Isaya 9:15 - Bible en Guidar

¹⁵ Ɗiy məzədawgitin azetinike, ɗiy en adadawgitin azaŋka.

Isaya 9:15 ပူးပေါင်းရင်းမြစ်များ

1Milyeŋge 13:18

Yaŋ anah sən na: «Məskəleŋ nan va isi, maslay dəpel su əpel na Yawe dawnəh na: Amilgən anokda; dəzəmgən waya, gəm dəsəgən iŋkile.» Wən awə səni.

Ɗerewel na Yob 22:8

Dələv na ɗəf məs zəga vani yi yaŋ ɗəf tektek asanək akani.

Isaya 19:15

Təŋ sə disiŋ hã afuŋgu, ɗəf tay nawsəɓ sən Eziptə ɓa, gogozlo ɓa eflere ɓa.

Isaya 23:9

Daya Məzuɓappak diynani, vi karbə sit wil sit məŋglaŋ əkaɓa, kawraygit ɗiy məs ɗiy negge adawgagdeketini.

Isaya 28:15

Vi kənahaŋgək na miynək wənmiyna də əmta, gəm dəndə təki nassa net ɗiy mimtiti. An tatwãh tay ətoŋ na arəhəm na ɓa, vi məɗiyək uwawən ka zəga nawtərmə, tepelke dəɗamamə.

Isaya 28:17

Wanəɗi an dəslə ka helege, təstəs tam ka zəga nawziwgin ərka. Ya ɓeɓrezle wazan təki nawɗam net tepelke, iŋkile wakanən təki nawsor nokum.

Isaya 28:7

Məsdəlveŋge dit məskəleŋɗe pak tay əttapaŋ sən wən na mbazla tay əzaŋ sən əbay na mbazla, mbazla abeyike, tahəŋ gərəŋgərəŋ sən mbazla, tay əzaŋgə, awlanən an dədaɗɗa ɓa awɓapaŋ wətawwən ɓa vi mbazla abeyike.

Isaya 29:10

Vi Yawe aggbo'uk əmpəs nawleŋ kpum akokum; atipik horokum, mənokum məskəleŋɗe, asərətənək kiykum mənokum mulaŋ heligi.

Isaya 3:12

Kirin memeɗeŋɗeŋgə məzuzəmgətin sahã net ɗiy nawa; giliŋ dəzəmaŋ məlĩ aketi. Ɗiy məzədawgitin ɗiy naw tahəŋ əmzlahaŋ səka tive, gəm tahəŋ əraygən tive neti.

Isaya 3:5

Ɗiy wazəmgənən sãhã na ziti, ɗəf wazəmgən sahã na məlməni gawla wazəmgən sahã na mazza, ɗəf an va ziwir wazəmgən sahã na ɗəf an tekteki.

Isaya 43:27

Afuk agəɗək mambraya; maslənɗe nok atemeŋgik akawa.

Isaya 5:13

Vini Yawe anah na: kawketi ɗiy naw aka balamə, vi gabba zəga tay asənaŋ ɓa. Ɗiy tektek wamtaŋ sən maya, ɗiy diyɗa wamtaŋ sit meme.

Isaya 59:3

Vi vokum tay totoptotop dit mbeli, kirtin vokum tahəŋ də heslepe, mokum tay uwawəna, hərzlumkum tay wərwər əpəl mbərayən.

Isaya 59:4

Ɗəf tay məkə dolgoy aka təstəs ɓa, ɗəf tay məzəddan ətawwən na moggon ɓa. Mənokum tat əziw aka zəga ɗarə, əpel nokum na uwawəni yi, gədəvkum aknahək də mbərayən, yaŋ kədawparəni.

Yeremiya 23:32

In tat əgay dit məɗɗaŋ kəleŋ na əssine net na uwawəna, Yawe aɗiymani. Tahəŋ ənahəni, tahəŋ əzetin ɗiy naw də uwawən net gəm də fərka neti. Naw nəslin ɓa, nəɗi sit wən nan ɓa, atəraŋ na wəray sit ɗiyəŋ ɓa, Yawe aɗiymani.

Yeremiya 23:9

Aket məskəleŋɗe: Makraw tay əssawa ma slesleŋgu tay yuwar-yuwarə. In tat zurokzurok va ɗəf məs mbazla abayə, va məs mbazla aska wəlan, sən wən na Yawe gəm sən wən na əpel nan salala.

