Isaya 9:12 - Bible en Guidar

¹² Də as pak ɗiy dəmilyoŋ aza məzuvərit ɓa, dəkayanən Daya Məzuɓappak ɓa.

Isaya 9:12 ပူးပေါင်းရင်းမြစ်များ

2Milyeŋge 16:6

Pay nan na, Resin, məlĩ na Aram amõhuk Eylat sən Aram; arɓehetik mə Yudeɗ sə Eylat, mə Edomɗe dəzzoŋ əssoŋ a Eylat adak hã pay dəpaŋka.

2Alabaraɗe Də Mabərkiziti 28:18

Dəzet mə Filistiɗe, net tam agulnin walaŋgəleɗe gugriɗ na Bagərma gəm na kəla dohoŋ na Yuda; amõhinik Betsemes, Ayalon gəm Gederot, gəm əmpa Soko, Timna, Gimzo dit walaŋgəleɗe en meɗmeɗ na meŋgeveti, assoŋ adak də gəla.

Gəlyaɗe 79:7

vi azəminik kirtin Yakob, araygənənək təki nani.

Isaya 10:4

An dəmmbər na, ndəni əɓe' aret məfərsəneɗi, gəm əskot aret ɗiy məbeyti. Də as pak zlaŋ na, dəppan ədagədəv nan ɓa, van tay təlla aka ərga.

Isaya 11:14

Wazlahaŋ a ma wəlet mə Filistiɗe nammba pay na moskoyo wappohetin ɗiy nammba pay nampum matakə. Edom gəm Mo'ab wassoŋ zəga nammba veti, mə Ammonɗe wassoŋ belemɗe neti.

Isaya 31:1

Əray aket ɗiy en məzəddoŋ a Eziptə ammba əbbaha! Tay əɗɗumoŋ aket pilseŋge, aɗiyənək maɗɗulet aket mawteɗ net pilseŋge, vi assoŋ diyɗa, gəm aket məpeŋgeŋ pilseŋge vi tahəŋ də gbogboŋ diyɗa. Awlaŋ aza Maŋgəlva Salala na Israyel ɓa, awkayanən Yawe ɓa.

Isaya 5:25

Vini Yawe arban ədagədəv nan aket ɗiy nani aslanək van aketi, argeke. Mossorgoɗe gugriɗ akkereŋke; mogogoy net kporu aket tiveɗi. Də as pak ədagədəv nan awɓəta ɓa'a, van tay təlla.

Isaya 9:17

Vi daraw arma offo va gedirge də tintif, məzərma offo əkan addivit wəleŋɗe ŋgərəɓə gəm kawpeŋgit enene tirliŋtirliŋ a disiŋ.

Yeremiya 10:25

Ake herɗe nok aket ɗiy en ɗar məs dəsənkun ɓa, aket ɗiy en awyanən iya nok ɓa, vi azanənək Yakob azanənka, akkãhnənka, araygənək dələv nani.

Yeremiya 15:7

Addivit walaŋgəleɗe gugriɗ naka dəlva, nəseŋgerik ɗiy naw də tekpesle nawseŋger zəga; nəzetike, nuwɗeketik dit kirtiti, ya dədəɗanən ədaw net ɓa.

Yeremiya 35:11

Gala Nabukodonozor məlĩ na Babilon agul dəlva, mənahək na mənzamsəmə, mətoŋsəm a Yerusalem səbet məzəlpaŋ net mə Kaldiyeɗi gəm sebet məzəlpaŋ na Aram, məsamgən də gəla a Yerusalem.

Yeremiya 4:8

Vi askəska, məgul lukut na gəlabaya, məhəmə, mənɗəsə, vi offo nawdagədəv na Yawe dəffet səkam ɓa.

Ezekiyel 16:27

Yaŋ nəslanək vaw akoko; nəggəsanək əzəm səmoko, nəppokuk avet məzuzelɗe noko, kirin muguluŋgit net mə Filistiɗe, wil tay ədenin aka ədaw nok narba wili.

Ezekiyel 6:14

Wanəslan vaw aketi, wanəkkpaŋgan dələv a təki assoŋ də gəla pak məraygən gəm va məzlan təŋ sə kapta-muyã hã gap a Dibla. Asna wasənnən na, intə Yawe.»

Hose'a 7:10

Əkaɓ na Israyel tay əpel akan tusso ama harani, ya dəmil aza Yawe Maŋgəlva nan ɓa; də as pak dəkayan ɓa.

Amos 4:10

Nəslənək gəbaymərma akokum va aka tive na Eziptə, nəbeyik gewleɗ nokum də masalam, də əmõh pilseŋge nokum; nəppanək məŋgən dibirgidik nokum əmbat a məŋkənkum. Yawe aɗiymani.

Amos 4:11

Nəzokumək va Maŋgəlva azan Sodom gəm Gomorra. Kəssoŋguk va seseme məkdəhən sə koffo, ya kəmulyoŋ azaw ɓa. Yawe aɗiymani.

Amos 4:6

In nəkisukum sahã na zəga nawgul a borokum a walaŋgəleɗe gugriɗ nokum baymeti, gəm may addivit gəleɗe nokum, yaŋ kəmulyoŋ azaw ɓa, Yawe aɗiymani.

Amos 4:8

Walaŋgəleɗe gugriɗ sula may hoku addoŋguk slorslor a walaŋgəla-metiŋ maɓɓan kawsa iŋkile məza meme net bay ɓa; ya kəmulyoŋ azaw ɓa. Yawe aɗiymani.

Amos 4:9

Nətawsukumək doŋgoyoŋ gəm muŋgus, gulyeŋge nokum gbeŋ net wəleŋɗe gəm net megezlembirkeɗi may sokoyeɗ nokum, heremeɗ nokum pak zaray azimke, ya kəmulyoŋ azaw ɓa. Yawe aɗiymani.

Sefanya 1:6

En dəmilyoŋ səmmba Yawe, məs awkayanən Yawe ɓa gəm assohõnən ɓa.

Sefanya 3:2

Dəprəm iya ɓa, dətaf iyak ɓa, dəppan zən sən Yawe ɓa, dəzar go'o aza Maŋgəlva nan ɓa.

Əmsak aka Mahenziŋ 31:17

Makraw wassaw aket pay nani. Wanəppeti, wanəktuh dəɓaw səzeti. Kawzeti; wəray də wəzəmsahã diyɗa warəhe. Wanahaŋ pay nan na: “Vi Maŋgəlva nam tay də mənam ɓaŋki əray ade akaməŋka.”