Luka 1:17 - Bible en Guidar

¹⁷ Wadaw aba Daya də əmpəsa gəm əɓap na Eliya, vi kawmilgin mekret efiŋgiɗit kirin ezet kirtiti, məɓoŋgit tam dəɗɗumoŋgən va ɗiy təstəsə, vi kawzeɓet ɗiy nawga Daya.

Nouveau Testament en Guidar

¹⁷ Watoŋ aba Ɗəfdaya də sembe na məs kleŋ Eliyas, vi kawsleret kirin dit migilti, wakpeŋget ɗii meɓɓet dəsbanən gən Maŋgəlva, wən an məɗiyən pak wazaɓani vi wəzzo na Ɗəfdaya.

Bible en Guidar

¹⁷ Wadaw aba Daya də əmpəsa gəm əɓap na Eliya, vi kawmilgin mekret efiŋgiɗit kirin ezet kirtiti, məɓoŋgit tam dəɗɗumoŋgən va ɗiy təstəsə, vi kawzeɓet ɗiy nawga Daya.

Luka 1:17 ပူးပေါင်းရင်းမြစ်များ

1Milyeŋge 17:1

Eliya, mə Tisbe naret ɗiy na Galad aɓsən Akab na: «Va Yawe Maŋgəlva na Israyel məs nədawziw abanəŋ asan madarani, in tat ənaha: Wəzvaɗe dədazzoŋ iŋki, minɗe aziyaŋ na ɓa, buwən azi na ɓa'a, an in nənah ɓa ɓa.»

1Milyeŋge 18:18

Yaŋ amna: «Intə nəki wəray aka Israyel dərəŋ ɓa, istə də gəla na afuko, vi kəppanən wəsəɓ na Yawe, kəzbet Ba'alɗe.

1Milyeŋge 21:20

Akab aɓsən Eliya na: «Mbara kərəhwək sa məzuzel nawa!» Ha'aw: «Nərəhkuko, adan kəvəl kiyuk də wəɗɗa zəga mbərayən ama hara Yawe,

2Milyeŋge 1:16

yaŋ apel sən na: «An Yawe anah yaŋka: Kəslin maslənɗe aza Ba'al-Zebub maŋgəlva na Ekron əska helik na, Maŋgəlva tay a Israyel nadda əssõh man ɓa yi sa? An vaski na, kəsil na səka zəga nawvoŋ məs kəsok akanəs ɓa, wakəmtə zamə!»

1Alabaraɗe Də Mabərkiziti 29:18

Yawe, Maŋgəlva na Abraham, na Isak, na Israyel, efiŋgiɗmə, azaɓan zev əɗɗuməs a mekret ɗiy nok faɗə, asɓan mekret ka noko.

2Alabaraɗe Də Mabərkiziti 29:36

Hizkiya dit ɗiy baymet, annekeŋgək aka wən an Maŋgəlva azaɓan ammbet ɗiyi, vi zəga van girzik agəɗə.

Gəlyaɗe 10:17

Yawe, is tat əprəm wəray net məzurayɗe, is tat əsɓan sit mekreti, is tat əpak sləmok geŋge,

Gəlyaɗe 111:10

Ətəŋ na maɗɗula na, əgeslne' sən Yawe yi: məzəɗɗaŋ vas na pak aslanənək ziti. Kawgagdakani Daya hã faɗə.

Gəlyaɗe 78:8

adassoŋ va efiŋgiɗit ɓa, sayit ɗiy məɓoŋti gəm mətemti, sayit məs mekret awziw ɓa, məsmaɗɗulet tay aka Maŋgəlva ɓa.

Isaya 29:24

Ɗiy məsmaɗɗulet azlzlaɓ warahaŋ əsəna; ɗiy məs kiyit ɓəl watafnən iyaka.

Amos 4:12

«Vini kana, tay nədawgəɗ suko Israyel. Vi an nədawgəɗ sukuŋka, asla zuk nalma də Maŋgəlva noko Israyel.»

Matiye 11:14

An kətafənka, ndəni Eliya an məs nazzani.

Matiye 14:4

Vi Yohanna anah sən na: Tive tay abok ka kəɗiyətgən ɓa.

Matiye 3:3

Ndəni an məskəleŋ Isaya apel wən nani, amna: Ɗəf tay wənzla vamvəl awra: Məzaɓan tive na Daya, məɗɗa sən tiveɗ dəsoŋgən sarara.

Matiye 3:4

Yohanna van tay də lukut məɗɗan də denɗeke na zlogomo gəm aynanək dədakən də kətu, zəga nawzəm nan na heyɗeŋɗe gəm amama nawra.

Luka 1:16

Wamilgit mə israyelɗe diyɗa aza Daya, Maŋgəlva neti.

Luka 1:76

Noko, wətuwa, kawyuki na məskəleŋ na Məsəɗəɗə; vi wakədaw aba Daya vi kawzeɓet tiveɗ nani,

Yohanna 1:13

Net duwe məwet dit mbel ɓa, mãy də əŋgla na gəɓa zə ɗəf ɓa, mãy də əŋgla na ɗəf ɓa, də əŋgla na Maŋgəlva yi.

Yohanna 1:34

Ya naw nulaka nərbanək na, ndəni Wətən Maŋgəlva.

Yohanna 3:28

Munokum sən kikum tə miziwe naw nənah na: Naw Kristu nan ɓa, intə məs məslənu abani.

Wəza net Masləŋɗe 10:33

Yaŋ kan nəslən ləŋ azoko, ya noko, moggon kəgəɗ kəde. Kakaŋ kan na, pak nam məsam aŋ aba Maŋgəlva na vi kaprəm an Daya aɗi suk wən nan nawnah səmi.

Roma 9:23

gəm karban diyɗa na gagdak nan sit mesteɓet na ulasahã məs azaɓ dafsən sən gagdaka,

Kolosi 1:12

məgəɗ sən soko sən Afəni, məs dəkkpaŋgokum də əɓap nawrəh haran nokum səza an məzaɓan sit ɗiy salala addəv əkeɗeɗe'e.

2Timote 2:21

An ɗəf abburuk zən səzet zəgeɗiski, wasan ka zəga na sləma, wasan mubburun gəm nawtər wəray sən Afəni, ta' ammba wəza moggon pakə.

1Piyer 2:9

Ya nokum, mahəlfa an muwelin kənanaŋgə, məsdəlveŋge na məlyã, kirtindələv en salala, ɗiy məs Maŋgəlva abit kənanaŋgə, vi kərbanəngən wəza gagdak na məs dəyukum səra guzli ara əkeɗeɗe nani.

1Yohanna 2:28

Ya kakaŋ kan na, kirin nawa, məssoŋ addəvən, vi va pay arban zən pak na məsamgən fendeŋgi, wil adawzargəmən səzan ɓa' pay nazza nan ɓa.

Hənhən 20:4

Yaŋ nula mezeŋgeɗ na məlyã, ɗiy məs dəssoŋ aket arəhaŋgək gbogboŋ nawtawwəna. Nulak zeŋgilet ɗiy məs məbeyit vi adawpelin wən na Yesu gəm əpel na Maŋgəlva gəm ɗiy məs dəgagdakanən zəga mamayã ɓa mãy zeŋgilen ɓa, dətafən voɗoko nan a mirbizit ɓa, awaniɓa aza vet ɓa. Assoŋguk mederet də Kristu, tahəŋ wəzəmaŋ məlĩ dəndən gap wəzva gabalə.

1Samiyel 7:5

Samiyel amna: «Məkkelet mə Israyelɗe pak a Mispa; nəkkamangən Yawe ambokum.»