Kolosi 2:2 - Bible en Guidar

² Vi kasɓan mekreti, dəssoŋgən məslerit addəv əŋgla, məknihit də ərəh na əsən an gegesiŋ, dəsənəngən wən məɗama na Maŋgəlva ana Kristu.

Nouveau Testament en Guidar

² Nədawgay vasna kəsoŋ gən ɓəlɓələ də wəsap adəv wəŋgla, kəkpaŋgaŋ gən ɗii məziweŋ aka goŋga pakə, dəsənən gən wən məɗama na Maŋgəlva ndəni Krestu.

Bible en Guidar

² Vi kasɓan mekreti, dəssoŋgən məslerit addəv əŋgla, məknihit də ərəh na əsən an gegesiŋ, dəsənəngən wən məɗama na Maŋgəlva ana Kristu.

Kolosi 2:2 ပူးပေါင်းရင်းမြစ်များ

1Milyeŋge 3:28

Mə Israyelɗe dəwənnet aprəmənək va məlĩ ataw wəna, ageslne'eŋ sənənək məlyã, awlanənək na, maɗɗula na Maŋgəlva yi addəvən nawtaw wəna.

Gəlyaɗe 133:1

Gəlya nawpəŋ ədda əkkam a Yerusalem. Səza Davit. Ə̃h awle! Va asan moggoni, va asan lelew aza məlma kazən əssan akki taka!

Isaya 32:17

Təstəs waki zazaya, tatwãh asan na ɓa, əɗɗum afeyet na ɗiy ɓa.

Isaya 40:1

Məffeten mekreti, məffeten mekret ɗiy nawa, vas Maŋgəlva nokum anahə.

Isaya 53:11

Səɓɓa tatwãh məs azəmə, wawla əkeɗeɗe'e, wabə. Gawla naw təstəs wakkpeŋget ɗiy diyɗa təstəs də əsən nani də əslan heslepe net akan dəvani.

Yeremiya 9:24

Yawe aɗiyman na, pay wade in kawtawwən aket ɗiy en dəskəlaŋ awra na gəɓa ziti:

Matiye 11:25

Pay nan dəpaska, Yesu agəmək əpele, yaŋ amna: Intat əgagdokoko Əbba, Daya na disiŋ də dəlvafuŋ, vi kəɗemetik zəgeɗis səma heret məs maɗɗulet dit məs əsəna, kərbet sit kirin muzliyeɗi.

Matiye 11:27

Zəga pak Əbba apsuka. Ɗəf tay dəsən Wətən an Afəni ɓa ɓa, ɗəf tay dəsən Afən an Wətəni ɓa ɓa, gəm ɗəf an Wətən aŋgəl narban səni.

Matiye 13:11

Yaŋ azlani, aɓsit na: Nokum məpsukumi əsən wən məɗama na məlĩ na Maŋgəlva, ya neti məpsiti ɓa.

Luka 1:1

Adan ɗiy diyɗa agayaŋgək wəver alabaraɗe məs dəɗɗaŋ awalaŋgəm,

Yohanna 10:30

In də Afəni taka mənani.

Yohanna 10:38

Ya an in tat əɗɗeti, an kətafən na wən naw ɓa zlaŋ, mətaf wəzeɗe veti, vi kəprəmnəgəni gəm kəsənnəgən na Afən tay addəvwa, in tat addəv Afəni!

Yohanna 16:15

Zəga na Əbba pak nawi. Vini nənah na: Əmpəs wagəm səza an naw kawnah sukum.

Yohanna 17:3

Zeŋgile an faɗə, ndəni dəsənkungən na istə kaka' Maŋgəlva an gesiŋ gəm Yesu Kristu məs kəslənə.

Yohanna 5:17

Yaŋ Yesu azlan sit na: Hã kakaŋka Afu tay əɗɗa wəza, naw pak in tat əɗɗa wəza.

Yohanna 5:23

vi ɗiy pak dəgagdakanəngən Wətən va adawgagdakanən Afəni. Ɗəf məs awgagdakan Wətən ɓa, awgagdakan Afən məs dəslən ɓa.

Yohanna 6:69

Ya namə, mətafəka, məsənək na nok istə Salala məs dəde səza Maŋgəlva.

Wəza net Masləŋɗe 4:32

Məzutafaŋ addəv əsap net pak tahəŋ mekret taka, megenegenet taka, ɗəf taka tay dədawnəh na arya nani ɓa, zəgeɗ net pak tahəŋ sapə.

Roma 15:13

Kəta Maŋgəlva Afən əga dəknahkum də ənneke gəm də zazay addəv ətafa, vi əga nokum dəɓaygən də əɓap na Zeŋgile Salala.

Roma 16:25

Məgagdakan səm Maŋgəlva, tay də gbogboŋ nawziwgukum ɓəlɓəl addəv ətafa va Alabara nenek məs nədarban aka Yesu Kristu, aslək də ərba na wən məɗama dəsan haɗamma lahəŋ farə.

Roma 2:4

Awaniɓa moggon nani, əssa nan haran sekke gəm əɓəs nan kədawzelen sa? Məza əsən tay akan ɓa, kəsən na moggon na Maŋgəlva tay əreɗuk kəɗigən marava ɓa sa?

1Korintus 14:31

Wakəɓapən əɗɗa kəleŋ baymokum naway pak də pay nani vi ɗiy pak dəyakaŋgəni gəm dəsɓaŋgəni.

1Korintus 2:12

Ya nam na, əmpəs na dəlvəŋ mərah ɓa, Əmpəs an dəde səza Maŋgəlva yi, vi məsingin zəgeɗ məs Maŋgəlva apsəm də mbəlembəle;

Galatiyen 3:28

Tay əmpa na, aŋ mə Yudayi aŋ mə Gəreki ɓa, aŋ balami aŋ ɗəf na kini ɓa, aŋ ɗəf mizilni aŋkəŋ gulku ɓa, vi mənokum pak taka kənanaŋ addəv Yesu Kristu.

