Isaya 66:23 - Bible en Guidar

²³ Vas adawsan təlaper pak gəm aza va pay naffet agəɗ pakə, ɗiy pak wappu'oŋ abawa, Yawe anahə.

Isaya 66:23 ပူးပေါင်းရင်းမြစ်များ

2Milyeŋge 4:23

Amna: «Vimi kədaŋgla əddok dəpaŋ ana ɗəf na Maŋgəlva da təla ama gərmi ɓa, pay naffeti yi ɓaŋ di?» Təzlan səni, təmna: «Də moggoni yi!»

Gəlyaɗe 22:28

Dələv dəwənnan waɗɗumoni, wamndan aza Yawe; daŋgla net ɗiy-ɗar dəwənnet wappu'oŋ abani:

Gəlyaɗe 65:2

Ɓatɓat zlaŋ, azok na əɗi kiyuki Maŋgəlva an na Siyon, ya suki wiynama adaknaha.

Gəlyaɗe 65:3

Ɗəf pak wagap azoko, vi is məzəprəm əkkama.

Gəlyaɗe 86:9

Ɗiy en kəgəɗ pak wazzoŋ əppu' aboko Yawe, wagagdakanən iya noko.

Isaya 19:21

Asna Daya warban zən a Eziptə, pay dəpaska mə Eziptiɗ wasənnən Daya. Waɗɗaŋ sənən wəza də wəzaɓ-Maŋgəlva gəm əvəla. Waynanən met taŋtaŋ sən Daya, wazbanəni.

Isaya 19:23

Pay dəpaska, tive wasapan Eziptə də Asiri. Mə Asiri waddoŋ a Eziptə, mə Eziptiɗe tamə a Asiri. Mə Eziptiɗ wagagdakanən Daya sap dit mə Asiri.

Isaya 2:2

Addivit əvoŋɗe nabe na mossorgo metiŋ naddəv gəla na Yawe wasan aket mossorgoɗe gugriɗe, waday kiyit mossorgoɗe. Asna ɗiy naket dilveŋge pak wazzoŋ sapsap akani.

Isaya 27:13

Pay dəpaska, kaffoni gozloro metiŋgini. Asna ɗiy en dəzaŋ aka dələv na Asiri gəm ɗiy en dətrayaŋ aka dələv na Eziptə wamilyoŋgu. Wappu'oŋ aba Yawe a Yerusalem, aka mossorgo metiŋ salala.

Isaya 49:7

Vaŋki Yawe Salala məzubit Israyel adawpel sən ɗəf məzeleni məs ɗiy adawlaŋ va zəga ɗarə, sən balam net məsdarawɗe: Milyeŋge wawlanni, wasilyoŋgu, ɗiy gugriɗ wappu'oŋ aka wən na moggon na Yawe Salala na Israyel məs dəwelko.

Ezekiyel 20:40

Vi aka mossorgo metiŋ salala nawi yi, aka mossorgo metiŋ məɓayən na Israyel, Yawe Maŋgəlva aɗiyman na adaki kədaɗɗaŋ suwən wəza, mənokum ɗiy na Israyel pakə, məɗiwən nan aka dələv gboŋgu; adak nədakkalan an kəgəmaŋ na əvəl dəndən gəm əvəl an moggon nokum, dit zəgeɗ nokum salala pakə.

Ezekiyel 45:17

Əvəlnawzla-kurmbuɗuk aka məlĩ adawsani, əvəl də zəga na mabardaw gəm zəga nawsa, pay net wəzləreɗi, wəzləra na təlaper, pay naffete, pay net wəzləreɗ na Israyel pakə; məlĩ yi dədawtaw zəga nawzaɓ-Maŋgəlva vi navvuyon mambray də zəga na mabardaw, zəga na əvəl nawzla kurmbuɗuku, əzaɓ-Maŋgəlva nawki zazaya, vi kaɗɗa mahenziŋ navvuyon mambray naket ɗiy na Israyel.

Ezekiyel 46:1

Vaŋ Daya Yawe anahə: maddamba na daŋgla, məs haran dəmmba pay nampum, kampani gap əvoŋ sləre na wəza; kawkolni pay naffete; kawkolni pay na wəzləra na təlaper.

Ezekiyel 46:6

Pay wəzləra na təlaper, də medgeɗge məza heslepe azan ɓa adawsani, kirit timeŋgiɗ sləre gəm ndargayã taka məza heslepe azet ɓa.

Zakarya 14:14

Yuda pak wasap addəv əgay na Yerusalem. Arya net dəlveŋge na maŋgava pak kawndeti: meleŋge, təbəz babara, gəm lukutɗe ɗigit ɗigiti.

Zakarya 14:16

En dəppaŋ mederet səret ɗiy en dəzzoŋ əgay də Yerusalem waddoŋ əppu' va aza əzva agəɗ pak aba məlĩ Yawe Məzuɓappakə, gəm kaɗɗa wəzləra net guɗukɗe.

Zakarya 14:18

An mahəlfa na Eziptə azzan ɓa, tatwãh an Yawe adawbey dəlveŋge en məs dəmbataŋ a wəzləra net guɗukɗe ɓaŋ warəha.

Zakarya 14:19

Vaski əzga' adawsan sən Eziptə dit dəlveŋge meɓɓet məs dəmbataŋ a wəzləra net guɗukɗe ɓeŋki.

Malakiya 1:11

Vi təŋ səkki əgilye na paya hã gap akki məs adawbəta, iya naw gədaki aweleŋgit ɗiy-ɗarə. Aŋga pak tawkiyaŋ tursan aka iya nawa, vaska'e matuya məza heslepe azan ɓa, vi iya naw gədaki aweleŋgit ɗiy-ɗarə, Yawe Məzuɓappak anahə.

Yohanna 4:23

Ya pay tay əzzani, tay kakaŋ səkay, an məs məgagdakanən Maŋgəlva də təstəs adawgagdakanən Afən addəv Əmpəsa gəm də gegesiŋ. Vi zeŋvit məgagdakanən vas Afən adawkeyeti.

Hənhən 15:4

Naway məs ageslne' suk na ɓa, agagdakan na iya nok ɓa di Daya? Vi istə salala kaka'ə, ɗiy-ɗar pak wazzoŋ əppu' aboko. Vi wətaw wən nok temtem arbəka.