Isaya 8:13 - Bible en Guidar

¹³ Yawe Məzuɓappak ndəni kədawsənaŋ ka Salala; ndəni nawgeslne' səni, anani mokrokum adawzla səni.

Isaya 8:13 ပူးပေါင်းရင်းမြစ်များ

Va'Atəŋ 31:53

Maŋgəlva na Abraham də Maŋgəlva na Nahor dətawan wən nam də isi.» Ndəni yi Maŋgəlva na afiti. Yakob aswayək də məgeslne'gən Isak, afəni.

Gəlyaɗe 76:7

Aka wəhãy noko, Maŋgəlva na Yakob, mawteɗ dit pilseŋge net pak azaŋka.

Əgilye 20:20

Moyis aɓsit ɗiy na: «Kəgeslne'eŋ ɓa! Vi kawslukumi Maŋgəlva ade, vi kəgeslne'eŋ sənəngəni, kədaɗɗaŋ mambray ɓa.»

Isaya 29:23

Vi an kirtin awlanənək an vaw agəɗ aweleŋti, wanəhaŋ na iya naw salalay yi wanəhaŋ na Salala na Yakob Salalay yi wageslne' eŋ sənən Maŋgəlva na Israyel.

Isaya 5:16

Yawe Məzuɓappak warban gagdak nani də wətaw wəna; Maŋgəlva salala warban salala nan də əɗɗa təstəsə.

Ezekiyel 38:16

Wakəde aket ɗiy naw mə Israyelɗe va slaybuwən kawgul dəlva, addəvit əvoŋɗe nabe adawsani. Wanəkiyuk əgul dələv nawa. Vasna ɗiy-ɗar wasənwən pay nərban salala naw azok a mahereti, Gog.

Məsdəlveŋge 10:3

Moyis anah sənək Aron amna: Aŋki məs Yawe apel anah na: Salala naw warbə azet ɗiy nazawa, kawgagdakawi a maheret ɗiy pakə. Yas Aron asan ɓatə.

Məsdəlveŋge 22:32

Kədawraygənən iya naw salala ɓa, vi salala nan awaleŋgit mə Israyelɗe; intə Yawe məzəkkpoŋgokum salala.

Malakiya 2:5

Wənmiyna naw dəndən na ndəni zeŋgile gəm zazaya, vini nəpsinke gəm əɓe'e dəɓe'sugəni, akkerik aba iya nawa.

Əŋɗa 27:14

Asan vasna, vi a kapta-muyã na Sin, gala əsap net ɗiy akayanən mawã, kəprəmənən maw aka nədawnah sukum kərbanəngən gagdak naw dawɓih iŋkile a maheret ɓa.» As aka wən net iŋkile na Meriba na Kedes a kapta-muyã na Sin adawpele.

Matiye 10:28

Kədawgeslne'eŋ sitin məzubayən gəɓa zukum ya aɓapən na əbay zeŋgile zukum ɓa ɓa. Məgeslne'sən an nawzan gəɓa zukum də zeŋgilokum pak addəv offo məs amta ɓa.

Luka 12:5

Wanərban sukum an kədawgeslne'eŋ sənəni: Məgeslne' sən an məs dərɓaga əbay gəɓa zə ɗəf na tay də gagdaka nazgan addəv offo məs amta ɓa. Vaski, in tat ənah sukum ndənəski kədawgeslne sənəni.

Roma 4:20

Ya dəzlzlaɓ səka ətaf nan səba iynama na Maŋgəlva ɓa, ətaf asɓanəka, agagdakanən Maŋgəlva.

Əmsak aka Mahenziŋ 14:23

Aba Yawe Maŋgəlva nok a təki awel vi iya nan dəsangən adak kədawzəm məkəlaw na haykəmari noko, na mbazla nok gəm na mẽl nok, gəm uwa maddaabəŋ na bəlata, na zagara də an na ɓaɓlama noko; vaski kədawyagan wəgeslne' sən Yawe Maŋgəlva nok pay pakə.

Hənhən 15:4

Naway məs ageslne' suk na ɓa, agagdakan na iya nok ɓa di Daya? Vi istə salala kaka'ə, ɗiy-ɗar pak wazzoŋ əppu' aboko. Vi wətaw wən nok temtem arbəka.

1Samiyel 11:7

Andək wasliɗe mezeŋgleket sula, apiwetike, sissiŋ aslin metiveɗ dit sluɗe aka va na Israyel pakə, də wənah sit ammban na: «Ɗəf an dəzbet may Sawlu də Samiyel a təki əgay ɓa na, kaɗɗeti wasliɗe nan vaska'e.» Geslne na Yawe armek ɗiyi, agilyoŋguk va ɗəf taka.