Kolosi 3:5 - Bible en Guidar

⁵ Məbay zəgeɗ negge naddəv gəɓa zukum, polkoyo, mbərayən, mãy na zəga diyɗa diyɗa, əŋgla mbərayən gəm mamayã net deleɗi (mamayã net deleɗ van məstaka yi də əzban zəgakamaŋgəlva.)

Nouveau Testament en Guidar

⁵ Say məbay dambər gən wəsim zəga məs dəmbər azokum, wəɗɗa ɗarɗarə, wəɗɗa mbrayen, də wəɗɗa mana'a, də wəkay zəga mbrayen gəm wəsim zəga (zəga takayi də wəŋgla na zəga də na zuli sən matuya.)

Bible en Guidar

⁵ Məbay zəgeɗ negge naddəv gəɓa zukum, polkoyo, mbərayən, mãy na zəga diyɗa diyɗa, əŋgla mbərayən gəm mamayã net deleɗi (mamayã net deleɗ van məstaka yi də əzban zəgakamaŋgəlva.)

Kolosi 3:5 ပူးပေါင်းရင်းမြစ်များ

Roma 8:13

Vi an mənokum tat ənziya va na gəɓa zə ɗəfa, wakəmtaŋgə; ya an va na Əmpəsi, əŋgla na gəɓa zukum kədawbayaŋgə, wakəssoŋ madorokum.

Galatiyen 5:24

Ɗiy en də Kristu akkpa'ənək gəɓa zit də əŋgla nani gəm də əsim zəga nani.

Roma 6:13

Kədappetin zəgeɗ na gəɓa zukum sən wəza na mambray va zəgeɗ nalpa vi mbərayəŋ ɓa; ya dərəŋ na məɗi zək nokum sən wəza na Maŋgəlva va ɗiy mederet dəmilyoŋ səka əmta, məɗi zəgeɗ na gəɓa zukum va zəgeɗ nalpa vi təstəs na Maŋgəlva.

1Piyer 2:11

Bayneŋgiɗu na makrawa, molhẽɗ kənanaŋ, melekeɗ aka dəlvəŋka. Vini nədakkamokum kədapaŋ tive sən əsim zəga na gəɓa zə ɗəf ɓa, vi tay kay tive pay pak kawzan zeŋgilokum.

1Korintus 6:18

Mənzoŋ səza əkuh a gizbe. Mambray məs ɗəf adaɗɗa pakə, appaka na zəni, ya məs dəppan zən sən əkuh a gizbe aka zən tusso adaɗɗa mambray.

Efesus 4:19

Wil awdennin ɓa, appanənək zit sən əɗɗa zəga ɗarɗarə də mambray zev awandi pak də əzban əsim na gəɓa ziti.

2Korintus 12:21

An nədek anokumda əmpa na, nəŋgəl Maŋgəlva naw dəgəsawgən abokum gəm nəhəmgən viyit ɗiy diyɗa məɗɗaŋ mambraya, ya dəɗiyaŋ marava aka mambray də polkoyo gəm ɗarɗar net adaɗɗaŋgəŋ ɓa.

Hənhən 21:8

Ya ɗiy mədekti, məɓoŋti, məɗɗaŋ zəga an na henziŋ, mãy məbayaŋ ɗiyi, məkuhwaŋ a gizbe, məɗɗaŋ sekene, məzbetin zəgeɗkamaŋgəlva, məwaŋ tepelke pakə, net təki net na, ndəni pehe məs offo adawzla adak va muhurən, ndəni kan əmta an ma sula'ən.

Roma 7:23

Ya in tat ula mahenziŋ maɓɓan addivit zəgeɗ na gəɓa zuwa, tay əgay də mahenziŋ na əsən nawa, ndən əkkpaŋgaw balam na mahenziŋ na mambray məs dəsan addivit zəgeɗ na gəɓa zu naka.

Matiye 15:19

Vi sə makra ɗəfi, əɗɗumɗe mbəreyti, əbay gəbaya, əku a gizbe, polkoyo, əhãla, uwawəna gəm əpel mbərayən aket ɗiy adawgilyoŋ.

