Kolosi 3:8 - Bible en Guidar

⁸ Ya kakaŋ na, nokum van məppet zəgeɗiŋ pakə, ədagədəva, herɗe, əɗɗa daraw, ərma mama, wən net wil adawgilyen səmokum ɓa.

Nouveau Testament en Guidar

⁸ Amma kakaŋ na say məppan wənnan pakə, wənna wəda gədəva wəsim zəga mbrayen. Wərra ɗəffa walla wəpel mbrayen adawgilyan sə mokum ɓa.

Bible en Guidar

⁸ Ya kakaŋ na, nokum van məppet zəgeɗiŋ pakə, ədagədəva, herɗe, əɗɗa daraw, ərma mama, wən net wil adawgilyen səmokum ɓa.

Kolosi 3:8 ပူးပေါင်းရင်းမြစ်များ

Gəlyaɗe 37:8

Appan ədagədəva, azget herɗe, mokrok asil ɗar ɓa, əɗɗa mbərayni ɗarə.

Wənməkkpaŋga 17:14

Ətəŋ əkklop na, əkol met iŋkile yi; tak əgay adaɗɗa na, agdəh kiyko.

Wənməkkpaŋga 19:19

Məs herɗe nawda gədəv adaɗɗaŋ pak, warah ammba vani; an kəppanək əmpa, watəpsəni.

Wənməkkpaŋga 29:22

Murkufo aɗiyaŋgan əgaya, ɗəf məs gədəvən adə na, ndən uwan mambray nani.

Matiye 5:22

Ya naw in tat ənah sukum na: Ɗəf pak məs dədə gədəv aka məlmən na, kawtawi wən akani. Ɗəf pak dənah sən məlmən na: Zəga ɗəɗar kənani na, kawkani abet ɗiy gugriɗ na dəlva. Ɗəf pak dənah sən məlmən na: Dərwa kənani na, agapək nawgulun addəv offo məs amta ɓa.

Markus 7:22

polkoyo, əsim deleɗ diyɗa, ndarsak, tepelkeɗi, ɗarɗarə, hire, əpel mbərayən aka ɗəfa, əkaɓa, dərwa.

Roma 13:13

Mədawsəm va məs dəslə, va kapaya, məza əzəm də əsa mbazla day ɓa, əkuh a gizbe mãy ɗarɗar ɓa, əgaya gəm kotorok ɓa.

1Korintus 3:3

Vi addəv əŋgla na gəɓa zukum kənanaŋgə'e. Adan kotorok də əgay tay a waloŋkum na, addəv əŋgla na gəɓa zukum kənanaŋ gəm va əŋgla na gəɓa zə ɗəf kədawdawaŋ ɓa sa?

2Korintus 12:20

Vi geslne tay əduwa, adaɗɗa əgap naw anokumda na, nərəhkum va nəŋgəl ɓa, nokum tamə, kərəhwən va kəŋglaŋ ɓa ɓa. Adaɗɗa na: Əgaya, kotoroku, ədagədəva, əlpa, əpel mbərayən, tepelke, əgagdakan zə ɗəfa də ɗarɗar tayi ɓa.

Galatiyen 5:15

An mənokum tat əharanən zukum, mənokum tat əzəm zukum. Məzi zukum vi kədawzanən zukum ɓa.

Galatiyen 5:20

əzban zəgakamaŋgəlva, təfiya, əzele, əgaya, kotoroku, makra, masa, mawanawana, uɗaka,

Galatiyen 5:26

Mədawsam məzukaɓaŋ ɓa, mədawkay mama aza zəm ɓa, mədawsim zəga aza zəm ɓa.

Efesus 4:22

muɗak də ɗəf məzvani, ana wəza nokum məzvanəŋka, məzuray də əsim zəga məmakan ɗəfa.

Efesus 4:25

Vi vaski məppan uwa wəna! Ɗəf pak dəpel gesiŋ aza meggeni, vi gəɓa zəm taka mənani.

Efesus 4:26

An gədəvkum adəka, kədaɗɗaŋ mambray ɓa, pay adawtəpa aka ədagədəv nokum ɓa.

Efesus 4:29

Əpel mbərayən adawgilyen səmokum ɓa, an tay na dəsan əpel moggoni, məs nawɓaygən ɗəfa, vi dəpsitgin mbəlembəle sit ɗiy en dədaprəməni.

Efesus 5:4

Wən net willi, əpel nawteme, əpel na dərwa awaniɓa əpel məs dəslə ɓa adawsan ɓa, məgəɗ soko dərəŋgə,

Kolosi 3:5

Məbay zəgeɗ negge naddəv gəɓa zukum, polkoyo, mbərayən, mãy na zəga diyɗa diyɗa, əŋgla mbərayən gəm mamayã net deleɗi (mamayã net deleɗ van məstaka yi də əzban zəgakamaŋgəlva.)

Kolosi 3:9

Kədawaŋ wən sən zukum ɓa, vi kəggbukunək ɗəf məzvan də zəga naɗɗa nani.

1Timote 1:13

Lahəŋ na, nəpelik mbərayən akani, nəsərək met ɗiyi, məkay mama, ya awlak sasãhwã, vi nəsən gabba məs nədaɗɗa ɓa sən in tat də ətaf ɓa.

1Timote 1:20

Himeneyus də Alekzaŋdər tahəŋ areti, nəppetik ava Satan, vi dəzga'aŋgəni, dəppanəngən əpel mbərayən aka Maŋgəlva.

Ibriɗe 12:1

Vas kan na, nam pak miziweɗe tahəŋ kiyəm tərwəsl va ernene, məzgan səm zəga nawsla gagdaka gəm mambray pak məs dəsərək əsulək kiymə, məɓəssəm tatwãh məs adaɗɗaŋ səmən də əsok zəmə,

Yakob 2:7

Namna ndəɗaŋgəŋ məzuraygənən iya moggon məs Maŋgəlva apsukuməŋ ɓa sa?

1Piyer 2:1

Vi vaski məppan mbərayən pakə, əmbəɗan ɗəfa, muluvuluvu, kotoroku gəm əpel mbərayən aka ɗəf pakə.

2Piyer 2:18

Tahəŋ əpeleŋ wən nawɗi kiy zit ɗarə. Tahəŋ əmbəɗetin ɗiy də əsim zəga na gəɓa ziti gəm polkoyo, vi karme ɗiy məs dəgilyoŋ səzet ɗiy məɗɗaŋ mambraya.

2Piyer 2:7

Akõhgənək Lot, ɗəf təstəsə, məs ədaw na polkoyo net məɗɗaŋ mbərayən adassan sən makran pay pakə.

Zuda 1:13

Tahəŋ va vovolumɗe metiŋgit a pehe də maslsla na wil net aketi. Tahəŋ va ngərzleɗ məzəbbalaŋgə məs məzeɓet faɗ addəv titir na guzliyo.

Zuda 1:8

Vaski yi'e, ɗiy vetis adazbanən əssine net ərnokonən gəɓa ziti, əzelenin əzəm məlĩ na Maŋgəlva, əranən gagdak nani.

Hənhən 16:9

Ɗiy azlaŋgək də kəɓakkəɓak nani; aranənək iya na Maŋgəlva ndən məs də gagdak aket tatwãhɗeski, dəɗiyaŋ marava kawgagdakan dərəŋ ɓa.