Isaya 9:6 - Bible en Guidar

⁶ Waɓaygən gagdak na məlĩ nani, wapsən zazay gəm əzəm məlĩ məza əgrak ɓa sən Davit. Wasɓan aka məlĩ nani, watawwən net ɗiy təstəs aka tiveni, təŋ kakaŋka hã faɗə, aski an Daya Məzuɓappak adaɗɗa addəv əŋgla nani.

Isaya 9:6 ပူးပေါင်းရင်းမြစ်များ

2Samiyel 7:13

Ndəni narkə su Gəla aka iya nawa, naw wanəsɓan mazaŋga na məlĩ nan ka faɗə.

2Samiyel 7:16

Gəla nok də məlĩ nok wassoŋ ndərəsl hã faɗə, mazaŋga na məlĩ nok wasan ɓəlɓəl hã faɗə.»

1Milyeŋge 10:9

Soko sən Yawe Maŋgəlva nok məs dənnek də is nawɗiyuk aka mazaŋga na məlĩ na Israyel; vi Yawe aŋgluwək Israyel hã faɗə, ndəni aɗiyuk ka məlĩ vi kaɗɗa zəga də tiven təstəsə.»

1Milyeŋge 2:33

Mbel net dəssoŋ aka Yo'ab də mazlalwã nan hã faɗə! Ya na Davit də mazlalwãn gəm gəla nan də mazaŋga na məlĩ nani, zazay səza Yawe wassan sit hã faɗə.»

1Milyeŋge 2:45

Ya məlĩ Salomoŋ wazaɓə, mazaŋga na məlĩ na Davit wasan gək aba Yawe hã faɗə.»

Nehemi 9:32

Ya gəgaŋ na, Maŋgəlva namə, Maŋgəlva metiŋ məzuɓapa, məs dədah nawgeslne' səni, məɗi kiyən aka wənmiyna gəm moggoni, kədawgəsan əzəmsahã məs dərəhəm anam dit milyeŋge namə gəm məsdəlveŋge namə may məskəleŋɗe namə, may efiŋgiɗmə gəm ɗiy nok baymet təŋ səza pay net milyeŋge na Asiri hã gap pay dəpaŋkəŋ ɓa.

Gəlyaɗe 45:3

Kədayək kiyit ɗiy pak də lelewe, mok neki aza əpele. Vini Maŋgəlva azaɓok hã faɗə.

Gəlyaɗe 45:6

Herɗe nok mətekeɗ meti, watilikin mekret məzuzelɗe na məlyã, ɗiy waskotoŋ ammba təlko.

Gəlyaɗe 45:7

Maŋgəlva, mazaŋga na məlĩ nok faɗi, zleŋ na məlĩ nok zleŋ təstəsi yi, na sete yi.

Gəlyaɗe 50:1

Gəlyanalva na Asaf. Yawe, Maŋgəlva net meŋgilveɗ apelke, ayak dəlvafuŋ, təŋ səmmba pay nampum hã gap ammba pay na moskoyo.

Gəlyaɗe 72:17

Sləman dəgil hã faɗə, dəgilgən va paya, naway pak dəɓuh səngən ma sən ɗəf maɓɓan də iya nani, ɗiy naka dələv pak wanahaŋ na, azaɓka.

Gəlyaɗe 72:3

Mossorgoɗe gugriɗ wakiyaŋ zazay sit ɗiyi, mossorgoɗe tam əzaɓ sit ɗiyi!

Gəlyaɗe 72:7

Pay əzəm məlĩ nani, ɗəf təstəs wandufu, zazay wasan diyɗa, hã təla mbo'u!

Gəlyaɗe 85:10

Ha'aw wəkõh nan go'oy azet məzugeslne'eŋ sənəni, vi gagdak dəsangən aka dələv namə.

Gəlyaɗe 89:5

«Wanəɗi zeŋvuk aka məlĩ hã faɗə, mazaŋga na məlĩ nok wasan va sayit ɗiy amə' pakə.» Əziwe

Wənməkkpaŋga 8:23

Gala farfar məzəməɗwa, gala ətəŋ nani, gala ətəŋ na dəlvafuŋgi.

Isaya 10:21

En dəndəwəɗaŋ wamilyoŋ; en dəndəwəɗaŋ na Yakob wamilyoŋ aza Maŋgəlva gbogboŋgo.

Isaya 11:5

Təstəs gəm an dəslə wassoŋ sən va maslapa naynan dadakni.

Isaya 16:5

asna mazaŋga na məlĩ wasan ɓəl sən əɗɗa moggoni ɗəf təstəs zev Davit wasan akani, məsən ətawwəna, məzgə sləma aka təstəsə gəm məŋgəl an sarara.

Isaya 26:12

Yawe, is tat əpsəm zazaya, vi wəza nam pakə, istə kəɗɗa vimə.

