Isaya 8:7 - Bible en Guidar

⁷ Vi aska, Yawe waki iŋkile na məlpa diyɗa də gəgay aketi ndəni məlĩ na Asiri də gagdak nan pakə, məlpa van waknahə wasulup mabuzgumɗe nan pakə,

Isaya 8:7 ပူးပေါင်းရင်းမြစ်များ

Va'Atəŋ 6:17

Naw, in yakəŋ əɗɗa buwən məvekeveke dəzzoŋgə aka dəlvafuŋ pakə, vi kawzet zəgeɗ mederet məzəmpəsaŋ nammba dələv pakə; zəgeɗ mederet nammba dələv dəmtaŋgən kakãhə̃.

2Milyeŋge 19:32

Vini Yawe anah vaŋ aka məlĩ na Asiri na: Atoŋ na addəv walaŋgəla-metiŋginin ɓa, ahon na har adak ɓa, aziw na aban də baray ɓa, akkpot na dələv aban ɓa.

Ezra 4:10

gəm ɗiy meɓɓet məs Asnappar ɗəf metiŋgin gagdak arəm ake aka balam, azi a walaŋgəla-metiŋ na Samari, gəm addəvit walaŋgəleɗe meɓɓet dəggar ki Efrat gəm dəgil va ndən.»

Gəlyaɗe 46:4

an iŋkile net tay əbayaŋ gagay maslsla tay aketi, mossorgoɗe gugriɗ əɓlaŋ gəm əɓzlaŋgə. Əziwe

Gəlyaɗe 72:8

Dəsan məlĩ aka pehe hã aka pehe, təŋ səka məlpa hã təki dələv abaymani

Isaya 10:16

Vini Daya Maŋgəlva, Məzuɓappak adawslən wətar aket ɗiy məkirit vetiski, a gəla gagdak neti, offo warəm va aka gəla.

Isaya 10:5

Əray aka Asiri, tandaŋ na ədagədəv nawi, zleŋge navanəŋ na herɗe nawəŋ.

Isaya 11:15

Yawe wakkpe' iŋkile na heleleŋ na pehe na Eziptə. Addəv gagdak nawda gədəv nani waɓlan van aka məlpa, warslan ka lolohet buhul waɗɗa ka ɗəf dəkkaɗgən dit hensek aka tələn palpalə.

Isaya 28:15

Vi kənahaŋgək na miynək wənmiyna də əmta, gəm dəndə təki nassa net ɗiy mimtiti. An tatwãh tay ətoŋ na arəhəm na ɓa, vi məɗiyək uwawən ka zəga nawtərmə, tepelke dəɗamamə.

Isaya 28:17

Wanəɗi an dəslə ka helege, təstəs tam ka zəga nawziwgin ərka. Ya ɓeɓrezle wazan təki nawɗam net tepelke, iŋkile wakanən təki nawsor nokum.

Isaya 28:2

Ɗəf gbogboŋ gagdak na Daya yaŋka, tay əvoŋgən zəga pak afuŋ də van va buwən maŋgalaw də ɓeɓrezle, gəm səmyã məraygən təkiya, va buwən maŋgalaw məmet iŋkile hã ənzoŋ lokloku.

Isaya 43:2

An is tat əkaɗ kiyit iŋkile, wanəsaw də isi; addivit məlpeŋge, iŋkile atəpgukunən na ɓa. An kətoŋguk akoffo, ahhətuk na ɓa, nzilimnzilim na offo azluk na ɓa.

Isaya 59:19

Asna kawgeslne səni iya na Yawe hã səmmba pay na moskoyo, hã səmmba pay nampum tamə gagdak nani, vi an məzuzel adek va məlpa məknahən əmpəs na Yawe wafu' gabbani.

Isaya 7:17

Daya waki pay na tatwãh akoko, aket ɗiy noko gəm aka gəla na afuko hara, zeŋvin dəgəɗ ɗah ɓa daga məlĩ na Efrayim arsla kiyən səza Yuda. Waɗɗa də va məlĩ na Asiri.

