Kolosi 3:4 - Bible en Guidar

⁴ Kristu wi zeŋgilokum, an arbanək zəni, nokum pak wakərbanən zukum dəndən addəv gagdaka.

Nouveau Testament en Guidar

⁴ Gesiŋ Krestuwi wənna koh nokum. An arbanək zəni, nokum bo wakərbanən zukum dəndən, ko naway wawla gakdak nokum məs Maŋgəlva apsukum.

Bible en Guidar

⁴ Kristu wi zeŋgilokum, an arbanək zəni, nokum pak wakərbanən zukum dəndən addəv gagdaka.

Kolosi 3:4 ပူးပေါင်းရင်းမြစ်များ

Gəlyaɗe 17:15

Nawa, də təstəs nədawla horoko; əfɗah nawa, wanəbə də ula va kəsoko.

Gəlyaɗe 73:24

wakədawgu də wəzga' noko, wakəgəmu addəv gagdaka.

Matiye 13:43

Asna ɗiy təstəs wawiɗeŋ va pay addəv məlĩ na Afiti. Məs də sləman, dəprəma.

Luka 17:30

Vas adawsan pay na Wətən Ɗəf adarban zəni.

Yohanna 11:25

Yesu aɓsət na: Intə əsilye səka əmta gəm zeŋgile. Ɗəf an dətafwa, an amtək dayday na, wasan madarani.

Yohanna 14:3

An nəmbatək əzaɓan sukum təkiya, wanəmili, wanəkukum azawa, vi a təki naw nəsawa, nokum pak kəssoŋgən adaka.

Yohanna 14:6

Yesu azlan sən na: Naw, intə tive, gegesiŋ gəm zeŋgile. Ɗəf tay nawmbat aza Afən an də iyni ɓa ɓa.

Yohanna 17:24

Aw Afəni, en məs kəvayə, nəŋgəl na a təki naw nəsawa, net pak dəssoŋgən də iyna, vi dulanəngən gagdak naw məs kəvayə, vi kəŋgluwək tak əɗi gabba dəlva.

Yohanna 20:31

Məverit eŋ vet na vi kətafəngən na Yesu iyi Kristu Wətən Maŋgəlva, gəm vi kərəhaŋgən zeŋgile addəv iya nan də ətaf vani.

Wəza net Masləŋɗe 3:15

Məs dətəŋ zeŋgile kəbayaŋgəŋka Maŋgəlva asilgənək səka əmta, miziweɗe nan mənani.

Roma 8:18

Vi in tat ula əzəmsahã na pay an kakaŋkəŋ aslə na də gagdak məs narbə səməŋ ɓa.

Roma 8:19

Vi əzəməɗ pak tay əga əzza na Wətən Maŋgəlva də hoɗhoɗ ammbani.

1Korintus 1:7

Vas na əvəl na Maŋgəlva tay dəmbər sukum munokum məzuganən əzza na Daya nam Yesu Kristu əŋ ɓa.

1Korintus 15:43

An məndəkən nawzeli, wasil də gagdaka. An məndəkən məddakni, wasil də əɓapa.

2Korintus 4:17

Vi əzəm nam kakaŋkəŋ kafkafi aza teɓelteɓel na gagdak an faɗ məs adawzaɓan səmə.

Galatiyen 2:20

Madaraw nani ya intə əmpa ɓa, Kristuwi madaran addəvwa, vi əssa naw madaraw kakaŋkəŋka, in tat əsaw madaraw addəv ətaf Wətən Maŋgəlva məs dəŋgluwa gəm məs dəppan ki zən dəvan viwa.

Filipi 3:21

Ndəni dədakkpaŋgan gəɓa zəm məddaknəŋ va gəɓa zən na gagdaka də wəza na əɓap nan məzəpsən gbogboŋ nawsapan zəga pak ammba təlni.

1Tesaloniki 4:17

As kana mənam məpəl madaram kakaŋ na, kawslami mənam pak sap dənɗaŋ aka slaybuwna, vi kalma də Daya a disiŋ. Vaski kan mədawsam də Daya pay pakə.

1Timote 6:14

Nok arma wənəs a mokroko məza mbərayən azan ɓa, məza nawrəh əpel akan ɓa hã gap pay Daya nam Yesu Kristu adarban zəni.

2Timote 1:1

Pol maslən na Kristu Yesu də əŋgla na Maŋgəlva va aza iynama na zeŋgile məs dəsan addəv Kristu Yesu.

2Timote 4:8

Kakaŋ na mətərkiya na təstəs tay zaɓɓa viwa, məs Daya mətawwən an təstəs adapsu pay nani, suwi kaka ɓa, sit ɗiy en məs dəŋglunən əzza nan pakə'e yi.

Titus 2:13

də əɗɗum əga neneke gəm ərba na gagdak na Maŋgəlva metiŋ gəm na Məzukõhgəm Yesu Kristu,

Ibriɗe 9:28

vaski yi'e Kristu apsən ki zən təl taka vi kaskoɓ mambray net ɗiy diyɗa, ya warban zən masula'ən, vi wən na mambrayi əmpa ɓa, vi kawkõhgit ɗiy məzuganəni yi.

1Piyer 1:13

Vi vaski məzaɓan əɗɗum nokum naɗɗa wəza! Məzi zukum lewlew də əɗi əɗɗum nokum pak aka mbəlembəle məs dədazan sukum pay Yesu Kristu adarban zəni.

1Piyer 5:4

Pay məzutaɗa an daya adazzan na, wakərəhaŋ mətərkiya an də gagdaka, məza awray ɓa.

1Yohanna 2:28

Ya kakaŋ kan na, kirin nawa, məssoŋ addəvən, vi va pay arban zən pak na məsamgən fendeŋgi, wil adawzargəmən səzan ɓa' pay nazza nan ɓa.

1Yohanna 3:2

Bayneŋgiɗu na makrawa, kakaŋ na kirtin Maŋgəlva mənani, an va mədawsam abe na dərbə tagay ɓa. Ya məsənək na, an arbanək zəni, waməsam va ndəni, vi wamula va asani.

1Yohanna 5:12

Ɗəf məs dətaf Wətəni, nan tay də zeŋgile; ɗəf məs dətaf Wətən Maŋgəlva ɓa, nan tay də zeŋgile ɓa.

Zuda 1:24

Sən Maŋgəlva nawɓap əgukum məza ətaŋgbãy ɓa, gəm nawziwgukum aba gagdak nan məza də heslepe ɓa də ənneke,

Hənhən 2:7

Ɗəf məs də sləman, dəprəm an məs Əmpəs adawnah sit gəleɗe na Maŋgəlva. Sən məskəwəla pak wanəpan dəzəmgən uwa na wəlaŋga na zeŋgile dəsan a təɗa aza Maŋgəlva.

Hənhən 22:1

Yaŋ maslay nak arban su məlpa net iŋkile na zeŋgile. Tay wiɗ va darawgal, səka walaŋ mazaŋga na məlyã də ndargayã na Maŋgəlva ade.

Hənhən 22:14

Zəzay azet ɗiy məs dəskoɓən lukutɗe neti ndəɗaŋgəŋ dərəhaŋ tive nawzəm uwa na wəlaŋga na zeŋgile, warəhaŋ wətoŋ kla madambeɗe na walaŋgəla-metiŋ neki.