Luka 10:22 - Bible en Guidar

²² Zəga pak Ebba apsuka. Ɗəf tay dəsən Wətən an Afəni ɓa ɓa, ɗəf tay dəsən Afən an Wətəni ɓa ɓa, gəm ɗəf an Wətən aŋgəl narban səni.

Nouveau Testament en Guidar

²² Affu apan suwək zigeɗ pakə. Ɗəf tay dəsən Wətən* ɓa, say Affəni, ɗəf tay dəsən Affən ɓa, say Wətəni gəm an məs aŋgəl nərban pakə.

Bible en Guidar

²² Zəga pak Ebba apsuka. Ɗəf tay dəsən Wətən an Afəni ɓa ɓa, ɗəf tay dəsən Afən an Wətəni ɓa ɓa, gəm ɗəf an Wətən aŋgəl narban səni.

Luka 10:22 ပူးပေါင်းရင်းမြစ်များ

Matiye 11:25

Pay nan dəpaska, Yesu agəmək əpele, yaŋ amna: Intat əgagdokoko Əbba, Daya na disiŋ də dəlvafuŋ, vi kəɗemetik zəgeɗis səma heret məs maɗɗulet dit məs əsəna, kərbet sit kirin muzliyeɗi.

Matiye 11:27

Zəga pak Əbba apsuka. Ɗəf tay dəsən Wətən an Afəni ɓa ɓa, ɗəf tay dəsən Afən an Wətəni ɓa ɓa, gəm ɗəf an Wətən aŋgəl narban səni.

Matiye 28:18

Yesu adderik azeti, apel sitik dawnəh na: Gagdak pak məpsuwi sə disiŋ gəm səka dəlvafuŋ pakə.

Yohanna 1:18

Ɗəf tay dula ɗah Maŋgəlva ɓa. Ya Wətən karmalay, dəsan Maŋgəlva addəv Afəni, ndəni dərbani.

Yohanna 10:15

Va Afən asənwa, vaski nəsən Afəni. Nəppanək zeŋgilew vi timiŋgiɗ nawa.

Yohanna 13:3

Asənək na Afən apsinik zəgeɗ pak ammba vani, səza Maŋgəlva ade, wamndan aza Maŋgəlva.

Yohanna 17:10

En naw pak nokəŋ, nok pak nawəŋ, məgagdakawi dənɗaŋ.

Yohanna 17:2

Va kəpsən gbogboŋ aket ɗiy pakə, vi dəpsitigən zeŋgile an faɗ sit ɗiy məs kəpsin pakə.

Yohanna 17:26

Nərban sitik iya noko, wanərban siti'e, vi əŋgla məs kəŋgəluwəŋ dəsangən addəvti, va nəsaw addəvti.

Yohanna 17:5

Kakaŋ na, is Afəni, agagdakaw abok də gagdak məs nəsaw dəndən abok tak dələv dəsangəni.

Yohanna 3:35

Afən aŋgluwək Wətəni, apsənək zəga pak ammba vani.

1Korintus 15:24

Asna wəgrak na dələv wagəɗə an amndagan sənək əzəm məlĩ sən Maŋgəlva Afəni, an azanək dələv net milyeŋge, gagdaka, gəm əɓap pakə.

2Korintus 4:6

Maŋgəlva məs dənah na: Əkeɗeɗe wawiɗ ara guzliyo, ndəni dəwiɗ a makramə. Vi kawiɗgən əsən na gagdak na Maŋgəlva aka məɗahara Yesu Kristu.

Efesus 1:21

A disiŋ kiyit ɗiy gugriɗe, məlyeŋge, məgil əɓapa, deyeɗe gəm aka iya an nawya pakə, an naka dəlvəŋki kaka ɓa də an naka dələv an dədazzanə'e yi.

Ibriɗe 2:8

Kəɗiyək zəga pak ammba təlni. Də əɗi zəga pak ammba təlni, zəga tay məs dəsan ammba tələn ɓa ɓa. Ya məɓəl ula ɗəf dawzəm məlĩ aket zəgeɗ van pak tagay ɓa.

1Yohanna 5:20

Məsənka Wətən Maŋgəlva adeke, apsəmək maɗɗula vi məsəngən Maŋgəlva an gesiŋ. Ya mənam tat addəv Maŋgəlva an gesiŋ, addəv Yesu Kristu Wətəni, ndəni Maŋgəlva an gesiŋ gəm zeŋgile an faɗə.

2Yohanna 1:9

Ɗəf məs dəmbat abe, dəsan addəv əyak na Kristu ɓa, tay də Maŋgəlva ɓa. Ya ɗəf məs dəsan addəv əyakəŋka, tay də Afəni gəm də Wətəni.