Isaya 66:5 - Bible en Guidar

⁵ Məprəm əpel na Yawe, mənokum məkkereŋ sənən əpel nani. Milmiŋgiɗkum azelkumənko, aɓɓahkumənək aka batam iya nawa. Tay əmasaŋ akokum dawnəh na: Kəta Yawe dərban gagdak nani, mulagən ənnek nokumu! Ya neti, wassoŋ addəv ərba wili.

Isaya 66:5 ပူးပေါင်းရင်းမြစ်များ

1Milyeŋge 21:29

«Kulak va Akab ataf mambray nan abaw sa? Adan avoŋgən kiyən abawa, nəki na wəray aka pay nan ɓa; aka pay na wətəni nədawki wəray aka gəla nani.»

2Milyeŋge 22:10

Safan məzuver aboton sən məlĩ dawnəh na: «Məsdələv Hilkiya apsuwək ɗerewel.» Safan aŋɗanək aba məlyã.

2Alabaraɗe Də Mabərkiziti 34:27

adan arəŋgənək mokroko, kəɓe'gənək kiyuk aba Maŋgəlva səza kəprəm əpel mbərayən aka təkiyəŋka gəm aket ɗiy nakani, kəɓe'gənək kiyuk abawa, kəŋgeretik lukutɗe noko, kəhəmək abawa; vasna, naw zlaŋ nəprəməka: Yawe aɗiymani.

Ezra 9:4

En məzugeslne'eŋ sənən əpel na Maŋgəlva na Israyel pak, akkalaŋgək azaw aka wən na əku net ɗiy məket aka balam də ina, nəsawək ɗewwe, kiyu vẽhẽ, gap pay nawzaɓ-Maŋgəlva na moskoyo.

Gəlyaɗe 119:120

Sluw zu tay əkker sən geslne noko, makraw tay əzlah sən ətawwən nok temtemi.

Gəlyaɗe 38:20

Məzuzelɗe naw mederetiŋ, gboŋgboŋgu; məs dəzelwən ɗar diyɗaŋgə.

Wənməkkpaŋga 13:13

Məs dəzelen əsəɓ na, wafaɗ akani; məs dəzban mahenziŋ na, warah zəga na vani.

Gəlya net Gəlyaɗe 1:6

Kədazlgaŋ sləma aka titir naw, an pay akkpokwək ɓa. Gidivit milmiŋgiɗu adək akawa: aɗi wənən əga guli net megezlembirkeɗi; nəga guli net megezlembirkeɗi naw dayday ɓa.

Isaya 26:11

Yawe, vok tay tiliwwe aka ərga, ya awlanən ɓa. Wil wadenin dawla əŋgla nok kiyuk boŋ viyit ɗiy noko! Offo dətarne məseŋgiɗko!

Isaya 5:19

Tahəŋ ənahaŋ na: dəgəm zən gu'gu'u əɗɗa wəza nani, vi mulagəni! An Maŋgəlva na Israyel azaɓan naɗɗa dəgap aza əbaymani, mam aka əsənəni!

Isaya 60:15

Nazga kənan kəta, nawzele ɗəf atoŋ na dəkok ɓa. Ya wanəɗiyuk addəv ənneke, wakəsok təki nannek hã faɗə.

Isaya 65:13

Vini Yawe Maŋgəlva anah na: Məɗɗaŋ wəza naw wazəmaŋ yaŋka, nokumu, may wadukum. Məɗɗaŋ wəza naw wasaŋ yaŋka, nokumu, meme wadukuməni. Məɗɗaŋ wəza naw wassoŋ addəv ənnek yaŋka, nokumu, wil wadukum.

Isaya 66:2

Yawe aɗiymani: Zəgeɗ kədawlaŋgəs pak vaw diɗɗe Intə nəɗɗe An haraw asan aket yeŋki: məssahãy, ɗəf naddəv tatwãha, gəm məzəprəm əpel nawa də əkkersənə.

Yeremiya 36:16

Səza aprəmən əpel nak pakə, ɗiy pak awlaŋgək aza zit də əkkere. Yaŋ aɓsənən Baruk na: Waməboton əpeləŋ pak sən Məlyã.

Hose'a 11:10

Wadawaŋ ammba Yawe. Wahəmaŋ va ɓoolu adawhəma; vi an tay əhəma, kirtin wannekenən zit dazzoŋ səma pehe.

Matiye 10:22

Ɗiy pak wazelkumən vi iya nawa. Ya ɗəf an dəziw ɓəlɓəl hã aza əgrak na wakõhu.

Luka 13:17

Adan apel vaska, məzuzelɗe nan pak wil adetinke, ɗiy pak annekeŋke vi zəgeɗ gagdakɗe agəɗəŋki.

Yohanna 16:2

Wagilgukumən səddəv gəla nakkal net Yudeɗi. Ya pay tay əzzani, ɗəf dəbaykum pak waɗɗum na Maŋgəlva adawgagdakani.

Yohanna 9:34

Azlanənka, aɓsənən na: Addəv mambray muwuk boku, yaŋ nok kədarbə səm zəga sa? Ndəɗaŋ firik əzgan appaka.

2Tesaloniki 1:12

Vi iya na Daya nam Yesu dəgagdak addəvkum, nokum tam addəvni, va aza mbəlembəle na Maŋgəlva namə də Daya Yesu Kristu.

Titus 2:13

də əɗɗum əga neneke gəm ərba na gagdak na Maŋgəlva metiŋ gəm na Məzukõhgəm Yesu Kristu,

Ibriɗe 9:28

vaski yi'e Kristu apsən ki zən təl taka vi kaskoɓ mambray net ɗiy diyɗa, ya warban zən masula'ən, vi wən na mambrayi əmpa ɓa, vi kawkõhgit ɗiy məzuganəni yi.

1Yohanna 3:13

Kədaggətaŋ ɓa milmiŋgiɗwa, an ɗiy negge azelkumənək ɓa.