Isaya 66:19 - Bible en Guidar

¹⁹ Wanəziwgin zəga narban gagdak naw aweleŋti. Wanəslin ɗiy en dəndəwəɗaŋ aret ɗiy na Tarsis, Pul, Lud, dələv net məhoŋ herɗe net ɗiy na Tubal gəm Yavan gəm aket mətuwəraɗe faraɗa məs dəprəmən wən naw ɓa, dulanən gagdak naw ɗah ɓa'a. Neti warbanən gagdak naw aweleŋgit ɗiy-ɗarɗeski.

Isaya 66:19 ပူးပေါင်းရင်းမြစ်များ

Va'Atəŋ 10:13

Eziptə duwe mə Ludɗe, mə Eynam, mə Lahabɗe gəm mə Naftuɗe,

Va'Atəŋ 10:2

Kirtin Yafet: Gomer, Magog, Maday, Yavan, Tubal, Mesek, gəm Tiras.

Va'Atəŋ 10:22

Kirtin Sem: Elam, Asur, Arpaksat, Lud gəm Weleŋgit-Məlpeŋge.

Va'Atəŋ 10:4

Kirtin Yavan: Elisa, Tarsis, Kitim gəm Rodanim.

Va'Atəŋ 9:27

Maŋgəlva dəɓaygən Yafet, dəsangən addivit gizlirkeɗe na Sem, Kana'an dəsan balam nani!»

1Alabaraɗe Də Mabərkiziti 1:11

Eziptə duwe mə Ludɗe, mə Eynam, mə Lahabɗe gəm mə Naftuɗe,

1Alabaraɗe Də Mabərkiziti 1:7

Kirtin Yavan: Elisa, Tarsis, Kitim, gəm Rodanim.

1Alabaraɗe Də Mabərkiziti 16:24

Mərban gagdak nan aweleŋgit ɗiy-ɗarə, sekeneɗ nan aweleŋgit ɗiy pakə.

Gəlyaɗe 72:10

Milyeŋge na Tarsis gəm naket mətəwəraɗe wakiyaŋ əvəla; milyeŋge na Saba gəm na Seva, wakiynən nzalaka neti.

Isaya 11:12

Waslan gabaga narban dəlva wakkelet en mərɓehit sə Israyel gəm kakkelet en mətrayet na Yuda wakkelet sə tapaslay poɗogən na dələv pakə.

Isaya 18:3

Ɗiy nammba dələv pakə, ɗiy en dəssoŋ aka dəlva, an məmpani gabaga nawsən dələv azan aka mossorgo metiŋ, kulanəngəni an məffoni mohõ kəprəməngəni.

Isaya 18:7

Pay dəpaski dogomɗe məs gəba zit məzəwiɗ gəm ɗiy məs adawgeslne'eŋ sitin aŋga pakə, təŋ səŋka hã bal adaka, məs gbogboŋɗe məzundepetin meseŋgiɗti, məs dələv net asan a met məlpeŋge, wakiyaŋ əvəl sən Daya Məzuɓappakə, wakinən əvəl net aka mossorgo metiŋ na Siyon akki iya na Daya Məzuɓappak asani.

Isaya 2:16

wasil sit bəlayɗe na Tarsis pakə dit bəlayɗe en na sləma pakə.

Isaya 29:24

Ɗiy məsmaɗɗulet azlzlaɓ warahaŋ əsəna; ɗiy məs kiyit ɓəl watafnən iyaka.

Isaya 42:12

Dəgagdakanən Yawe, dərbanən əɗi kiyən aket mətəwəraɗe.

Isaya 42:4

Nan awzimbi ɓa, ayə na londor ɓa, hã gap ndən ziwgin təstəs aka dəlvafuŋgu, ɗiy-naguw diyɗa tahəŋ əganən əyak nani.

Isaya 43:6

Wanənah sən tapaslay pay na disiŋ na: dəppetgin ədda, sən dohoŋ na: Kətek ɓa. Məmilgit kirtu mezeŋgleket hã sə faraɗa, kirtu muguluŋgit sə təki dələv abaymani;

Isaya 49:1

Məprəmwa, mənokum mətuwəraɗe, məpak sləmokum, ɗiy na faraɗa. Aka məɓəli əwu ɓa, Yawe ayəwəka; aka nəsaw addəvət mawa, anah iya nawa.

Isaya 49:12

Yendek əzzoŋ sə faraɗa! Mbirti sə kəla disiŋ gəm sə kəla pehe meɓɓeti səka dələv na Sinim.

Isaya 49:22

Aŋki an Daya Yawe anahə: in tat yaŋ əslan vaw aket ɗiy-ɗarə wanəmpa gabaga naw narban gagdak na dələv sit ɗiyi, wamndegetinin kirtuk mezeŋgleket a persleket sləkə wasletinin kirtuk muguluŋgit a ma wəleti.

Isaya 51:5

Təstəs naw go'oy, əkõh naw warbə, vaw watawwən aket ɗiyi. Mətuwəraɗe waɗiynən əɗɗum net akawa, wabayən vet ammbawa.

Isaya 52:10

Yawe arbanək gbogboŋ nan addəv salala nan a maheret ɗiy pak appaka ta'ə. Təki dələv abay man pak wawla əkõh na Maŋgəlva namə.

