Isaya 8:17 - Bible en Guidar

¹⁷ In tat əga Yawe məs dəkkpaŋgan haran faraɗa səka gəla na Yakob, ya akan nəɗi əɗɗum nawa.

Isaya 8:17 ပူးပေါင်းရင်းမြစ်များ

Va'Atəŋ 49:18

Aka wəkõh noki yi, makraw asani Yawe.

Ɗerewel na Yob 13:24

Vimi kədawɗaman horok su gəm is əgəmu va məzuzel nok di?

Ɗerewel na Yob 14:14

an ɗəf amtək na, wasan madaran əmpa sa? Addəv wəza tatwãh naw pak wanəga hã gap pay ɗəf nawgəm gəlaw payə.

Ɗerewel na Yob 35:14

Yaŋ kənah nawray nok tam na, kula va ɗəf ɓa, ya wən nok abani, əga kədawga səvani!

Gəlyaɗe 130:5

In tat əga Yawe, də megenegenew pak nədawgani, əpel nan nədawga.

Gəlyaɗe 27:14

Aga Yawe; ampa təlko, asok zuko; aga Yawe.

Gəlyaɗe 33:20

Səva Yawe mədawgani: Ndəni məzəbbah namə gəm baray namə!

Gəlyaɗe 37:34

Aɗi əga nok aka Yawe, arma tive nani; dələv wasansuk ka noko, wakule va adawzetin məsdarawɗe.

Gəlyaɗe 39:7

Ɗəf tay va zeŋgile ɗarə; əgay nan pak səmyãy kaka'ə. Ndən əkkal zəga, dəsən ɗəf nawndan ɓa.

Gəlyaɗe 40:1

Səza daya net məyaŋgəlya. Gəlyanalva na Davit.

Isaya 1:15

An mənokum tat əppar vokum vi kakkama, wanəɗup haraw vi nədawla ɓa. Kəta muwan əkkam nokum zlaŋgə, nəprəm na ɓa, vokum aknahək dit mbeli.

Isaya 25:9

Pay dəpaska kawnahi na: Aŋki Maŋgəlva namə. Akan məɗɗi əɗɗum namə ndəni dəkõhgəmə. Yawe yi məɗi əɗɗum nam akani. Waməgəɗ iyã'-iyã' wamənneken zəm vi sən əkõh nani!

Isaya 26:8

Gegesiŋ aka tive an ətawwən nok antarə, akoki məɗi əɗɗum namə Yawe. Əya iya noko, əɗɗum akoko, ndəni an ɗəf aŋgələ.

Isaya 30:18

Vi vaski Yawe waga pay nawgəɗ sukum mbəlembəle, wasil vi kawla sãsãhkum. Vi Yawe Maŋgəlva təstəsi. Zazay azet ɗiy en məzuganən pakə.

Isaya 33:2

Yawe arban səm mbəlembəle noko, akok məɗi əɗɗum namə. Asok gbogboŋ nam də mompumo pakə, məzəkõhgəm pay na tatwãha.

Isaya 45:15

Gegesiŋ Maŋgəlva məɗamən kənani Maŋgəlva na Israyel, məkõhgən ɗəfa.

Isaya 50:10

Naway suwalaŋkum məzugeslne sən Yawe di? Dəprəm ma gawla nani. Naway məs dədaw ara guzliyo, məza ndən gas təki we'we' ɓa di? Dəppan kiyən addəv iya Yawe dəges aza Maŋgəlva nani!

Isaya 54:8

Səza ədagədəv naw asan vakvakə, nəɗaman sukuk haraw vi pay siɗikke, sən moggon naw pay pak naka nəwələk sahã akoko. Vas Yawe məzubituk anahə.

Isaya 57:17

Vi heslepe na əsim zəga nani yi nədə gədəva. Addəv ədagədəv nawa nərbəsənəka maw tay aka ulan ɓa aɓɓəlanək kini, agəmək tive məs aŋgələ.

Isaya 59:2

Ya heslepe nokum dəsan mambara awalaŋkum də Maŋgəlva, mambrayɗe nokum dədawɗamanən haran səkokum, dədawtaknən daprəmkum.

Isaya 64:4

Kədek əbbah sən ɗəf məzənneken zən də əɗɗa təstəsə, məzəɗɗumon nawdaw aka tive noko. Kədək gədəv akamə vi məgəɗək mambraya. Aket tiveɗiŋki'e mədawrah əkõho.

Isaya 64:6

Ɗəf tay nawya iya nok ɓa, tay nawsilye kadder azok ɓa. Vi kəɓoŋguk dawləmə, kəppamək əskot addəvit heslepeɗe namə.

Isaya 64:7

Mbaraka na, Yawe istə afəmə. Membezleŋ mənani istə kərkəmə. Wəza na vok mənan baymam pakə.

Yeremiya 33:5

Də əmbat əgay dit mə Kaldiyeɗ na, vi kaknəh təki də kigəbeyit ɗiy məs nəbay də ədagədəv naw gəm dit herɗe nawi, nəɗaman haraw səka walaŋgəlaŋka, sən mbərayən net gbaŋkəŋki.

Hose'a 12:6

Yawe Maŋgəlva net məzəlpaŋ na disiŋ, Yawe yi vaski iya nani.

Mika 3:4

Vasna wakkamanən Yawe ya azlan sit na ɓa. Pay nani, wakkpaŋgan haran səketi sən wəza mbərayən məs aɗɗaŋgə.

Mika 7:7

Ya nawa, aza Yawe nədawla, səza Maŋgəlva nədawga əkõh nawa, Maŋgəlva naw waprəmwa.

Habakuk 2:3

Ula maɓɓan əmpa aka pay an məziwgini. Siɗikke dəpəl dəgəɗgəni, wawə wən ɓa an aliyka, aga, vi sessel wade, aliy na ɓa.

Luka 2:38

Yaŋ təde daka' də pay nan ləŋ tədaɗɗa soko sən Maŋgəlva, tədawpel wən na wiyən van sit məzuganən əkõh na Yerusalem pakə.

Luka 24:27

Yaŋ aboton sit zəgeɗ en naɗɗa akan səddivit ɗerewelɗe pakə, təŋ səza Moyis hã gap azet məskəleŋɗe pakə.

Əmsak aka Mahenziŋ 32:20

Yaŋ amna: «Wanəktuh gəɓaw siti, nulagən va adassoŋgu. Gebbet ɗiy məreygitiŋgə! Ɗəf aɗi na əɗɗum nan aket ɓa.

1Tesaloniki 1:10

vi kawga Wətən sə disiŋ, ndəni Yesu məs asilgən səret ɗiy mimtiti, ndən dədawkõhgəm səma ədagədəv na Maŋgəlva məs dədazzani.

2Tesaloniki 3:5

Daya dəɗi makrokum aka əŋgla na Maŋgəlva gəm aka əɓəs na Kristu.

Ibriɗe 2:13

Gəm anah əmpa na: Akan nəɗi əɗɗum nawa. Gəm əmpa na: In yakəŋkə, in dit kirin məs Maŋgəlva avayə.

Ibriɗe 9:28

vaski yi'e Kristu apsən ki zən təl taka vi kaskoɓ mambray net ɗiy diyɗa, ya warban zən masula'ən, vi wən na mambrayi əmpa ɓa, vi kawkõhgit ɗiy məzuganəni yi.