Isaya 66:1 - Bible en Guidar

¹ Vaŋ Yawe anahə: Disiŋgi mazaŋga na məlĩ nawa, dəlvafuŋ tamə təki nawɗi təlwa. Gəla mi kədarkaŋ suwən di? Təki mi gala naffet naw di?

Isaya 66:1 ပူးပေါင်းရင်းမြစ်များ

1Milyeŋge 8:27

«Gesiŋ Maŋgəlva waɓap əsan aka dəlvafuŋ sa? Disiŋ, təki an balsən disiŋ pak aɓapaŋ na ətafkun ɓa! Sasak Gəla nərkəŋka.

1Alabaraɗe Də Mabərkiziti 28:2

Məlĩ Davit asilik aka tələn ziwi, yaŋ amna: «Məpak sləmokum məprəmwa milmiŋgiɗu dit ɗiy nawa. Nərmak a makraw narka Gəla, təki naffet na akoti na wənmiyna na Yawe gəm təki nawteŋ na Maŋgəlva namə, nəzaɓanək zu narkani.

2Alabaraɗe Də Mabərkiziti 2:5

Ya naway nawwɓap ərkəsən gəla di? Vi disiŋ də disiŋ an balsən disiŋ pak atafən na ɓa. Naw nawa nan nərkəsəngən gəla an nawzlə sən tursan abani ɓa di?

2Alabaraɗe Də Mabərkiziti 6:18

Kaŋna, ya kpak Maŋgəlva wasan də gəla aweleŋgit ɗiy aka dəlvafuŋ sa? Adan disiŋ də disiŋ an balsən disiŋ atafəkun na ɓa! Gəla nərkəŋ nawtafuk dərəŋ sa.

Gəlyaɗe 11:4

Yawe tay addəv Gəla nan salala; mazaŋga na məlĩ na Yawe a disiŋgi. Haran tay əsəŋgləkan təkiya, də wəzi haran ula an ɗəf adaɗɗa.

Gəlyaɗe 132:7

Mədam a təki nassa nani, məpu' səm aba təki nawɗi təlni.

Gəlyaɗe 99:9

Məɗi ki Yawe Maŋgəlva namə; məppu' aba mossorgo metiŋ nan an salala, vi Yawe Maŋgəlva nam salala yi!

Isaya 57:15

Vi vaŋki məs dəsan a disiŋ ki zəga pak məs təki nassan dəsan faɗə məs iya nan na Salala anahə: In tat a disiŋ salala nənani, ya in tat də ɗəf məs makran dəzlahə gəm məs dəɓe'gin kizəni vi kakkpaŋgan məs dəɓe'gin kizən madarani, kawmbəlgən ɗəf məs makran dəzlahə.

Isaya 60:13

Wəleŋɗe rəɓ dəssoŋ gagdak na Liban kawkiti anokda wəleŋɗe lelewɗe, zaɗiya gəm zigã wazzoŋ sap vi kawbay gawla sən gəlamatuya nawa. Wanəkkpaŋgan təki nəsaw dəsangə də gagdaka.

Yeremiya 23:24

An ɗəf aɗamək a təki nawɗam na, nula na ɓa sa? Yawe aɗiymani. Intə nəknəh disiŋ də dəlvafuŋ ɓa sa? Yawe aɗiymani.

Malakiya 1:11

Vi təŋ səkki əgilye na paya hã gap akki məs adawbəta, iya naw gədaki aweleŋgit ɗiy-ɗarə. Aŋga pak tawkiyaŋ tursan aka iya nawa, vaska'e matuya məza heslepe azan ɓa, vi iya naw gədaki aweleŋgit ɗiy-ɗarə, Yawe Məzuɓappak anahə.

Matiye 12:6

In tat ənah sukum: An dəday ki Gəla na Maŋgəlva də gagdak tay aŋka.

Matiye 24:2

Yaŋ azlani, aɓsit na: Munokum tat ulenin zəgeɗis pak sa? Gesiŋ nədawnah sukum: Sessel, apəl na kuwən aka kuwən məza kaɓzluni ɓa ɓa.

Wəza net Masləŋɗe 17:24

Maŋgəlva məs dəɗɗa dələv də zəga nakan pakə. Ndəni Daya na disiŋ də dəlvafuŋ, awsan addivit Gəlaɗe na matuya mərket də va ɗəf ɓa.