Isaya 66:15 - Bible en Guidar

¹⁵ Vi Yawe yaŋ əzzan addəv offo, mawteŋɗe net pilseŋge nan tahəŋ va barkataŋɗe. Waki gagay na ədagədəv nani kawhãy addəv hərzlum offo.

Isaya 66:15 ပူးပေါင်းရင်းမြစ်များ

Gəlyaɗe 11:6

Dəki əhay na buwən aket məsdarawɗe! Offo, busuk gəm əzəmsahã, haran net yas adawgaŋgə!

Gəlyaɗe 18:9

Enene agilyoŋgək sə məŋkənni, offo məzuzla əgilyan səmani, slay offo ngiɗngiɗ əzzan səzani.

Gəlyaɗe 21:9

Vok warme məzuzelɗe nok pakə, vok dəzəŋ warme məzuzelokuni.

Gəlyaɗe 50:3

«Maŋgəlva nam dəde, adawɓəta ɓa!» Offo tay ələkat təki səbani, barkataŋ tahəŋ kiyən tərwəslə.

Gəlyaɗe 68:17

Mossorgo metiŋ məs kiyən ɓaɓayə vimi kədaɗɗa kotorok na mossorgo metiŋ məs Maŋgəlva aŋgəl nassa akan di? Maŋgəlva wasan akan faɗə.

Gəlyaɗe 97:3

Offo tay ədaw abani, tay əzim məzuseɓɗe nan dətərwəsləni.

Isaya 10:17

Əkeɗeɗe na Israyel, wakkpaŋ offo; Maŋgəlva salala wakkpaŋ hərzləm offo wazle gəm waterne tintifɗe dit degirgeɗ nan, aka pay taka,

Isaya 26:11

Yawe, vok tay tiliwwe aka ərga, ya awlanən ɓa. Wil wadenin dawla əŋgla nok kiyuk boŋ viyit ɗiy noko! Offo dətarne məseŋgiɗko!

Isaya 30:30

Yawe warban wəlan də gagdaka; warban va mbar van adawpirken vi karga ɗəfa. Warban gagdak na ədagədəv nani, addəv offo mətarnah təkiya, aka pay buwən adawziya gəm maŋgalaw dit ɓeɓrezle.

Isaya 30:33

Məkkpuɓtiŋ motoffoɗe dafsən a təki net ammba məlĩ vani məzaɓani, kpumi, sloproki diyɗa offo dit wəleŋɗe tahəŋ diyɗa əmpəs na Yawe tay va lolohõ na busuk məzuzla addəvən. Ndəni əmpəs na Yawe adawɗi offo, va offo məzuziya.

Isaya 31:9

Məzəmpəsən ɓəɓəl wanzan sən gəslne, məs dəmpanən tilit wanzoŋgu, deyeɗe wakkereŋ sən gabaga narban dələv azani. Yawe aɗiymani, ndən məs offo nan mərman a Siyon, offo məzuzla a Yerusalem.

Isaya 5:25

Vini Yawe arban ədagədəv nan aket ɗiy nani aslanək van aketi, argeke. Mossorgoɗe gugriɗ akkereŋke; mogogoy net kporu aket tiveɗi. Də as pak ədagədəv nan awɓəta ɓa'a, van tay təlla.

Isaya 5:28

Herɗe nan mətakaɗani meti bəleɗe nan pak tahəŋ minslinti. Eperkeperke tilit pilseŋge net tay ɓəl va gərma, batam mawteɗ na pələs net va kəɓəs na vẽŋvil na buwnəŋgə.

Isaya 51:20

Kirtuk askotoŋko, tahəŋ məvoŋgit aket tiveɗ va musa aka mazzaɗə, attəmanənək ədagədəv na Yawe əhãy na Maŋgəlva noko.

Yeremiya 25:37

Gazlaŋɗe net tahəŋ semsemi, azaŋka, sən vakvak na ədagədəv na Yawe.

