əɗɗa meme addəv pay buhul pak təl sula, in tat əgəm makəlaw na ərəh naw pakə.

Yohanna 5:42

Nəsənkumko, əŋgla na Maŋgəlva tay a mokrokum ɓa.

1Yohanna 4:20

An ɗəf tay ənəh na: «Nəŋgluwək Maŋgəlva» yaŋ adawzel məlməni, məwə wəni. Vi ɗəf məs aŋglu məlmən məs adawla ɓa, aɓap na əŋglu Maŋgəlva məs awlan ɓa ɓa.

1Samiyel 15:22

Samiyel amna: «Əvəl nawzla kurmbuɗuk də an nawda Yawe aŋgəl day ki əprəm ma Yawe sa? Vaski ɓa! Əprəm ma aŋgəl day ki əzaɓ-Maŋgəlva, əɓe'gən kiya day ki səlhã net ndergeyẽɗi.