Isaya 7:3 - Bible en Guidar

³ Yawe aɓsən Isaya na: Agil ɗa, is də wətuk Se'ar-Yasub kələmsəngən Akaz; tay a metteɓ ma təki məborən səma bobok, aka tive nawmbat a guli na Məzəskoɓo.

Isaya 7:3 ပူးပေါင်းရင်းမြစ်များ

2Milyeŋge 16:1

Aka wəzva makəlaw kiyən buhul na Peka wətən Remalya aka məlĩ yi, Akaz wətən Yotam akkpaŋ məlĩ na Yuda;

2Milyeŋge 18:17

Sə Lakis, məlĩ na Asiri aslən daya net məzəlpaŋgə, daya na dibirgidik də daya net məpsənən zəga nawsa aza məlĩ Hizkiya dit məzəlpaŋ diyɗa a Yerusalem. Apeŋgeŋ azzoŋ a Yerusalem. Apeŋgeŋ agapaŋ a mahara gəla, yaŋ aziweŋ ama tive na maha net iŋkile na disiŋ, aka tive nawmbat a guli na mənɗer gabaga.

2Milyeŋge 20:20

Madembirgit wəzeɗe na Hizkiya, makra nani gəm bobok arkə, məŋkpara abor nawki iŋkile a walaŋgəla-metiŋ pak məvertiŋ addəv ɗerewel na Wəza net milyeŋge na Yuda.

Nehemi 3:16

Balsəni, Nehemi wətən Azbuk daya na wəɗak na bərzləŋ na Bet-Sur, dəzaɓan gap abet magamasɗe na Davit, hã gap aza bobok məso'ən dəso'ə, hã gap aza gəla net ɗiy məs mekreti.

Əgilye 7:15

Alvəɗ aza Farawən pumu, pay adawgilyen əmbat a met iŋkile. Aziw kələmsəngən a mabuzgum na Nil. Zleŋge məs dəkkpaŋ dohõ əŋ, kəgəmgən avoko.

Isaya 10:21

En dəndəwəɗaŋ wamilyoŋ; en dəndəwəɗaŋ na Yakob wamilyoŋ aza Maŋgəlva gbogboŋgo.

Isaya 22:10

Kəŋɗetinik gəleɗe na Yerusalem, kəbzliwinik en mbirti dəbbahgən ətak əkkaɗ ki zlava.

Isaya 22:11

Kəso'oŋguk bobok aweleŋgit zlavaɗe sula sit iŋkile naddəv mozgoy məzvan naka. Ya kulaŋ dəza ɗəf an dəɗɗa ɓa; kulanən ɗəf an dəzaɓ farfar ɓa.

Isaya 36:2

Məlĩ na Asiri aslənək daya net məzəlpaŋ də dula nalpa ammban diyɗa a Yerusalem aza məlĩ Hizkiya daga sə Lakis. Aziwik amabuzgum na məŋkpara məs dədaggbo' a məlpa metiŋ aka tive na guli na məskoɓ lukutɗe.

Isaya 55:7

Məsdaraw dəppan tive nani, məs mambray dəppan əɗɗum nani, dəmil aza Yawe, nan wawəlsahã akani, aza Maŋgəlva namə, vi muvvuy mambrayi sawɓa.

Isaya 6:13

An taka dayday səret ɗiy kəlaw en dəssoŋ adak apəlka, wazlə aka offo. Va Korvoŋ gəm va terebentə məbilti məs gebbet dəmbərə, Gabban van hara na zeŋve salala yi.

Yeremiya 22:1

An Yawe anah yaŋka: Aprik addəv gəla na məlĩ na Yuda kəpelgin əpeləŋ adaka.

Roma 9:27

Isaya apelik aka wən net mə Israyelɗe na: An əŋɗa net məs Israyelɗe asanək va hoyoŋko a pehe zlaŋ, en məs dəmbraŋ nawkõhoŋgu.