Isaya 9:4 - Bible en Guidar

⁴ Vi hensek na məzuzel məzəkkergin dəlvafuŋ, gəm lukut məs də mbel azan pak wakkpaŋgaŋ zəga nawzəm na offo.

Isaya 9:4 ပူးပေါင်းရင်းမြစ်များ

Va'Atəŋ 27:40

Aka hara masalam noki kədawsoko, wakəgəɗ wəza aba məlmuko addəv yokyok noko, wakəŋzlu zuk nan an aklak suk awloko.»

Gəlyaɗe 125:3

Vi məlĩ məsdaraw adawzəm məlĩ aka dələv net ɗiy təstəs ɓa, vi ɗiy en təstəs adawtəlnən vet aza mbərayən ɓa.

Gəlyaɗe 81:6

tive nazba aɗi sən Yosef gala agil əgay də dələv na Eziptə: In tat əprəm əpel məza nəsən ɓa;

Isaya 10:16

Vini Daya Maŋgəlva, Məzuɓappak adawslən wətar aket ɗiy məkirit vetiski, a gəla gagdak neti, offo warəm va aka gəla.

Isaya 10:5

Əray aka Asiri, tandaŋ na ədagədəv nawi, zleŋge navanəŋ na herɗe nawəŋ.

Isaya 14:25

Wanəŋzlu gbogboŋ na Asiri aka dələv nawa; wanəndapan aket mossorgoɗe gugriɗ nawa. Wanəprət zuk səma wəleti, gəm wanəzgan zəga nawsla nan səka kiyveti.

Isaya 16:4

Appet ɗiy na Mo'ab en dətrayaŋ dəssoŋgən anokda, asok təki nawɗam net viyit məzuzetin ɗiyi. An əsərma aslak mani, an əzəm təki aggrakka, ɗəf məzundapan alək faraɗa səka dəlva,

Isaya 47:6

Gədəvu adək aket ɗiy nawa. Nəreygitik ɗiy nawray vawa nəppetik ammba voko. Ya kəwəl sãhã aket ɓa, kəŋgrofuk mazza də zəga nawsla gagdak diyɗa.

Isaya 49:26

Məzəmgukumən sahã wanəzimgit slu ziti, mbel net wabey va mbazla na meketepe. Asna ɗiy pak wasənnən na məzukõhguk na, intə Yawe, məzubituk na, ndəni Məzuɓappak na Yakob.

Isaya 51:13

Is əzgət ki Yawe məs dəɗɗuko, məs dəpak disiŋ məs dəziwgin dəlvafuŋ. Pay pak is tat əkker sən geslne aba ədagədəv na məsər ma ɗəfa, va kəɓəs na azaɓanək zən nawzoko. Ya ŋgay ədagədəv na məsər ma ɗəf van di?

Isaya 52:2

Attu' ologudum səzoko, asil asok tuŋgu Yerusalem apəl helege suloko is waŋ na Siyon mərməta.

Isaya 54:14

Təstəs waɓɓəloko. Wakəsok ɓa' səza əzəmsahã, kəgəslne na əmpa ɓa. Kəkker na sən geslne ɓa, vi agapuk na ɓa.

Isaya 9:5

Vi məwəsəmi wiyna, məpsəmi wiyin mizilin. Gagdak na məlĩ tay akani. Kawyani də iyaŋka: Məzusəɓ sən ɗəf va ndən tuwãhə, Maŋgəlva gbogboŋgo, afən an faɗə, Daya na zazaya.

Yeremiya 30:8

Pay dəpas na, Yawe Məzuɓappak aɗiyman na, wanəŋzlu zuk sə wəleti, wanəɓuh helege səzeti. Kəssoŋ na belemɗe net melekeɗ əmpa ɓa.

Yeremiya 48:17

Ɗiy dəssoŋ kiyən karkarə məs dəsənən iya nan pakə, məɓlan kikum akani. Mənah na: Mbarmbari zleŋge na məlĩ, zleŋge na gagdak aŋgəsl di?

Məsdəlveŋge 26:13

In Yawe Maŋgəlva nokumtə, məs dəgilgukum səka dələv na Eziptə, vi kədassoŋ belemɗe net əmpa ɓa; intə nəŋzliw wəleŋɗe na zuk nokum, nədawgukum wəlokum ɗiliwwe.

Nahum 1:13

Kakaŋ na, wanəŋzlu zuk nan səkoko gəm wanəɓuh ŋgiyamɗe noko.