Yeremiya 5:31

Məskəleŋɗe aɗɗaŋgək kəleŋ na uwawəna, məsdəlveŋge tahəŋ ətaf ərəh net kaka'ə, ɗiy naw tahəŋ ulanən lew a ma hereti. Ya mi kədaɗɗaŋ dərɓaga as di?

Əɓuhma 2:14

Məskəleŋɗe nok tepelke awlaŋ sukuni gəm wən ɗar loloh lolohu. Dəppasanən heslepe nok kawzaɓan wən nok ɓa. An awlaŋ sukun na, tepelke atawaŋgə, gəm əraka.

Ezekiyel 13:19

Mənokum ərnokowən abet ɗiy nawa. Ammba kawrəh hay vokum zloŋ gəm way pəɗaw mənokum əbey ɗiy naw en nawbayəŋ ɓa, əppetin en nappaŋ ɓa, uwaŋ wən sit ɗiy naw dəŋglaŋ əprəm uwa wəna.

Ezekiyel 13:22

Vi mənokum tat əmtanən makra ɗəf an təstəs dit tepelkeɗi, dəka naw nəŋgəl sən tatwãh ɓa, yaŋ kədasɓanən məsdaraw vi adappan ədaw nan mbərayən ka kawmbəlgən ɓa.

Hose'a 9:8

Məzuga na Efrayim na də Maŋgəlva nawi, məskəleŋgi yi, mazzaɗɗe mənslənit aket tiveɗ nan pakə, məwak səni hã səddəv gəla na Maŋgəlva nani.

Amos 2:4

An Yawe apel yaŋka: «Aka əɓoŋ an ɗiy na Yuda aɓoŋ təl hoku gəm aka əɓoŋ poɗo, nəppan na wən an nəziwgin ɓa. Vi azganənək mahenziŋ na Yawe gəm dərmenin əsəɓɗe nan ɓa, tepelkeɗ net məs efiŋgiɗit azban nek ezetinke.

Mika 3:5

An Yawe anah aket məskəleŋɗe məzetin ɗiy nan yaŋka: An zəga tay a bereti, ndəɗaŋ ənahaŋ na zazay tayi, ya ndəɗaŋ əɗɗa əgay də ɗəf an dəgul sit zəga a beret ɓa.

Malakiya 2:9

Naw tamə wanəkkpaŋgokum ka nawzel ɗar a maheret ɗiyi, vi kazbanən tive naw ɓa gəm mənokum tat ərban uɗak awalaŋkum.

Matiye 24:24

Vi Kristuɗə məwaŋ wəna gəm məskəleŋɗe məwaŋ wən wazzoŋgu, waɗɗaŋ zəga narba dit sekeneɗ diyɗa vi kawzet ɗiyi, va wagəɗ na ɗiy en məwelit daydayə.

Matiye 7:15

Məzi zukum azet məskəleŋɗe məwaŋ wəna, tahəŋ əzzoŋ azokum va timiŋgiɗi, ya diddivit na kirɗemuyã vorgomohɗiŋ.

1Yohanna 4:1

Bayneŋgiɗu na makrawa, kədawtafən əmpəs awandi pak ɓa; mule əmpəsɗe vet lewlewi, kawsənən an səza Maŋgəlva azzoŋgu, vi məskəleŋɗe na uwawən agulyoŋguk diyɗa ammba dəlva.

Hənhən 19:20

Mərmani zəga mamayã nak a fərsəna, gəm məskəleŋ məwə tepelke məgəɗ sekeneɗ aban məs dəmbəɗet ɗiy dətafən voɗoko na zəga mamayã naka gəm agagdakanən zeŋgileni. Zəga mamayã də məskəleŋ məwə tepelke nek pak məzgeti mederet addəv vov na offo muhurən.

1Samiyel 9:6

Gawla nak aɓsən na: «Ɗəf na Maŋgəlva tay a walaŋgəla nabaməŋka, ɗəf məs sləman dəgili yi: An apel pak vas adaɗɗa. Ade məlgən kakaŋ adaka; kuzuŋ wanah səm dəka tive mədaddam soko.»