Isaya 7:20

Pay dəpaska, Yawe waŋgəl slambər sə təkaɗ ki məlpa vasna məlĩ na Asiri warban wəɓoŋ nokum də wəfaɗ kiykum, ki buhkum gəm eŋgeme pak wafeɗe.

Yeremiya 47:2

Vaŋki Yawe anahə: Iŋkile əsəkəkaŋ sə kəla disiŋ, wakkpaŋgaŋ lolohõ məs man awrawra. Wasulupnən dəlva gəm an dəknəha, walaŋgəla-metiŋ dit ɗiy naddəvən. Ɗiy waŋzlaŋ vaŋvəla, ɗəf naka dələv van pak waɓuh mani,

Yeremiya 51:42

Pehe aguluk Babilon, asulupuk də pitimpitim net vovulumɗe.

Ezekiyel 26:19

Vi vaŋki Daya Yawe anahə: Pay nədakkpaŋgok is walaŋgəla-metiŋ ka kiməskiya, va walaŋgəleɗe gugriɗ məs ɗiy dəssoŋ ɗewsa adak ɓa, pay nədawka iŋkile na pehe metiŋ akoko, iŋkile kpukpumɗe adapaɗamkuni,

Daniyel 11:10

Kirtən məlĩ na kəla disiŋ watəŋgən əɗɗa wəgaya, wakkeletin məzəlpaŋ aɓɓet diyɗa sawɓa. Asna wade əgul dələv va məlpa adawgul təkiya. Siske na, watəŋ wəgay hã gap ndən toŋ addəv walaŋgəla mərka kiyən.

Daniyel 11:22

Waŋgreɓ məzəlpaŋ səbani gəm wabay daya na wənmiyna.

Daniyel 9:26

Dərɓaga wəzva buhul təl kaklaw sləre kiyən sula naka, kawbayni mesiya, zəga tay adawrəh ɓa. Məlĩ mbərən wade dit məzəlpaŋ nani, wazan walaŋgəla də gəla salala. Əgrak wade va iŋkile muguloŋ təkiya, əbayma nan na, əgay gəm əza wasan va Maŋgəlva atawa.

Amos 8:8

Vi aski kan dələv adaɓla, ɗiy nakan pak wassoŋ a gəlabaya. Dələv waslan zən bayman va təki babara, wa'ofkoku siske na, ndən kamsak əsan afuŋ va Nil a Eziptə paysən aknahə.

Amos 9:5

Yawe, Maŋgəlva Məzuɓappak məzurəŋgən dəlva, ndən əkkere, ɗiy nakan pak tahəŋ əɗɗa gəlabaya. Dələv tay əslan zən a disiŋ va Nil baymani, siske na, tay əpirken afuŋ, va məlpa Nil a Eziptə an aknahka.

Mika 1:9

Vi huwa nan anzaɗ na ɓa, anzlərgənək zən hã a Yuda arəŋgənək maddambet ɗiy nawa agapək a Yerusalem.

Mika 5:4

Ndən nawsan zazaya. An mə Asiriɗe tay əzzoŋ əgul dələv namə gəm ətoŋ addəv gəla na məlĩ namə, waməsilgit məzuteɗeŋge buhul akani dit deyeɗe dudopoɗo.

Mika 5:5

Net wataɗən dələv na Asiri də masalam gəm dələv na Nimrod tam də slohõ. Nan wakõhgəm səva Asiri, an azzoŋguk aka dələv namə, atoŋgoŋguk kiyit meŋge.

Nahum 1:8

an vovolum nawza tay ətoŋ daydayə. Tay əpalkat walaŋgəla-metiŋ warɓehet məzuzelɗe nan ara guzliyo.

Luka 6:48

Agilik va ɗəf mərkə gəla, aso'ək vov nan kpumu aɗiyək gabban aka milɓe. Iŋkile azzoŋko aziweŋgik ammba gəla naka, ya dəɓəsl ɓa, vi mərkani moggoni.

Hənhən 17:15

Maslay nak anah su əmpa na: Iŋkile məs kəwəl neki adak guluk məkuh a gizbe nak təsata, ndəɗaŋgəŋ ɗiyi, vanday net ɗiyi, ɗiy naka dələv temtem gəm ma temtemi.