Isaya 26:3

Daya də zuk soksok kədazga sləma aka zay na ɗəf məs makran barə, vi appanək kizən suko.

Isaya 28:29

As van səza Yawe Məzuɓappak ade, əzga nan naggət akani pepet nan metiŋgini.

Isaya 32:1

Məlĩ nawzəm məlĩ təstəsə yaŋka; deyeɗe warbanən gagdak net də wədaw an dəslə.

Isaya 37:32

Ɗiy dəppaŋ wagilyoŋ sə Yerusalem gəm en dəndəwəɗaŋ aka gərəm na Siyon. Aski Yawe Məzuɓappak adaɗɗa addəv əŋgla nani.

Isaya 53:10

Yawe dəŋgəl əŋgrofən də əzəmgən sahã. Səɓɓa appan kiyzən ka Maŋgəlva-məzaɓən nawvuyoŋ mambray na, wawəl uwa, payɗe nan wazzekeŋgi, əŋgla na Yawe waknahə.

Isaya 53:2

Vi aɓayək aban va wəlaŋga məgilyani, va siwere digil a təki məkuro. Aza ulan na, tay lalaw ɓa, awiɗ ɓa, aza əzəməɗ nan tamə tay məs dəgəm haram ɓa.

Isaya 53:5

Ya məmbokən na vi əɓoŋ nami yi, məŋgrofən na vi heslepe nami yi. Əzga' nawki səm zazay dəbət akani, Də vamvi nan əmbəla nam asani.

Isaya 63:16

Vi istə afəmə, Abraham dəsənəm ɓa, Israyel dəsənəm ɓa; is Yawe tə afəmə, is məs adawyukun far na Məzukõhgəmə.

Isaya 66:12

Vaŋki Yawe anahə: Zazay wadaw loklok va məlpa addəvən, gagdak net ɗiy-ɗar wadaw va guzlo məknahən. Nokum wakəwaɗaŋgə kawslokumi a persleke ɗəf sləkə kasmaygukumi aka takpra ɗəfa.

Isaya 7:14

Vini kana, Daya zək nan wapsukum zəga narba azani: Awla waŋ ŋgbuɓɓo watəɗi daway, watəwə wiyna. Watəya iya nan na Emanuwel.

Isaya 8:18

In yakəŋ dit kirin məs Yawe avayə, migilik va zəga narba gəm va sekene nazzan səza Yawe Məzuɓappak a Israyel, ndən məs dəsan aka mossorgo metiŋ na Siyon.

Yeremiya 31:22

Dehey kədappan əssok slorslor di goruk mətemta? Vi Yawe azəməɗək zəga meleketen aka dəlvafuŋ: Guluk watəkay ɗəf mizilin.

Daniyel 2:44

Aka pay net milyeŋgeska, Maŋgəlva na disiŋ waɗi məlĩ mbərən məs azbərna ɓa, ɗiy mbirit agəmən na məlĩ sə van ɓa. Nani watekeɗ gəm wazet milyeŋges pakə, nan wasan faɗə,

Daniyel 7:14

Məpsəni daya, gagdaka gəm məlyã: ɗiy pakə, dəlveŋge temtem gəm ma temtem pak aɗiyənək kini. Gagdak nan gagdak an faɗi, aggrak na ɓa, məlĩ tamə azəna ɓa.

Haggay 2:9

Gagdak na gəlaŋka gəgaŋkəŋ waday ki an maddaabəŋ Yawe anahə, wanəɗi zazay naw aŋka Yawe Məzuɓappak aɗiymani.»

Matiye 1:1

Iya net dihigiɗin Yesu Kristu, wətən Davit, wətən Abraham:

Matiye 1:23

Waŋ ŋgbuɓɓo watəɗi daway watəwə wiyna, kalvani na Emanuwel, va wənah na: Maŋgəlva tay də mənamə.

Matiye 11:27

Zəga pak Əbba apsuka. Ɗəf tay dəsən Wətən an Afəni ɓa ɓa, ɗəf tay dəsən Afən an Wətəni ɓa ɓa, gəm ɗəf an Wətən aŋgəl narban səni.

Matiye 28:18

Yesu adderik azeti, apel sitik dawnəh na: Gagdak pak məpsuwi sə disiŋ gəm səka dəlvafuŋ pakə.

Luka 1:35

Maslay azlani, aɓsət na: Zeŋgile Salala wade akoko, əɓap na Məsəɗəɗə wade əsərətuk də zeŋgile nani. Vi vaski wiyən məs kədawa wasan Salala, kawyani na Wətən Maŋgəlva.

Luka 2:11

Vi muwa sukumi məzukõh dəpaŋ a walaŋgəla-metiŋ na Davit, ndəni Kristu Daya.

