Isaya 65:9 - Bible en Guidar

⁹ Wanəpsən uwa sən Yakob. Mossorgoɗe naw wassoŋ ka na Yuda, dələv wasan sit ɗiy məwelit nawa, məɗɗaŋ wəza naw wassoŋ adaka.

Isaya 65:9 ပူးပေါင်းရင်းမြစ်များ

Isaya 27:6

Abe na, ɗiy na Yakob wanzaganən slalwayti, Israyel wandəfə, waffuyu, kirtin wassoŋ aka dələv təslə.

Isaya 30:19

Vi is vanday na Siyon, is məs kəsok a Yerusalem, əhəm kədawhəm ɓa. Ama əŋzla vaŋvəl noko wagəɗ suk mbəlembəle. An aprəmkuko, wazlan suko.

Isaya 32:18

Ɗiy naw wassoŋ a təki na zazaya, wassoŋ məza tatwãh ɓa, addəv əffet məza əɗɗum ɓa.

Isaya 45:19

Nəpel mahaɗama ɓa a təki məs guzli naka dələv ɓa. Nənah sən zev Yakob na dəkayawəngən addəv səmyã ɓa. In Yawe na, an təstəs nədawpele, an sarara nədarba.

Isaya 45:25

Mə Israyelɗe pakə, wassoŋ təstəs aza Yawe wannekenin ziti.

Isaya 49:8

An Yawe anah yaŋka: Pay na ulasahã, nəprəmək əkkam noko; pay na əkõho nəbbah sukko. Nəgukuko, nəɗikuk ta' kəsokgən wənmiyna net ɗiy nawsilgən dəlva nawɗak hara dələv məs dərayəŋka.

Isaya 57:13

Pay kədawhəm sit sap net meŋgilveɗ nok dəkõhgukuni Səmyã waslet pakə, kitiwkitiw nan waddergiti. Ya məs dəɗi əɗɗum nan akawa dələv wasan ka nani, wazəm gəla aza mossorgo naw salala.

Isaya 60:21

Ɗiy nok beymet wassoŋ təstəs hã faɗə, dələv wasan ka neti. Wəlaŋga məs nəmpə yi wəza na vawa, vi karban gagdak nawa.

Isaya 65:15

Məweleɗe naw wayanən iya nokum addəv əsway neti, wanahaŋ na: «Kəta Yawe Maŋgəlva dəbayuk va ɗəf ana awaniɓa va na ɗəf anda!» Ya kawyeti məɗɗaŋ wəza naw də iya mbərni.

Isaya 65:22

Arkaŋ na gəla vi ɗəf mbərən dətoŋgən addəvən ɓa, ampaŋ na megezlembirkeɗ asna ɗəf mbərən dəzəmgən uwa net ɓa. Vi va əzva net wəleŋɗe əzva net ɗiy naw adazzeke, məweleɗe naw wanneken də ərəh na wəza na veti.

Ezekiyel 36:24

Wanəgəmkum səret ɗiy-ɗarə, wanəkkolokum səket dəlveŋge pakə, wanəkiykum aka dələv nokumu.

Sefanya 3:20

Pay nan na, wanəmilgukum, pay nədakkolokum wasani; sləmokum wabbalə, wanəɗi kiykum a weleŋgit ɗiy nammba dələv pakə; pay nədawziwgin wən nokum a mahorokum Yawe anahə.

Matiye 24:22

Va Məduduɗukon pay nan ɓa ɗəf tay nawkõh kəta ɓa. Ya aka wən net ɗiy məwelti, kawduduɗukoni pay nan vanəska.

Roma 11:28

Dəwəl sən alabara neneke, məzuzelɗeŋgə, ammbokum; dəwəl sən uwele, məŋgliwtiŋ sən wən net əfiŋgitti.