Isaya 52:15

Vaska'a ɗiy diyɗa waggətaŋ aka wən nani, milyeŋge wamsanən meti. Vi wawlanən an dulanən ɗah ɓa, waprəmən gabba an dəprəmən ɗah ɓa.

Isaya 55:5

Wakəye ɗiy məs kəsin ɓa, ɗiy məs dəsənkun ɓa wanzoŋ azok aka wən na Yawe Maŋgəlva noko, gəm aka wən na Salala na Israyel, vi aɗiyək kiyko.

Isaya 60:9

Ɗiy en ɓa' sə mətuwəra aɗiyənək əɗɗum net akawa, bəlayɗe na Tarsis əŋ abe vi kawmilgit kirtuk sə faraɗa də təbəz babar gəm meleŋge neti vi kawgagdakan Yawe Maŋgəlva noko, vi Salala na Israyeli dəpsuk gagdaka.

Isaya 62:10

Məgili, migil də memeŋgleɗe, məntar tive sit ɗiyi. Məziyani, məziyan tive, məkkpor gərmeŋge, məmpa gabaga na məlĩ abet ɗiyi.

Isaya 65:1

Nəppanək kizu sit ɗiy məs dəttokowən ɓa dəkayawəngəni. Nəppanək kizu sit ɗiy məs dəkayawən ɓa dərəhwəngəni. Nəmna: In yakəŋkə, in yakəŋkə sit ɗiy-ɗar məs ayanən iya naw ɓa.

Yeremiya 46:9

Mətoŋ əlpa pilseŋge, məzla aket mawteɗ net pilseŋge! Guromɗe mətoŋgu, na Etiyopi gəm na Put məs dəsənan wən net barayɗe, gəm mə Ludɗe dəsənaŋ bəle!

Ezekiyel 27:10

Persiya, Lud də Put addəv ngaɓa nalpa nokəŋ lahəŋka, məzəlpaŋ nokuŋgə; anokda adawlawnin barayɗe dit kulpupuɗe nawgaya, ndəɗaŋ dəwiɗgukuni.

Ezekiyel 27:13

May Yavan, Tubal də Mesek net tahəŋ əman sukun vet də ɗəf titire gəm zəgeɗ na təbəz pepreŋ, tay əpsukin a gəlet zəgeɗ noko.

Ezekiyel 30:5

Ɗiy na Etiyopi, na Put, na Lud, ɗiy məslãhãɗe pakə, na Kuv dit ɗiy naka dələv na wənmiyna dayday wamtaŋ dənɗaŋ də masalam.

Ezekiyel 32:26

Mesek-Tubal də vanday net ɗiy nani. Magamas net ganyẽɗ məmbokit də masalam ki magamas nan tərwəslə. Vi aggbo'ənək geslne' net aka dələv net ɗiy medereti.

Ezekiyel 39:1

«Is wətən ɗəfa, agəɗ kəleŋ aka Gog; kənahgən na: An Daya Yawe anah yaŋka: In yakəŋ əzzaw akoko Gog, daya kiywən na Mesek gəm na Tubal.

Ezekiyel 39:6

Wanəslən offo aka Magog gəm aket ɗiy dəssoŋ aket mətuwəraɗe fendeŋgi; wasənnən na intə Yawe.

Daniyel 11:18

Səɓɓani, wazi haran dəket dilveŋge na mətəwəra na pehe ya waska wəlet diyɗa səmmbeti. Məlĩ na guw watak əkaɓ nani də əmndeget wil akani.

Sefanya 2:11

Yawe arbanək zən nawgeslne' sən azeti, azetik meŋgilveɗ naka dəlvafuŋ pakə, wappu'oŋ aban naway pak sə gəlan səka dələv nani.

Sefanya 3:10

Sə dəgar kiyit məlpeŋge na Etiyopi, məzəkdukoŋ suwən en məs nətəraygiti, wakiyaŋ suwən əvəla.

Malakiya 1:11

Vi təŋ səkki əgilye na paya hã gap akki məs adawbəta, iya naw gədaki aweleŋgit ɗiy-ɗarə. Aŋga pak tawkiyaŋ tursan aka iya nawa, vaska'e matuya məza heslepe azan ɓa, vi iya naw gədaki aweleŋgit ɗiy-ɗarə, Yawe Məzuɓappak anahə.

Matiye 28:19

Vi vaski məddoŋ azet ɗiy pak məkkpaŋget gewleɗ nawa, məɗɗe sit baptem də iya na Afəni, na Wətəni gəm na iya na Zeŋgile Salala.

Markus 16:15

Yaŋ anah sit na: Məddoŋ aka dələv baymani, məbbalan Wən Nenek azet ɗiy pakə.

Luka 2:34

Simeyoŋ aɗɗak əzaɓ eketi, aɓsət Miryam man na: wiynəŋ tay ahəŋ vi əzbəra awaniɓa əsilye net ɗiy diyɗa a Israyel, gəm va zəga nawsilgin əŋzlama.

Roma 15:21

Va məverin na: Məs məpel siti ɗah wən nan ɓa, wawlanəni, Məs dəprəmən ɗah wən nan ɓa, waprəməni.

Efesus 3:8

Su in məs nadəmmbet ɗiy en salala pak məvay mbəlembəle əŋ narban arya na Kristu məs akkpe' ɓa.