Luka 2:14

Gagdak sən Maŋgəlva a disiŋ məsəɗəɗə, zazay aka dəlva a walaŋgit ɗiy en aŋgələ.

Luka 21:15

Vi naw wanəpsukum mokum də maɗɗula an məs məzuzel nokum aɓapaŋ na əziw abokum awaniɓa əbayaŋ ma də munokum ɓa.

Yohanna 1:14

Əpel nak akkpaŋgək ɗəf də gəɓa zəni, asanək də gəla a walaŋgəmə. Mulak gagdak nani, gagdak va na Karmalay dəknah də mbəlembəle gəm də gegesiŋ arah səza Afəni.

Yohanna 1:16

Mənam pak mərahək haran nam səzet aryeɗ nani, mərahək mbəlembəle aka mbəlembəle.

Yohanna 14:27

In tat əppan sukum zəzaya, in tat əpsukum zazay nawa, va dələv adapsukum nədapsukum ɓa. Mokrokum adazlzlaɓ ɓa, ageslne' ɓa.

Wəza net Masləŋɗe 10:36

Aslənək əpel sit məs Israyelɗe, də ərban sit alabara nenek na zazay də Yesu Kristu na: Ndəni Daya net ɗiy pakə.

Wəza net Masləŋɗe 20:28

Məga zukum mənokum sən kiykum, gəm ngaɓa məs Zeŋgile Salala aɗikum akan ka məgaɗe. Məssoŋ məzuteɗeŋge na əsap net məkristuɗe na Maŋgəlva, məs arah də əmta na Wətəni.

Roma 8:32

Ndən məs dərma van aka Wətən ɓa, yaŋ appan əmta ammbam pakə, an vaski na, apsəm na zəga pak dəndəne'e də mbəlembəle ɓa sa?

Roma 9:5

ndəɗaŋgə dəha məkuturkutur, məs Kristu agil səzet dəwəl sit mbeli. Tay aka zəga pakə, soko sən Maŋgəlva hã faɗə. Amin!

1Korintus 1:30

Dendəni, nokum, kəssoŋ addəv Yesu Kristu, məs dəkkpaŋ maɗɗula dəde səza Maŋgəlva vimə, gəm əmpa təstəsə, salala gəm əbite.

1Korintus 15:25

Vi adahək dəzəmgən məlyã, hã gap an avoŋgitik məzuzelin pak ammba təlni.

2Korintus 5:19

Vi Maŋgəlva tay addəv Kristu, əsleret ɗiy negge dəndə zək nani, məza əŋɗan sit heslepe net ɓa, yaŋ aɗi əpel nawsleret ɗiy addəvmə.

Əmsak aka Mahenziŋ 10:17

Vi Yawe Maŋgəlva nokum ndəni Maŋgəlva net meŋgilveɗi, Daya net deyeɗe, Maŋgəlva metiŋgini, Məzuɓappakə, nawgeslne' səni, awɗeket ɗiy ɓa, awmbəɗ də zəga na makaryam ɓa.

Kolosi 2:3

Addəvni ərəh na maɗɗula gəm na əsən pak aɗamaŋgə.

1Timote 3:16

An məsən sap yaŋka, məɗama na geslne na Maŋgəlva van metiŋgini: Ndən məs dərbə addəv gəɓa zə ɗəfa, məs Əmpəs arban na təstəsi, məs dərban zən azet maslayɗe, məs mətəlma aka wən nan aweleŋgit ɗiy-ɗarə, məs dəsan ka zəga nawtaf egge, məs məslan a disiŋ addəv gagdaka.

Titus 2:13

də əɗɗum əga neneke gəm ərba na gagdak na Maŋgəlva metiŋ gəm na Məzukõhgəm Yesu Kristu,

Ibriɗe 1:8

Aka Wətəni, aɗi man na: Mazaŋga na məlĩ nok aziwik hã faɗə Maŋgəlva, zleŋge na təstəsə, ndəni zleŋgə nawzəm məlĩ noko.

Ibriɗe 13:20

Kəta Maŋgəlva afən zazaya məs dəsilgin Yesu Kristu, məzutaɗa net timiŋgiɗ metiŋgin sə walaŋgit ɗiy mimtit də mbel na wənmiyna an faɗə,

1Yohanna 5:20

Məsənka Wətən Maŋgəlva adeke, apsəmək maɗɗula vi məsəngən Maŋgəlva an gesiŋ. Ya mənam tat addəv Maŋgəlva an gesiŋ, addəv Yesu Kristu Wətəni, ndəni Maŋgəlva an gesiŋ gəm zeŋgile an faɗə.

Hənhən 19:16

Aka lukut nani gəm aka metetileni iya tay məverin na: Məlĩ net məlyeŋge Daya net deyeɗe.

Mətawaŋwəna 13:18

Maslay na Yawe aɓsən na: «As vimi kədassõhõn iya naw di? Na sekene yi.»