Isaya 9:2 - Bible en Guidar

² Kənzlərgitik ɗiyi Daya kəɓaygənək ənnek net metiŋgini. Tahəŋ ənnek abok va ənnek pay na mawala, va adannekeŋ də ənzla vaŋvəl də uɗak zəga mərahən səddəv əgaya.

Isaya 9:2 ပူးပေါင်းရင်းမြစ်များ

Ɗerewel na Yob 10:21

Tak nədawmbat məza kawmilyew ɓa aka dələv məs guzli an titip-titipi,

Gəlyaɗe 107:10

Meɓɓet ara guzli adassoŋgu, ka məfərsəneɗ ara guzli tiɗimtiɗim dit ngiyamɗe,

Gəlyaɗe 107:14

Agilgitik səra guzliyo, səra guzli tiɗimtiɗimi, aŋzliwik ngiyamɗe neti.

Gəlyaɗe 23:4

An in tat ədaw addəv guzli titir dayday na, nəgeslne' na sən zəga mbərayən ɓa, vi is tat də iyna; zleŋ nok də mikke nok tay əvayaŋ gbogboŋgo.

Gəlyaɗe 4:8

Kəvayək ənnek a makraw dayki aka pay haykəmari də mbazla na meketepe net asan diyɗa.

Isaya 50:10

Naway suwalaŋkum məzugeslne sən Yawe di? Dəprəm ma gawla nani. Naway məs dədaw ara guzliyo, məza ndən gas təki we'we' ɓa di? Dəppan kiyən addəv iya Yawe dəges aza Maŋgəlva nani!

Isaya 60:19

Pay dədawsan suk ka əkeɗeɗe na kapay əmpa ɓa, dəfəɗa, təla yi nawiɗ suk ɓa, Yawe yi nawsan suk əkeɗeɗe pay pakə Maŋgəlva nok dədawsan gagdak noko.

Isaya 9:1

Ɗiy məzudawaŋ ara guzliyo awlanənək əkeɗeɗe metiŋgini. Ɗiy məssoŋ aka dələv namta də tiɗimtiɗim nani, əkeɗeɗe wakekeɓe aketi.

Amos 5:8

Ndən dəɗɗe ŋgay net ŋgərzleɗi, gəm duŋgusu. Akkpaŋgan dəfəɗ tikiɗim ka təki məddaŋgən; dədakkpaŋgan kapay ka dəfɗa. Ndən məzuye iŋkile sə pehe əfloŋgit aka dəlvafuŋ. Iya nan na Yawe.

Matiye 4:16

ɗiy dəssoŋ ara guzliyo awlanənək əkeɗeɗe metiŋgini. Ya en dəssoŋ aka kivadələv addəv guzli na əmta, əkeɗeɗe wakekeɓe aketi.

Luka 2:32

Ndəni təki babar narbok azet ɗiy-ɗarə, gəm gagdak net mə Israyelɗe ɗiy noko.

Yohanna 12:35

Yesu azlan sitik na: Əkeɗeɗe tay a walaŋkum pay siɗikke tagay. Mədaw aka əkeɗeɗe tay də mənokum, vi guzli adawgulkum ɓa, vi məzudaw ara guzli awsən a təki məs adaddan ɓa.

Yohanna 12:46

In əkeɗeɗe'e, nəde aka dələv na, vi ɗəf məs dətafu pak adawsan ara guzli ɓa.

Yohanna 8:12

Yesu apel sitik əmpa, amna: Naw intə əkeɗeɗe na dəlva. Ɗəf dəzbawa, sessel adawna arah guzli ɓa, ya warah əkeɗeɗe na zeŋgile.

Efesus 5:8

Vi lahəŋka ara guzli kənanaŋgə, ya kakaŋ na ara əkeɗeɗe kənanaŋ addəv Daya, mədaw va ɗiy nara əkeɗeɗe'e.

1Piyer 2:9

Ya nokum, mahəlfa an muwelin kənanaŋgə, məsdəlveŋge na məlyã, kirtindələv en salala, ɗiy məs Maŋgəlva abit kənanaŋgə, vi kərbanəngən wəza gagdak na məs dəyukum səra guzli ara əkeɗeɗe nani.

Mətawaŋwəna 5:30

Wasan arəhaŋgək zəga səma wəgaya, tahəŋ uɗakani: goruk akən mərma taka, awaniɓa sula sən məzəlpa pakə, gabagaɗe mənɗerit, məbay sit gawla tam sən Sisera, vaski, gabaga temtem sula məbay sən gawla na təwəɗ awla məskaŋwəla.