Isaya 9:16 - Bible en Guidar

¹⁶ Vini kan Daya annek na dit kirin gewleɗ nadak ɓa, awəl na sãhã aket mitiweɗ gəm gil net gəbayɗe ɓa. Vi mə ɗarɗarən pakə məɗɗaŋ mbəraynəŋgə; an adawpeleŋ pak wən ɗari. Də as pak dəppan ədagədəv nan ɓa, van tay təlla aka ərga.

Isaya 9:16 ပူးပေါင်းရင်းမြစ်များ

2Alabaraɗe Də Mabərkiziti 30:27

Siske na, məsdəlveŋge dit mə leviɗe hir əsulyoŋgu, aɗɗaŋ əzaɓ aket ɗiyi. Wəlet aprəmka, əkkam net agapək a disiŋ akki nasso na Salala na Yawe.

Isaya 10:4

An dəmmbər na, ndəni əɓe' aret məfərsəneɗi, gəm əskot aret ɗiy məbeyti. Də as pak zlaŋ na, dəppan ədagədəv nan ɓa, van tay təlla aka ərga.

Isaya 19:14

Daya akiyək əmpəs nawza aweleŋti: Tay əzanən Eziptə addəv an adaɗɗa pakə. Va məs mbazla abay adawkəɗəŋgəl aka əpar nani.

Isaya 3:12

Kirin memeɗeŋɗeŋgə məzuzəmgətin sahã net ɗiy nawa; giliŋ dəzəmaŋ məlĩ aketi. Ɗiy məzədawgitin ɗiy naw tahəŋ əmzlahaŋ səka tive, gəm tahəŋ əraygən tive neti.

Isaya 5:25

Vini Yawe arban ədagədəv nan aket ɗiy nani aslanək van aketi, argeke. Mossorgoɗe gugriɗ akkereŋke; mogogoy net kporu aket tiveɗi. Də as pak ədagədəv nan awɓəta ɓa'a, van tay təlla.

Yeremiya 18:21

Vini kana appet kirtit addəv mayã, appet ama masalam. Kirtit gil net dəmtaŋgə, zilŋgiɗit dəmtaŋgə, Dəbeyin gewleɗ net də masalam addəv əgaya.

Yeremiya 23:13

Nəwələk zəga nassa anet məskəleŋɗe na Samari da, ndəɗaŋ əɗɗaŋ kəleŋ də iya na Ba'al ndəɗaŋ əzetin mə Israyelɗe ɗiy nawa.

Yeremiya 9:4

Ɗəf pak tay əmbəɗan meggeni, awpel an gesiŋ ɓa; assərəkgənənək hərzlumit uwawəna. Əɗɗaŋ mbərayən hã awɓapaŋ əɗi marava ɓa.

Amos 2:4

An Yawe apel yaŋka: «Aka əɓoŋ an ɗiy na Yuda aɓoŋ təl hoku gəm aka əɓoŋ poɗo, nəppan na wən an nəziwgin ɓa. Vi azganənək mahenziŋ na Yawe gəm dərmenin əsəɓɗe nan ɓa, tepelkeɗ net məs efiŋgiɗit azban nek ezetinke.

Mika 3:5

An Yawe anah aket məskəleŋɗe məzetin ɗiy nan yaŋka: An zəga tay a bereti, ndəɗaŋ ənahaŋ na zazay tayi, ya ndəɗaŋ əɗɗa əgay də ɗəf an dəgul sit zəga a beret ɓa.

Matiye 15:14

Məppeti: deŋgerɗe, məkdahaŋ deŋgerɗeŋ. An daŋgar tay əgdəh daŋgar, sulegit pak wazbəraŋ addəv vovu.

Ibriɗe 7:7

Əŋzla ma tay ɓa, daya dəɗɗa əzaɓ aka sawã.