Efesus 1:7

Addəvni mərah əbit kiyəm dit mbel nani, əvvuy net heslepeɗe, va aza mbəlembəle nan məza man awsla ɓa.

Efesus 3:16

Vi dəpsukumgən əɓap va aza arya na gagdak nani, kəssoŋgən gboŋgboŋ də Əmpəs nani, dəsangən ərəh na ɗəf na kəleŋgili.

Efesus 3:3

va hənhən arban su wən məɗama, vaski nəver duɗukko farə,

Efesus 6:22

Ndəni kpak nəslən anokum da dənah sukumgən va məsam pakə, kəsənən wən namə gəm dəsɓangən mokrokum.

Filipi 2:1

An əsap nokum də Kristu tay əɓəlokum kana, əŋgla nan tay əsɓokum, kəsapaŋgək də Zeŋgile Salala, kəŋgluwənək zukum gəm ulasahã tay a walaŋkum,

Filipi 3:8

Arbək na, in tat ula zəga pak ɗarə, vi nərahək zəga an na sləma dayə: Əsən Kristu Yesu Daya nawa. Aka batamni nətaf əzgan zəga pakə, in tat ula zəga pak va dagərgiya ɗarə, ka nərahgən Kristu.

Kolosi 1:26

ana wən məɗama məs dəɗam farfar pay na seyit ɗiy pakə, məs Maŋgəlva arban kakaŋ sit ɗiy salala nani.

Kolosi 1:27

Maŋgəlva aŋgələk ərban gagdak na wən məɗama nan metiŋgin məs azaɓan viyit ɗiy-ɗar pakə, ndəni Kristu məs na mokrokum, əga na gagdaka.

Kolosi 1:9

Sən aski, təŋ səza pay nam məprəm wən nokum, məppan gabba əkkam vikum ɓa. Mənam tat əkkaman Maŋgəlva dəknahkumgən də əsən an gərak na əŋgla nani, dəpsukum maɗɗula gəm əsən də Əmpəsa.

Kolosi 2:19

Appanənək əsler də Kristu ki əsap net məkristu, məs gəɓa zə ɗəf pak asap azan slersler əzəm dit mesleŋsleŋɗe gəm bəletɗe, yaŋ adawɓay va Maŋgəlva aŋgələ.

Kolosi 3:14

Aka as pak na məssoŋ də əŋgla, ndəni helege na əsap an gərrakə.

Kolosi 4:3

Məkkam ammbamə'e vi Maŋgəlva dəkol səmgəm metive nawpele, kawpel aka wən məɗama na Kristu məs nəsaw məɓruku aka wən nani,

Kolosi 4:8

Ndəni kpak nəslən anokum da dənah sukumgən va məsam pakə, kəsənəngən wən namə gəm vi dəsɓangən mokrokum.

1Tesaloniki 1:5

Vi Alabara Nenek məs məpel sukuməŋka, dəgap azokum də əpel kaka ɓa, ya də əɓapa, də Zeŋgile Salala gəm də gegesiŋ an ɓəlɓəli. Kəsənənək va məsam a waloŋkum, vi moggon nokumi.

1Tesaloniki 3:2

Yaŋ məslən Timote məlməm məgəɗ wəza na Maŋgəlva addəv Alabara Nenek na Kristu, vi dəɓɓəlokumgəni gəm dəsɓokumgən addəv ətaf nokum,

1Tesaloniki 5:14

Mənam tat əkkamokum milmiŋgiɗwa, məhayet mətampəlɗe, məsəɓ sit ɗiy məs makret məmtəni, məbbah sit ɗiy məddekti, məɓəs wən net ɗiy pakə.

1Timote 3:16

An məsən sap yaŋka, məɗama na geslne na Maŋgəlva van metiŋgini: Ndən məs dərbə addəv gəɓa zə ɗəfa, məs Əmpəs arban na təstəsi, məs dərban zən azet maslayɗe, məs mətəlma aka wən nan aweleŋgit ɗiy-ɗarə, məs dəsan ka zəga nawtaf egge, məs məslan a disiŋ addəv gagdaka.

Ibriɗe 10:22

Məzar səm kan aza Maŋgəlva də makram barə gəm məknahəm də ətafa, makram mubburun səza heslepe naddəv əɗɗum pakə, gəɓa zəm məslslayən dit iŋkile salala;

Ibriɗe 6:11

Məŋgəl kan na naway di pak sə walaŋkum dəsok zən əmbat abe abe addəv an adawga hã aza əgraka,

2Piyer 1:10

Vi wənəski milmiŋgiɗwa məsok zukum məssoŋ ɓəlɓəl aka iya an məyukum gəm uwel an məwelkum. Vi an kəɗɗaŋgək vas na asna sessel kəzbəraŋ na ɓa.

2Piyer 1:3

Əɓap na Maŋgəlva apsəmək zəga pak vi məsamgən addəv zeŋgile gəm geslne' sən Maŋgəlva də ərban səm məs dəyəm də gagdak nani gəm gbogboŋ nani.

2Piyer 3:18

Məɓay addəv mbəlembəle də əsən Daya nam məkõhgəmə, ndəni Yesu Kristu. Gagdak nani təŋ kakaŋka hã faɗə. Amen.

1Yohanna 3:19

Vaŋki mədawsənən na mənam tat addəv gegesiŋ, geslne asan na a makram aban ɓa.

1Yohanna 5:7

Vi hokuŋ məs dədawpeleŋ akani.