Kolosi 2:8 - Bible en Guidar

⁸ Məzi zukum ɗəf adawmbəɗokum də zəga nawsən nan diyɗa gəm də zəga narba ɗar mekeleŋ məs dəde səza əɗɗum net ɗiyi, dəziw aka əsən dəde səgge, məza səza Kristu ɓa ɓa.

Nouveau Testament en Guidar

⁸ Məzi zukum ɗəf adaw mbəɗokum də zəga nawsən nan diiɗa ɓa, walla də zəga an narban ɗar mekeleŋ məs dəde səza wəɗum net ɗii kaaka ɓa'a. Zəga nani ndəni wəsən məs adawnəhaŋ na, wəsən aka wənna sembeɗ na disiŋ, aka wənna Krestuwi ɓa.

Bible en Guidar

⁸ Məzi zukum ɗəf adawmbəɗokum də zəga nawsən nan diyɗa gəm də zəga narba ɗar mekeleŋ məs dəde səza əɗɗum net ɗiyi, dəziw aka əsən dəde səgge, məza səza Kristu ɓa ɓa.

Kolosi 2:8 ပူးပေါင်းရင်းမြစ်များ

Gəlya net Gəlyaɗe 2:15

«Mərme səm Balwayɗe, kirtit balwayɗe məzuraygitin megezlembirkeɗi, aka megezlembirkeɗ nam tay əɗinən ɗaŋkelti!»

Yeremiya 29:8

Vi vaŋki an Yawe Məzuɓappak Maŋgəlva na Israyel anahə: Kədappetin məskəleŋɗe nokum dəssoŋ a waloŋkum gəm məskaŋ helig nokum əmbəɗokum ɓa, kədazgaŋ sləma aket əssineɗ nokum məs kədassineŋ ɓa.

Matiye 10:17

Ya məga zukum səzet ɗiyi, vi wapsukkumun avet mətawaŋwəna wargukumən addəv gəla nakkal neti.

Matiye 16:6

Yesu anah sit na: Məgəɗ maɗɗula məsla zukum səza wuɗo net Farisaɗe dit Sadukiɗe.

Matiye 7:15

Məzi zukum azet məskəleŋɗe məwaŋ wəna, tahəŋ əzzoŋ azokum va timiŋgiɗi, ya diddivit na kirɗemuyã vorgomohɗiŋ.

Wəza net Masləŋɗe 17:18

Ɗiy meɓɓet mərbaŋ əsən kpukpuməŋ məs adawyaŋ na mə Epikuriɗe dit mə Sitoysiɗe, apeleŋgik dəndən. Ɗiy meɓɓet aɓɗaŋ na: Mi məs manəŋ adaŋgla ənah di? Ɗiy meɓɓet aɓɗaŋ na: Kuzuŋ meŋgilveɗ meɓɓet adaŋgla ərbet soko. Vi Pol alabara nenek na Yesu gəm na əsilye səka əmta adarbani.

Wəza net Masləŋɗe 17:32

Adan aprəmən Pol adawpel wən na əsilye səka əmta, ɗiy meɓɓet amasaŋgək akani, meɓɓet aɓɗaŋ na: Dəɗah məprəmukgən aka wən nan laha.

Roma 16:17

Ya in tat əsɓokum milmiŋgiɗwa, məsla zukum səzet ɗiy məsilginin uɗaka gəm əzbərgit ɗiyi, də əzelen əyak məs kərahaŋgə. Məzar səzeti.

1Korintus 10:12

Vini, ɗəf məs dədaɗɗum na tay ziwwe, dəzi zəni adazbər ɓa.

1Korintus 8:9

Ya məzi zukum, vi kikum məs kərahaŋgəŋ adawsaŋ zəga nazbərgit ɗiy məddekit ɓa.

2Korintus 10:5

gəm zəga məzutak əsən Maŋgəlva pakə. Mənam tat ərma əɗɗum pak kawkiyən dəɓe' səngən Kristu.

Galatiyen 1:14

Nəmbatək abe abe addəv əzban net mə Yudeɗi; nədayək ki vadaysa net geleŋgiɗu en naka saywa, nəsawək ɓəɓəl aka matuya net efiŋgiɗwa.

Galatiyen 4:3

Vaski nam'e, aka məsam məmeɗeŋɗe, belemɗe na əmpəsɗe naka dələvəŋ mənani.