Yeremiya 4:13

Awla yaŋ tay əzzan va slaybuwna. Mawteɗ na pələs nan tahəŋ va barkataŋ, pilseŋge nan tahəŋ də kakara dayki gazla. Əray akamə, mərayka.

Yeremiya 4:3

Aŋki an Yawe anah sit ɗiy na Yuda gəm na Yerusalem: Məboh guli meleketeni, kədazlgaŋ addivit degirgeɗ ɓa.

Yeremiya 46:15

Vimi Apis medgeɗge zəgakamaŋgəlva nok anzan di? Dəɓap əziw ɓa vi Yawe aslaŋganəka,

Ezekiyel 38:17

«An Daya Yawe anah yaŋka: Anoki nənah akok far gala nəɗi wən nan sit gewleɗ naw məskəleŋɗe na Israyel, məs dəɗɗaŋ kəleŋ pay nan addəvit əzvaɗe diyɗa, anok nədawslən aketi.

Ezekiyel 5:15

Wasan suk va zəga net wili gəm zəga na əra azet dəlveŋge na guw en dəssoŋ kiyuk tərwəslə, wasəreteŋ wən azoko, wamasaŋ akoko, wasan sit va wəssak nawgeslne'et pay nədawtawwən akok də ədagədəv nawa, dit herɗe nawa gəm əzga' na herɗe. In Yawe tə nəpeli.

Daniyel 11:40

An pay nagrak agapka, məlĩ na dohoŋ wargisl dəndəni, məlĩ na kəla disiŋ waderze akan dit mawteɗ nawgaya, məŋkoroŋ pilseŋge gəm bəlayɗe diyɗa. Watoŋ addivit dəlveŋge diyɗa, wagule, va məlpa adawgul təkiya, watoŋgu.

Daniyel 7:10

Məlpa na offo tay ədaw əgilye səbani. Ɗiy gabal kəlaw təl gabalɗe tahəŋ əɗɗaŋ wəza abani; ɗiy məza əŋɗa net tay ɓa tahəŋ ziwziw abani. Səza mətəŋ wətawwəna, məkolti ɗerewelɗe.

Hose'a 8:7

Vi səmyã adazlgaŋgə, barkataŋ adakkalanəni. Haykəmari net apok na ɓa, an apokko, agəɗ na gəpa ɓa, ya an agəɗək gəpa, molhõyẽɗ dədawzəməni.

Amos 7:4

An Yawe Maŋgəlva arbəsu maɓɓan yaŋka: ayak offo kawtawwən dəndən; yaŋ asa'ẽt iŋkile na delŋgeɗek, azəm dəlva.

Nahum 1:6

Naway nawɓap iziw aba ədagədəv nan di? Naway nawsilyen an makran asilik di? Makran tay vakvak va offo; awehetik gərmeŋge səbani.

Habakuk 3:8

Aket məlpeŋge Yawe adəgədəv sa? Awaniɓa aket məlpeŋge ake herɗe nan sa? Awaniɓa sən pehe asil sən sa? Vi apeŋgik aket pilseŋge nani, aket mawteɗ nawgay naska wəla.

Zakarya 6:1

In həmsak le'gən harawa, in təm mawteɗ nawgay yeŋ poɗo əgilyoŋ sə weleŋgit mossorgoɗe gugriɗ sula, mossorgoɗe gugriɗ na təbəz pepreŋge.

Matiye 22:7

Gədəv məlĩ adəka, aslənik məzəlpaŋ nani azet məbayaŋ gəbay neki, azla walaŋgəla-metiŋ neti.

Əmsak aka Mahenziŋ 28:20

Yawe waki əray nani, geslne də wəttap aka zəga naɗɗa na vok temtem pakə, hã gap kawzok kuɗupu, hã gap kəhhigən də kakara, vi mambray kəgəɗ kəppaw firikəŋka.

2Piyer 3:7

Ya disiŋ də dəlvafuŋ an kakaŋkiŋki, məɗiti ta' sən offo də wəpel vani. Məzeɓeti vi pay nawtawwəna gəm pay nawza net ɗiy mbəreyti.