Luka 11:34 - Bible en Guidar

³⁴ Lalam na gəɓa zuk horoki. An horok tay moggoni, gəɓa zuk dəwən nan wasan kerkeri. Ya an horok tay moggon ɓa, zuk pak wasan guzliyo.

Nouveau Testament en Guidar

³⁴ Horok tay va pitirla na zuko. An horok tay mogoni, zuk pak wasan va naw kekeɓe'e. Amma an horok tay mogon ɓa, zuk pak wasan ara guzliyo.

Bible en Guidar

³⁴ Lalam na gəɓa zuk horoki. An horok tay moggoni, gəɓa zuk dəwən nan wasan kerkeri. Ya an horok tay moggon ɓa, zuk pak wasan guzliyo.

Luka 11:34 ပူးပေါင်းရင်းမြစ်များ

Va'Atəŋ 19:11

yaŋ atipin heret ɗiy na maddamba neki, təŋ səza muzliya, gap aza an metiŋgini; dəɓap ərəhnən maddamba nawtoŋ ɓa.

Gəlyaɗe 119:18

Akol su harawa, nəsəŋgləketgin sekeneɗ na mahenziŋ noko.

Gəlyaɗe 81:12

Ya ɗiy naw dəprəmnən maw ɓa, Israyel man tay akaw ɓa,

Wənməkkpaŋga 21:4

Ula nawkaɓa, makra na kiɓəɓəla, ndəni lalam net məsdarawɗe, as pak mambrayi.

Wənməkkpaŋga 28:22

Mənzan ammba arya na, ɗəf van haran mbərayni yi, awsənən na zəga wakkpap səvani ɓa!

Isaya 29:10

Vi Yawe aggbo'uk əmpəs nawleŋ kpum akokum; atipik horokum, mənokum məskəleŋɗe, asərətənək kiykum mənokum mulaŋ heligi.

Isaya 42:19

Naway daŋgar an gawla nawi ɓa di? Naway goryom va maslən məs nəslən di? Naway daŋgar va ɗəf məman di? Naway daŋgar va gawla na Yawe di?

Isaya 44:18

Zəga tay asənaŋ ɓa, gabba zəga tay adaprəmaŋ ɓa. Vi mətipni hereti adawlaŋ ɓa, mətipni mekreti adawsənaŋ zəga ɓa.

Isaya 5:20

Əray yi azet ɗiy en məzunahaŋ na an moggon na daryaw yi, ya an daryaw na moggoni! Məzəɗinən guzli ka əkeɗeɗe'e, əkeɗeɗe ka guzliyo, məzəkkpaŋganən zəga tatrah ka zəga gəgəŋɗəta, zəga gəgəŋɗət ka zəga tatrahã.

Isaya 6:10

Akkpaŋgan mekret ɗiyis difsiriki, asuk sləmeti, atip hereti; vi adawlaŋ də heret ɓa, sləmet adaprəm ɓa gəm mekret adawsən gabba zəga ɓa! Vas ɓa na waɗiyaŋ marava kamblaŋgə.

Yeremiya 5:21

Kamə məprəm wənəŋ ɗa, ɗiy məs əɗɗum net gbeslsle məza maɗɗula ɓa, məs hereti, ya awlaŋ ɓa, məs sləmeti, ya aprəmaŋ ɓa.

Markus 4:12

Vi vaski, Wawlaŋ də hereti, ya asənən na ɓa. Waprəmaŋ də sləmeti, ya aprəmnən na ɓa. Vi adawmilyoŋ əɗi marava ka mambray net dəvvugən ɓa.

Markus 7:22

polkoyo, əsim deleɗ diyɗa, ndarsak, tepelkeɗi, ɗarɗarə, hire, əpel mbərayən aka ɗəfa, əkaɓa, dərwa.

Markus 8:18

Munokum tat də horokum ya kawlaŋ ɓa sa? Munokum tat də sləmokum ya kaprəmaŋ ɓa sa? Kaɗɗumonən wən,

Luka 11:35

Awla kana na an əkekeɓe' nazok guzliyi.

Wəza net Masləŋɗe 13:11

Kakaŋ na awle Daya aɗiyək van akoko, wakəsok daŋgar kula na pay ɓa ənziya siɗikke. Yas ləŋ kətəm də guzli azzoŋ akani gəm adakkpaŋ əkay ɗiy nagdəhən.

Wəza net Masləŋɗe 2:46

Pay pak awbeweŋ səddəv gəla na Maŋgəlva ɓa va aslereŋgi, ndəɗaŋ ərɗaŋ way sap anetda, əzəmaŋ də zit neki, mekret taka.

Wəza net Masləŋɗe 26:18

Vi kawkol sit hereti, kakkpeŋget səra guzli ara əkeɗeɗe'e, gəm səddəv gagdak na Satan aza Maŋgəlva, vi dərahaŋgən əvvu net mambrayɗe, gəm dərahaŋgən haran net a walaŋgit ɗiy salala də ətafwa.

2Korintus 1:12

Vi zəga nawkaɓ nam na, ndəni an əɗɗum na makram adarba, məsamək egge, sasak a walaŋkum də moggoni gəm də təstəs na Maŋgəlva məza əziw aka maɗɗula na ɗəf titir abbər aka mbəlembəle na Maŋgəlva ɓa.

2Korintus 11:3

Va dohõ ambəɗat Hawwa də kuket nani, geslne tay ədu na, maɗɗulokum adawray kappan moggoni gəm salala na Kristu ɓa.

2Korintus 4:4

viyit en məs tahəŋ də ətaf ɓa, məs maŋgəlva negge atip maɗɗuleti, awlanən alabara nenek na gagdak Kristu dəsan Maŋgəlva səɗek əwiɗ ɓa.

Efesus 1:17

Kəta Maŋgəlva na Daya nam Yesu Kristu, Afən gagdak dəpsukumgən əɗɗum na maɗɗula gəm na ərba kəsənəngən gərakə.

Efesus 6:5

Balamɗe məprəm met deyeɗe na gəɓa zukum, də geslne də əkkere, də mokrokum taka, va sən Kristu.

Kolosi 3:22

Munokum belemɗe məprəm met deyeɗe nokum naka dəlvəŋ addəv zəga pakə. Kədaɗɗaŋ ama heret kaka vi zit dənnekgən ɓa, ya mokrokum dəsan zayə, məgeslne' sən Daya.