Isaya 66:20 - Bible en Guidar

²⁰ Wakinin milmiŋgiɗkum səweleŋgit ɗiy-ɗar pak va əvəl sən Yawe, aket pilseŋge, mawteŋɗe net pilseŋge gəm mawteŋɗe nawgaya, aket koropilseŋge gəm zlogomeɗ a Yerusalem aka mossorgo salala nawa, va mə Israyelɗe adawkiyaŋ əvəl na zəga nawzəm addəv gəla na Yawe dit hiliŋgiɗ salala, Yawe anahə.

Isaya 66:20 ပူးပေါင်းရင်းမြစ်များ

Isaya 11:9

Aɗɗaŋ na mambray ɓa, tay məs adawraygənən səka mossorgo metiŋ salala naw ɓa, vi dəlvafuŋ waknah də wəsən gagdak na Yawe va iŋkile adaknahənən pehe.

Isaya 2:2

Addivit əvoŋɗe nabe na mossorgo metiŋ naddəv gəla na Yawe wasan aket mossorgoɗe gugriɗe, waday kiyit mossorgoɗe. Asna ɗiy naket dilveŋge pak wazzoŋ sapsap akani.

Isaya 2:3

Ɗiy diyɗa wambataŋ adaka; wanahaŋ na məndam əpeŋ aka mossorgo metiŋ na Yawe addəv gəla na Maŋgəlva na Yakob. Warbet sim tiveɗ nani, mədawgən aket tiveɗ nani vi sə Siyon gi mahenziŋ na Yawe adazzani əpel nan tam sə Yerusalem.

Isaya 43:6

Wanənah sən tapaslay pay na disiŋ na: dəppetgin ədda, sən dohoŋ na: Kətek ɓa. Məmilgit kirtu mezeŋgleket hã sə faraɗa, kirtu muguluŋgit sə təki dələv abaymani;

Isaya 52:11

Məddoŋgu, məddoŋgu, migil siske! Kədawrəŋgənən zəga mərnokun ɓa. Məgil səddəvən. Məbbur zukum mənokum məsletin zəgeɗ na wəza na Yawe.

Isaya 54:3

Vi kəlaka zlaɓay gəm dəka dəzəŋ kədazlzleten zuko; kirtuk wazəmən dələv net ɗiy-ɗarə, waknahin walaŋgəleɗe gugriɗ nok məs ɗiy tahəŋ addivit ɓa.

Isaya 56:5

asna eŋgil anawda gəm addəv zlava naw na wanəpsit təki gəm iya na sləma day kiyən net kirin mezeŋgleket dit muguluŋgiti. Iya an faɗ nədapsiti, azə na ɓa.

Isaya 56:7

wanneken aka mossorgo metiŋ na salala nawa, wanənneken sit zit addəv gəla nakkam nawa, vasna əvəl nawzla kurmbuɗuk neti gəm əzaɓ-Maŋgəlva nawrəh zazay net məs adaŋ a matuya nawa. Vi kawyani gəla naw na gəla nakkam viyit ɗiy pakə.

Isaya 65:11

Ya mənokum məs kəzganən Yawe, məzgətaŋ ki mossorgo salala nawa məpsənən zəga nawzəm sən zəgakamaŋgəlva dəsan a Gad, məzəknahtən huloŋguk na zəgakamaŋgəlva Meni də zəga nawsa məslahani.

Isaya 65:25

Kəramuyã də wət time wataɗaŋ a təki taka. Ɓoolu də wasliya kevile adawzəmaŋgə. Burɗuk wasan zəga nawzəm na dohõ. Mambray də əza wassoŋ aka mossorgo salala naw ɓa Yawe anahə.

Daniyel 11:45

Wampe gizlirkeɗe na məlĩ nan awaleŋgit peheɗ də mossorgo an salala, adaki əmta adawrəhən, wamtə məza ɗəf əbbah sən ɓa.

Sefanya 3:10

Sə dəgar kiyit məlpeŋge na Etiyopi, məzəkdukoŋ suwən en məs nətəraygiti, wakiyaŋ suwən əvəla.

Əŋɗa 7:3

Akiyənək əvəl net aba Yawe: mawteŋɗe sləre məsərət kiyit, gəm medgeɗgeɗe kəlaw kiyit sula. Va wənah na, ɗiy sula təp aka Mawta taka gəm medgeɗge taka səva ɗəf pakə. Yaŋ akenin əziwgit aba təki nassa.

Əŋɗa 7:62

hĩlĩw net iŋkile na meleŋge taka, gagdak nan kilo taka məwɗakan kəlawə, məknəhən də tursan.

Roma 15:16

ka nəsawgən aka wəza na Yesu Kristu viyit ɗiy-ɗarə. Nəppanək ki zu sən Alabara Nenek na Maŋgəlva. Vi ɗiy-ɗar dəssoŋgən əvəl məpsən Maŋgəlva məs ataf lewlewi, məs Zeŋgile Salala akkpaŋget salala.

Filipi 2:17

Ya an anəsaw va mbazla nawpesl aka əzaɓ-Maŋgəlva gəm aka wəza na ətaf nokum dayday na, zu neki, zu neki də mənokum pakgukum.

1Piyer 2:5

Nokum van kpakə, va gərmeŋge medereti, məssoŋ mərkukum ka gəla nassa na Zeŋgile Salala, ka əsap net məsdəlveŋge salala napsən əzaɓ-Maŋgəlva na əmpəs sən Maŋgəlva məs adawtaf də Yesu Kristu.