Hənhən 22:15

Ya məɗɗaŋ ɗarɗarə, dit məɗɗaŋ sekene na tuya, dit məɗɗaŋ mana'a, dit məbayaŋ gəbaya, dit məzugagdeketin zəgeɗkamaŋgəlva, dit məŋglaŋ tepelke dit məwaŋ tepelke, vavyak azeti wassoŋ amapoho na walaŋgəla nani.

Yakob 4:1

Səŋgay wəzlba də wəgay ade awalaŋkum di? Səza wəsim zəga nokum məs dədawgay a makrokum məza awɓəta ɓa ade.

1Korintus 6:13

Zəga nawzəm sən gədəv ɗəfi va gədəv ɗəf asan sən zəga nawzəma; ya Maŋgəlva wazan aŋka də andaka. Zə ɗəf hara na, tay vi əkuh a gizbe ɓa: Nan na Daya iyi, Daya tam na zə ɗəfa.

Roma 6:6

Məsənək na, ɗəf nam məzvan na məkkpa'ni dəndəni, ka gəba zəm na mambray dəkkpaŋgən ɗarə gəm mədawsam belemɗe na mambray ɓa.

Ibriɗe 13:4

Məɗi ki əɗigəla pakgukum, əkuh a gizbe adawsan ɓa, vi məɗɗaŋ ɗarɗar gəm məkuhwaŋ a gizbe, Maŋgəlva watawwən aketi.

Ibriɗe 12:16

Məzi zukum, ɗəf adawsan addəv əkuh a gizbe mãy əzelet zəgeɗ na matuya na Maŋgəlva ɓa, va Esaw məs dəvəl daya nan ammba zəga nawzəm kaka'əŋ ɓa.

1Tesaloniki 4:3

An məs Maŋgəlva aŋgəl na: Ndəni əssa salala, faraɗa də əɗɗa ɗarɗarə.

1Korintus 5:1

Aŋga pak ɗəf tay əprəmən na wən na əkuh a gizbe tay a walaŋkum, əkuh a gizbe məs a walaŋgit ɗar dayday tay vas ɓa. Hã gap ɗəf sərokum əsan dət ga afəni.

Roma 7:5

Vi aka məsam addəv gagdak na gəɓa zəmə, əsim na mambray tay əɗɗa wəza addəv gəɓa zəm də mahenziŋ, tay əɗɗa ka məgəɗgən an nawtər sən əmta.

Roma 1:29

Aknahaŋgək də ɗarɗarə, də əɗɗum mbərayən, də əsim deleɗ day, də daraw, aknahaŋgək də əsim zəga, də əbaygəbaya, də ərma mama, də vurum, də zəga mbərayən, məraygənən iya na ɗəfəŋ,

Roma 1:26

Sən aski Maŋgəlva appet addəv əsim zəga nawraygən ziti. Muguluŋgit net akkpaŋganənək əsap an təstəs də an məs təstəs ɓa.

1Tesaloniki 4:5

məza əppan zən addəv əsim an dərwadərwa va net ɗiy məs dəsənən Maŋgəlva ɓa adaɗɗaŋ ɓa.

1Korintus 6:11

Vas ɗiy meɓɓet sərokum assoŋ lahəŋka. Ya məslslaykumi, məkkpaŋgokumi salala, məbburkumi addəv iya na Daya nam Yesu Kristu gəm də Əmpəs na Maŋgəlva namə.

Kolosi 2:11

Addəvni kəskəlaŋawra, əskəlawra məs məɗɗan də va ɗəf də ərəŋgən gəɓa zə ɗəfi ɓa, əskəlawra məs dəde səza Kristu yi.

1Timote 6:10

Vi əsim deleɗi, ndəni slalwãy mambray pakə. Ɗiy meɓɓet asiminik sawɓa, hã amzləhaŋgək ki ətaf neti, akiyənək əzəmsahã diyɗa aka ziti.

Ibriɗe 13:5

Əŋgla net deleɗ adawgəm maɗɗulokum addəv ədaw nokum ɓa, mənnek də an navokum, vi Daya zək nan amna: Awwo, nəppok na ɓa, nəzgok na ɓa!

Əgilye 37:22

Tutukulukɗe də kivan assoŋgək sap azani, məvotit məstaka na meleŋge saksakə.