Galatiyen 4:9

Adan kakaŋ kəsənənək Maŋgəlva, awaniɓa na, Maŋgəlva asənkumko, mbari əmpa kədawmilyoŋ azet maŋgəlveɗ məddekit məs məvvirtiŋ di? Mokum aka əkkpaŋ balam net əmpa sa?

Galatiyen 5:15

An mənokum tat əharanən zukum, mənokum tat əzəm zukum. Məzi zukum vi kədawzanən zukum ɓa.

Efesus 2:2

məs kədawaŋ addivit lahəŋ va aza məlĩ neggeŋka, va aza gagdak na məlĩ na əmpəs naka walaŋ disiŋ də dəlvafuŋ, kakaŋ zlaŋ tay əɗɗa wəza a walaŋgit ɗiy məs aprəmən ma Maŋgəlva ɓa.

Efesus 4:20

Ya nokum vaski kəyaganən wən na Kristu ɓa.

Efesus 5:6

Ɗəf adawmbəɗokum də əpel mekeleŋ ɓa, vi aket wən net zəgeɗ weskiski ədagədəv na Maŋgəlva adazzan aket ɗiy məɓoŋti.

Əmsak aka Mahenziŋ 6:12

asla zuko, vi kədazgət ki Yawe dəgilguk səka dələv na Eziptə səddəv gəla na balamə.

Filipi 3:2

Məsla zukum səzet kirɗe, məsla zukum səzet məɗɗaŋ mbərayən, məsla zukum səzet məɗiyaŋ ki əskəlawra.

Kolosi 2:18

Ɗəf adawtaw wən akokum aka wən na əɓegən ki zə ɗəfa gəm wən na əgagdaket maslayɗe ɓa, tay əɗiyən kiyit aka ula məs awlaŋgə, yaŋ adagagdakanən zit də tive na əɗɗum na ɗəfa.

Kolosi 2:20

Adan kəmtaŋgək də Kristu, faraɗa kənanaŋ dit zəgeɗ negge, vimi kədanziyaŋ va ɗiy negge kədawɓe'eŋ sitin əsərəkɗe zeŋvit eskis əmpa di?

Kolosi 2:22

As pak awəl sitik zəgeɗ naŋgəna an məɗɗay wəza dənɗaŋgə, əsərək gəm əyak dəde səzet ɗiyi.

Kolosi 2:23

Zəgeɗiski tay ulaŋ va zəga na maɗɗula, vi tahəŋ əpel aka wən na əzba va ɗəf aŋgəl sən kiyni, aka əɓe'gən ki zə ɗəfa, əzəmgən sahã na zə ɗəfa, atəraŋ wəray abbər ki ənneken gəɓa zə ɗəf ɓa.

1Timote 6:20

Timote, arma wən an məɗi suko. Azar səza əpel məraygən wən na Maŋgəlva gəm səza əsən na uwa wəna.

2Timote 3:13

Ya ɗiy mbəreyti gəm muwaŋ wəna, wambataŋ ɓetteŋɗeŋ abe abe, wazetin ɗiyi, wazanən kiyti.

Ibriɗe 13:9

Kədappanən zukum əza sit əyakɗe temtem net ɗiy-ɗar ɓa. Moggoni mbəlembəle na Maŋgəlva dəzɓangən makramə məza mahenziŋ net ɗiy aka wən na zəga nawzəm ɓa. Dətər sit wəray sit məs dəzbanən ɓa.

Ibriɗe 3:12

Milmiŋgiɗwa məzi zukum, vi ɗəf təttaka səmbokum adawsan də makran mbərayən məza də wətaf ɓa ɓa, kapan Maŋgəlva madaran ɓa.

1Piyer 1:18

Kəsənənka, də zəga məs nawray yi va təbəz babara awaniɓa meleŋge məmokum səddəv ədaw nokum məs nawtər wərayə ɓa məs kərahaŋ səzet efiŋgiɗikuməŋ ɓa.

2Piyer 3:17

Ya nokum bayneŋgiɗwa, kəsənənək wən nan daabəŋ. Məzi zukum, vi ɗiy məza mahenziŋ ɓeŋ adawzokumən kəskotoŋgən səka əziw ɓəlɓəl nokum ɓa.

2Yohanna 1:8

Məzi zukum vi kədawzanən ətərwəray na wəza nam vikum ɓa, kərəhaŋgən əfaɗ na iya nokum gərakə.